Aisaya 6:7 - Anatunya Buku Baepole Ole Testamene Pii Lapo dee Nuu Tesamene

⁷ Epapala isa lengya rao siya dokome nambana kambu dokona warendapala lao dakepa embena koo dupwa pupyamopa nyuo kame sakao kaeyasi silyamo, leya.

Aisaya 6:7 ပူးပေါင်းရင်းမြစ်များ

Aisaya 40:2

Jerusaleme wambu dupwa nyiso mona porainyi pyambuo karape. Nakama lamaiyuo, Randa doko yuu andarele kapa napelyaminyi. Epapu nakamana koo dupwa kame sisi silyamo, lao lamaipi. Doko nambame nakamana yulu koo dupwana manda manjo randa doko maiyuo kaepu.

Aisaya 43:25

Dopa pyuo kareyaminyipape namba Anatu dokome nakamana koo renge dupwa nyuo kame sakao karo. Doo pilyu doko nambaŋa lao sepala dopa piru, leya. Nakamana koo dupwana suu pingi nyepala minyuo karo nakama pipya yanda pimwaiyuo yango palya naro.

Aisaya 53:10

Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Aisaya 53:5

Dopa pyuo peyamopape namwana koo pingi dupwana lao baa randa maiyuo pyaroko piyami. Baa yanenge poro lao randa nyiyamo dokome namwa pyuo lete nyiya.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Jeremaya 1:9

Lapala enakana Kamongo banya kingi doko pyasinju lapala nambana kambu doko minyandeya. Minyandapala namba langyuo lao, See! Nambame pii emba langilyu dupwa emba kaeya nao lape.

Matyu 9:2

Dokopa akali papae rambungi mende luu palenge dokona siyamopa baa kareyamo dokona soo epeyami. Dokopa nakama Yesu kapa pyuo nyera lao suu pyao kaepala soo epeyamisa, kandapala Yesumi papae rambungi akali doko lamaiyuo, Rakane, emba porayapala sepe. Embena koo dupwa nyuo kame sakasi silyamo, leya.

1 Jone 1:7

Baa yanga paupau lasi dokona karenge doko suu pyao namwa yanga paupau lasi dokona kararama ramo dokopa namwa lao yalya kando pisiramano banya Ikinyingi Yesunya ranjama dokome namwana koo dupwa peparae kwuanyi nembapa pyakara.