Aisaya 6:9 - Anatunya Buku Baepole Ole Testamene Pii Lapo dee Nuu Tesamene

⁹ Dokopa namba pao wambu dupwa pii dake lamaiyape, leya. Kamame malu soo kararaminyipape angi doko soo rola narami. Kamame malu kando kararaminyipape angi doko apa pipala pilyamo lao angi kando gisapa narami, leya.

Aisaya 6:9 ပူးပေါင်းရင်းမြစ်များ

Aisaya 28:13

Dokona lao Kamongome nakama pepa kimbu litipi renge angi dokope liti pyuo mana langira ingilyamo. Dopa piramopape yulu peparae nyere kata dupwana emba pyalya minyaramo pao paliri ingilyamo. Emba ranjama nyuo pyaraminyipa apa pipala pilyamo lao sepa narenepa kiimbapala karapusi anda minyuo para ingyara.

Aisaya 42:20

Isaraele nakama angi malu mee pipyamo kandami. Kandaminyipape dokona aki renge mende mana nyilyamisi? Nakama kale kata sepala pii silyaminyi. Siminyipape aki renge angi doko soo nyimisi?

Aisaya 43:8

Anatumi lao, Nambana wambu dupwa kote lala epena lao lamailapape. Nakama lenge rao karaminyipape lenge koo ingilyaminyi. Dee nakama kale kata siminyipape kalepoenge ingilyaminyi.

Osia 1:9

Dokopa Kamongo dokome lao, Wane banya kingi doko Nambana Wambu Daa lare, leya. Doko nakama Isaraele wambu dupwa nambana wambu daa dee namba nakamana Anatu daako, leya.

Make 4:12

Kando pele pele pipala kando gisa narami. Kalena iki sepala soo gisa narami. Angingyuo simili dokopa Anatu dokona mona kapu kyepala, nakamana koo dupwa kame sakasi sipyamo karamili.

Luku 8:10

Anatunya isingi yulu dokona lao pii renge yalu pyuo singi dupwa nakama kapa serami. Wambu menge doloma kongwalu pii doko iki serami dokome kandapala angingyuo kandapa narami, kalena ketae sepala angi soo gisa narami.

Jone 12:40

Anatumi nakamana lenge koo inginyi pyambuo, mona kana pokwanyi pyambuo piyalyamo. Nakamana lengeme kando monarena soo giso pipala namba kararo dokona kapu kyepala pyuo elya pyuo nyakape lasarami lapala dopa piyalyamo, leya.

Orome 11:8

Anatunya pii pyasi dokona lao dokopa, Anatumi nakamana suu pingi ukiaki minyuo nakamana mona doko nyuo kame kame soo karenge wambu inginyi pyambuya. Yuu gii dokona piso epo dakepa opetae nakama lenge kopa pisipyamo kale poeyo karaminyi.