Aisaya 60:7 - Anatunya Buku Baepole Ole Testamene Pii Lapo dee Nuu Tesamene

⁷ Yuu Keta Nepayotepena mena sipisipi peparae nakamame pyao kiso mairamiŋi lao minyuo eparami. Doo minyuo eparaminyi dupwa kana pyare lasi dokona pyao kiso maiyuo Kamongo rae mainyi pyambwarami. Doko Kamongo dokome banya tembole anda doko kamame wakasa ingyuo neta ranyi retara.

Aisaya 60:7 ပူးပေါင်းရင်းမြစ်များ

Jenesese 25:13

Kingi dasipa Isimaele ikinyingi wambo enakaope mandeyamuli pyuo pyasi palamo. Mupwa Nepayote dee Keta Apitili Mipasame

Jopo 42:8

Dokona epapu mena bulamakao kali yanda ipingi nyepo sipisipi kali yanda ipingiko nyepala minyuo Jopo karamo dokona papala emba rangena ingyuo pyao kisape. Dokopa Jopome ateŋa lakara dokopa nambame banya ateŋa doko isingi yano pyakaro dee embame yulu kopetame pipinyi dupwana nambame elya renge jii naro. Baame nambana lao pii kinyi dupwa lengenyili pyuo laa nami.

Aisaya 42:11

Yuu muiyanepe taone dokona singipi dupwame Anatu lakandena. Wambu yuu Keta rangeme baa lakandena. Dee yuu taone Sela range wambupi dupwame yuu kyau ketae dorena karo rae wakasa maiyuo pii porakai lao baa lakandena.

Aisaya 60:13

Dopa pirunupa isa rara wakale wakale dupwamepe dee yuu Lepanone imwa dokona isa keyange dupwamepe minyuo epo yuu Jerusaleme dee kamba wasarami. Doo minyuo eparami dokome nambana tembole anda doko au pinya lao pyuo nambana taone andake doko netaŋa rao lepo lepo pyuo karena lao wasarami.

Maeka 4:1

Yuu gii ene eparamo dupwana yuu kyau tembole misi anda karamo yuu doko kamame ketaele ingyuo sera. Seramo dokona wambu rara wakale malu mee dupwa epo kararami.

Orome 12:1

Yangonemoo Anatumi banya sakame kumungi doko namwana lao andakyuo peyamo dokona lao nakamame poraiyuo simili lao langilyu. Nakama range lete karo dokopa Anatu kumuo maipala karalapape. Dopa pipala dokopa Anatu keta iki pyamalyuo karo baa rae mainyi pyambuo pyuo karalapape. Dopa pyuo pirami ramo kata doko Anatu angi kinyi kumuo maiyuo lao kararamisa pira.

Orome 15:16

Anatumi rara menge dupwana lao Yesu Koraisana kendemande yulu jiyamo dokome paka napala pepa dake pyao jilyu. Nambame Anatunya waili pii keyange doko polo lamaiyuo purisi yulu dokona pyuo karapusa pilyamo. Nambame dopa pyuo pilyu dokona rara menge dupwa epo Anatu kumuo mairami ramo dokopa Anatumi nakama nyera ingilyamo. Nyeparamopa Imambu Poo Pyasi dokome nakama nyuo Anatu keta pyamalyara.

Ipuru 13:10

Juu wambunya tembole andana kana pyare dokona bange kiso maingi dupwame namwana kiso maingi kana pyare dokona naraminyi kapa ingya nara.