Aisaya 61:2 - Anatunya Buku Baepole Ole Testamene Pii Lapo dee Nuu Tesamene

² Kamongome banya wambu lete wai pyao nyuo nakamana yanda pimwai dupwa anamasi minyara ee kana pyaka seramo yuu gii doko boo pyala pupi lapyasa epelyo leya. Dee wambu lapo ee lao kumanda petaminyi dupwa mona minyarambu puu lao peyapyasa epelyo.

Aisaya 61:2 ပူးပေါင်းရင်းမြစ်များ

Aisaya 1:24

Dokona lao dakepa Anatu Isaraele wambunya Kamongo Porai Wakasa dokome apa letamo lao selapa. Nambana yanda pimwai dupwa nakamana koo dupwana bekeme pyakaronopa dokona nakamame namba isingi randa dee jeraminde daa lao silyu.

Aisaya 35:4

Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

Aisaya 40:1

Namwana Anatumi lao, Nambana wambu dupwa nyisakao mona minyarambu karape, letamo.

Aisaya 49:8

Kamongo dokome banya wambu dupwa lamaiyuo, Yuu gii angi nakama lete wai pyao nyero doko pyaka seramo dokopa nambame nakama anjiki pyuo nyisa lao ee lao karaminyi dokona isingi yano pyakaro. Nambame nakama rapu pyuo karo konambe ingyaro kararonopa nakama keta wambu dupwa peparae kana minyuo lalu lao laro. Nambame nakamana yuu dakepa mee apa soo peelyamo dokona range piso palyuo pipwa, laro.

Aisaya 58:5

Nakama nenge wasaka piminyi gii dokopa nakama range randa nyuo rambi pau pyao kamba kamba paleyamuli pyuo ayemba rukyuo kumanda piso wapungi komau kwuayo pee lombo retapala ketae palaminyi. Doo pilyaminyi dopa pyuo nakamame nenge wasaka pilyamano lengese? Nakambame suu pyaminyi dokopa namba doko rae mairiŋi lao suu pilyamisi?

Aisaya 60:10

Kamongo dokome Jerusaleme kando dopa letamo. Wambu yuu wakale range dupwame nakamana kana kame awali lao doko dee kamba pyakarami. Dokopa wambu dupwana kiŋi dupwame nakamana yulu pyakarami. Nambana imbu singi dokome nakama randa jiyu. Dopa piyunupape dakepa nambame nakama epe kando sakame kumuo kararo.

Jeremaya 31:13

Dokopa wanake dupwa mali lyuo wamya lyuo rae mairami. Dee akali parange alemope dupwa rae maiyuo mona pyakalyuo pyaramo kararami. Dokopa nambame nakama mona minyarambunyi pyambwapala nakamana kumanda piso ee lao dupwa alowa pyuo mona pyakalyuo pyao rae maingi renge mairu. Dee kondange renge paleta karenge dupwa rae mainyi pyambwaro.

Maeka 3:8

Saka naraminyipape Kamongo dokome namba banya Imambu dokome paka pyao soo porai renge joo pipya dokome kapa rolelyo lao silyu. Dopa pilyu dokome porayapala Isaraele wambu dupwana koo dupwa pano polo lamaiyakamiru.

Matyu 5:4

Wambu monarename sakame kumungi dupwa mona minyarambu poraiyakamira dokona rae maiyuo pelyaminyi.

Luku 4:19

Kamongome banya wambu lete wai pyao nyera ee kana pyaka seramo yuu gii doko boo pyala pupi lapyasa epelyo leya.

Luku 6:21

Epapu lopo pipyamopa karaminyi dupwa sikya piramo kararami dokona nakama raeko maiyuo parami. Epapu ee lao petaminyi dupwa nakama giyuo pisirami ingilyamo dokona nakama raeko maiyuo parami.

2 Korina 6:2

Anatunya pii letamo doko selapa. Yuu gii keyange pyaka siyamopa nakamana pii siyu. Lete wai pyao nyingi yuu gii dokona nakama nyiso kareyo letamo. Selapa. Epapu dakepa Anatu nyisinya lapenge ingilyamo. Epapu dakepa Anatunya lete wai pyao nyingi yuu gii doko pyaka sepelyamo.

1 Tesalonaika 2:16

Juu wambu dupwame rara wakale dupwa waili pii keyange lamairama doko sepala lete wai pyao nyingi kando nyerami doko kata pyakepelyaminyi. Nakama yulu koo dokore kaeya nalyaminyi dokona andalu ando andapala Anatunya lenge kambu dokona kote pii palamo.