Aisaya 6:2 - Anatunya Buku Baepole Ole Testamene Pii Lapo dee Nuu Tesamene

² Baa peteya dokona lee renge bange lapo karo awali leyaminyi kandeyo. Dusipana mendaki mendaki lao range dokona papake pakinyamange karapa piyamo kareyaminyi kandeyo. Lee renge bange mendaki dokome rangena papake pakinyamange dokona lamame nyuo lenge kambu yambe pyao lamame nyuo yanenge dokona yambe pyao lamame nyuo bii lao pao pipa peyaminyi kandeyo.

Aisaya 6:2 ပူးပေါင်းရင်းမြစ်များ

Jenesese 17:3

Leyamo dokopa Aporame baa pangu siyamopa Anatumi lao,

1 Kiŋi 19:13

Pii doko Ilainja sepala banya komau dokome lenge kambu yambe pyapala kananda kambu konandowame dokona karala peya. Dokopa pii dokome baa lamaiyuo, Ilainja emba dakena apa pyuo karese? leya.

1 Kiŋi 22:19

Leyamo dokopa Maekayame deeyako lao, Epapu Kamongo dokome apa letamo lao sepe. Kamongo doko yake panda dokona banya petenge isa dokona pisipyamo banya aŋala dupwa baa pisipyamo wangusa karaminyi kandapu.

1 Kiŋi 6:24

Laparae wangu dolapona mendare ingiya dee pinjingi dolapo mendareko ingiya. Dolapo laparae mendena mendena pyuo papake lamako karenge. Dolapo makande pyuo isa makando londe lama dee kuki mende (2.2 mita) dopale ingiya. Dokona lao papake pinjingi mendena dokome pao mende dokona doko kando nyiya. Doko makande pyuo isa makando pao kisima dee pakirena (4.4 mita) dopale ingiya.

1 Kiŋi 6:27

Nakambame dolapo laparae maki pyuo urumu Kamame Poo Pyasi dokona pisiyami. Nakambana papake dolapo laparaeme pyasinju laro karo mendena dokome mende kando nyuo mendena dokome mende kando nyuo pipala pao panda suku dokona kando nyinya lao pyuo dee paki lama dolapome pao apya doko kando nyinya lao pyuo piyami.

1 Kiŋi 8:7

Dokopa nakambana papake dolapome bokote dokope bokote singi isa kalya isa dolapope yambe piya.

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Jopo 1:6

Yuu mende yake panda karenge dupwa Anatupa wato lala epeyaminyi dokopa Satane opetae epo peteya.

Jopo 4:18

Anatumi banya yake pandana aŋala pii wai minyingi dupwa rolae angyako pyuo karaminyi lao mona pyamalya nange. Kyai pilyaminyi kandengeko.

Samu 103:20

Nakama aŋala porai banya mawa pii rape rape lao piraminyi dupwape baa laramopii doko waa lao kale yukupala soo pisiraminyi dupwapeme Kamongo doko lakandarami.

Samu 104:4

Porambaiye doko embena pii minyuo papingi ingyuo yuu pele dupwa embena kendemande ingyuo pingipya.

Samu 89:7

Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Aisaya 6:6

Dokopa lenge renge bange dokona mende namba kareyo dokona petakareme isarena kana pyare lasinya kiso maingi dokona isa lengya mende rapo nyiyande minyuo epeya.

Isikiolo 1:11

Nakamana papake kisima larapu karenge dokona lama dolapome mendena pinjingi dokome pee lapala mendena pao keto lapa piyami. Dee lama dolapome nakamana yongo dokona yambe pyapapu piyami.

Isikiolo 1:24

Nakamana papake dupwame bii leyaminyi dokopa poroparo lao peyamo siyu. Siyunu pii doko ipwa kota gono lele lao ami yanda kambu pili lao pyao dokopa Anatu Porai Wakasa dokona pii lele lao peyaminyi siyu. Nakama bii lao pao peteyami dokopa papake dupwa range nyuo kaki pyuo palyiyami.

Isikiolo 1:4

Namba pendakae lapala kandalyapeyo dokopa kopa apupi reeko doko dulurena piso epeyamo kandeyo. Kopa dokona piso yuu pele isare ingyuo rao yake peparaena raeyo peya. Yuu pele pyakalyiyamo dokona bange kana kone lepo lepo pisi dopalende rao kareya.

Isikiolo 1:6

Dusipana mendaki mendaki lao lenge kambu kisimako karo papake kisimako karo piya.

Isikiolo 1:9

Papake yango mendena kimbu silya sana piru kareyami. Bokote pinjingi kisima ingyaro karenge dopale ingiya. Panya dokopa longo raeya nao kapu kilya kapu kyana pii nao pipala mee suu laro karo rolae peyami.

Daniele 7:10

Doko rao range palu lombo nyisa epeya. Dokopa wambu ama malu mee banya yulu pyakamyuo dee wambu ama malu wakasame banya lenge kambu siyamo dokona roya kareyami. Dupwana kote pii kanda soo lalana buku dupwa lumbuyami.

Daniele 9:21

Namba ateŋa pyao piso dokopa aŋala Geperiele kombeya wambo pii repa repa piyunu dokona kandeyono doko namba peteyono mare dokona bii lao epeyamo kandeyo. Doko kukwa mena pyao kiso maingi doko mairama yuu gii ingiyamopa kandeyo.

Luku 1:10

Dokopa rendamu pingi bange kisingi gii dokopa wambu malu mee kareyami dupwa peparae kamanda ateŋa lao kareyami.

Ipuru 1:7

Baa aŋala dupwa suu pyao dopa leya. Nambana aŋala dupwa porambaiye dopale ingyuo pena lao kendemande dupwa yulu poo rele lao pinya lao mairu, leya.

Orepalaisane 14:6

Enakana aŋala mende yake dokona ama ketae bii lao pao dokopa isa wambupi yuu muu wakale dupwana rarape pii wakale wakale lengepe dupwa keta waili pii keyange sulu singi doko lamaiyala peya.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.

Orepalaisane 7:11

Dokopa aŋala peparae, dee lee renge bange kisima dusipape wambake akali dupwape petenge isa andake dokona nyuo sukusa pyambuo roya karapala Anatunya lenge kambu siyamo dokona baapa lao mona kando pangu sepala dopa pyuo leyami.

Orepalaisane 8:13

Enakana nambame kandeyono dokopa yaka kambe yake dokona bii lao karo pii ama ketae lao, Kwao para, kwao para, isa yuunya palaminyi dupwa randa andake nyerami. Aŋala rema bikuli lapa nami dupwa oo lalana petaminyi dokona kama kwao parami ingyalopyamo leya.