Aisaya 60:1 - Anatunya Buku Baepole Ole Testamene Pii Lapo dee Nuu Tesamene

¹ Jerusaleme emba epapu eŋa nembo neta dopale ingyuo rao sipurape. Dokopa Kamongome banya neta renge yulu doko nakama keta ranyi pisilyamo.

Aisaya 60:1 ပူးပေါင်းရင်းမြစ်များ

Samu 87:3

Wambu Anatunya taone andake dokona palaminyi dupwa Anatumi yulu keyange pipa pipa pyakalyamo doko selapape.

Aisaya 2:5

Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa.

Aisaya 28:5

Yuu gii mende ene pyaka sera dokopa Kamongo Porai Wakasa doko banya wambu pyao wapu lasi dupwana kyawa rarange kalya pisi doko dopale ingyara.

Aisaya 35:2

Yuu bange anda nange doko yuu kyau Lepanone au piyamuli pyuo rae maipala kenane poraiyuo pyara. Yuu Kamele amenge pinginyili pyuo yuu muiyane doko seramopa wambu peparaeme Anatunya porai rengepe neta rengepe yulu wakasape doko angi kandarami.

Aisaya 42:6

Namba Kamongo dokome emba kee lapala isa yuu dakena lao rolare ingyaraŋa lao porai renge jiyu. Emba keta nambame wambu peparae pipya kana minyuo lalu lao lenge pii laro. Emba ketako nambame wambu rara peparae dupwa keta yanga paupau lanyi pyambwaro.

Aisaya 58:8

Dopa pirami dokopa nambame nakama kando epe kando yangamana neta lepo lepo pyuo nakama keta ranyi peenge dopale inginyi pisaro. Dopa piru dokopa nakamana yongo dupwana mendasa wua kakupi pisiramo dokopa waiya lao umbwa pinyi retakaro. Nambame yuu peparae nakama pipya role pyao karo kyawa lete nyuo kararo. Nambame dorena darena pyuo nakama konambe ingyuo alyasa minyaro.

Aisaya 9:2

Wambu iminjiyamo dokona peteyami dupwa ama yanga paupau leyamo kandeyami. Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Malakae 4:2

Lapala dopa piramopape lapo namba kando warombo silyaminyi dupwa nakama nyiso neta rengenyili pyuo nambana pyuo nyingi porainya renge dokome nakama keta sipurao nyisala epara. Mena ikyane andana palu kamanda epapala male lao mokwasi karengenyili pyuo nakama rae maiyuo kararami.

Matyu 4:16

Wambu kumungi renge dokome yambe piyamo peteyami dupwana lao yanga paupau lenge doko pyaka sakamiyaŋa lao palamo.

Matyu 5:16

Doko suu pyao nakama kukwana kendapulinya mendeke ingyuo wambu dupwana lenge kambu dokona karo yanga paupau lao karalapape. Dokopa nakamana yulu keyange pyuo kararami dupwa kandapala Rakange yake panda karamo doko ketae pyambwamili lao pyuo kararami.

Luku 2:32

Yanga paupau laramo dokome see nange wambu dupwa embena kata kando nyerami dee Isaraele rara doko yanga paupau laramo dokome rara neta renge ingyuo para leya.

Jone 1:9

Yanga paupau lenge angi wambu peparaena suu pingi dokona yanga paupau lanyi peenge doko isa yuu dakena epo kareya.

Jone 12:46

Mendalimi namba kapa ingingi lao suu pyao karara doko iminjingi dokona pisu piso pisa nana lapala namba yanga paupau lao isa yuu dakena epeyo.

Jone 3:19

Yanga paupau lenge doko isa panda epeyamopape isa wambu dupwame baa mona mai napala yulu koo pingi dokome iminjingi yulu dupwa mona mailyaminyi renge dokona kote pii palamo.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

Epesasa 5:14

Panasi dupwa yanga paupau lasi dokona ingyuo para. Dokona lao pii dopa lao pyasi palamo. Kumasi ingyuo luu palaminyi dupwa lenge rao sipuralapape dokopa Koraisame nakama keta neta ranyi pisinyale.

Epesasa 5:8

Nakama wamba iminjiyamo dokona isa sulu sulu paeyo kareyaminyipape epapu Kurisene ingyapala Kamongona yanga paupau lenge dokona karaminyi. Dokona yanga paupau lengena wane wanakepe ingyuo karalapape.

Pilipai 2:15

Dopa pirami ramo doko nakama koo pii nao poo pyasi ingyuo kararami. Nakama Anatunya wane wanakepe koo isa palya nange dupwa yuu dakena wambu koo pyuo rango nao karenge dokona role pyao palirami ingilyamo. Nakamame bui yake dokona rao karenge dopale ingyapala,

1 Pita 4:14

Nakama Koraisana kimbu moko minyingi dokona reke lao randa nao karamano lao suu pyapala rae maiyuo pupwape. Dopa pyuo pwuamo doko Anatunya Imambu neta renge dokome nakama keta epo paleyasa piya.

Orepalaisane 21:11

Kandeyono dokopa taone doko Anatunya yanga paupau lenge dokome neta ranyi nembeya. Lepolepo neta epenge doko kana kyakapaende mone malu maiyuo ropo pyao nyingi dopalende ketapa ingyuo lepolepo pyuo kareya.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.

Orepalaisane 22:5

Taone doko dee iminja naramopa Kamongo Anatumi yanga paupau lanyi pyambwaramo dokopa lambe netape dolapona yulu mende pali nara. Wambu kararami dupwa kiŋi ingyuo iso karalu kararami.