Aisaya 55:3 - Anatunya Buku Baepole Ole Testamene Pii Lapo dee Nuu Tesamene

³ Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Aisaya 55:3 ပူးပေါင်းရင်းမြစ်များ

Jenesese 17:7

Namba embapa kana minyuo lalu lao lenge pii doko minyaronopa embena enakana manjiri dupwa opetae keta pii doko kulisa ingyuo sulu seramopa dokona nambame nakamana Anatu angingyuo karalu kararoŋo.

Jenesese 49:10

Juta embena rombelyame kaikwasi dokoisa paa nara. Embena rara doko kiŋinya rara ingyuo karalu kararami. Kamongonge bange dupwa reto karo pao range eparamo dokopa baa keta pyamalyarami. Wambu peparae baako kando warombo soo banya pii minyaraminyi karara.

2 Samyuele 23:5

Kamongome namba kando pii kana minyuo lalu lao leya dokona Anatumi nambana manjirunu dupwa elyape keta pisinyi pyambwakara. Dee pii angi kinyi walengena palyuo yaki nyuo kaeya naro, leya. Pii lalu lao lapala alowa pii nange dokona namba moname nyilyamo. Dokona Anatumi namba dopa pyuo angi pyakaramo dokopa anamasi minyuo kararo.

2 Samyuele 7:29

Nambame nambana wambu dupwa elyape keta pisinyi dopaleko ingyuo pisakape lao emba piso silyu. Emba Kamongo Mupwa Andake Wakasa dokome dopa lao lalu lao leene dokome embena elyape pisingi renge doko nambana para pyasi dupwa keta palyuo puu para, leya.

Samu 119:112

Nambame embena mawa pii kuki dupwa rape rape lao minyuo paronopa kumarono dokopa otaraŋa lao suu pilyu.

Samu 89:28

Nambame baapa pii lalu lao leyo lao suu pyao kararo. Deelao kana minyiyambano doko sulu soo sera.

Samu 89:29

Baa keta piso kiŋi para pyao paraminyi dokona mendeko kiŋi ingyapa pira. Banya isingi yulu doko yake doko pingi pyaro karamo dopako ingyuo puu para.

Ekesetase 15:26

Baame dopa leya. Namba nakamana Kamongo Anatu doko nakamame kamba laa nalu nao napala nambame rolae lao suu pilyu dokona palyuo pyuo nambana dopa pipenge laro dupwa dopa lalyane lao soo nambana mawa pii dupwa minyarami ramo doko nambame nakamba Isipi wambu anga yakane kiso maiyunuli pyuo nakama jii naro. Namba doko Kamongo nakama pyuo lete nyilyuŋu doko karo.

Poropepe 7:2

Nambame mana langilyu dupwa pipala kapa karare ingilyamo. Embena bange keyange dupwa mona nyilini doko suu pyao nambana mawa pii doo mondo lao rapu pyuo pyuo karare.

Aisaya 54:10

Yuu kyau kuki andakepe dupwa poro lao para. Dopa piramopape nambame nakama mona retelyo doko ota nalu nara. Nakama keta mona kyuu lao seraŋa lao lao kana minyuo leto pii doko minyaro. Kamongo nakama mona retelyamo dokome dopa letamo.

Aisaya 54:8

Namba imbwayo dokona yuu gii kuki lama nakama mata jiyu. Dopa piyunupape nambame nambana mona retenge renge doko lasaka pyuo karalu kararo, lao Kamongo emba pyuo nyilyamo dokome letamo.

Aisaya 61:8

Kamongo dokome lao, Namba kyai rolaepena anjuku lao lao rolenge yulu mona nyepala wambu randa maingi yulupi yulu kopetame pingipi epe kanda nange. Nambame nambana wambu dupwa yaki nyii nao nakama kingi kiso maiyuo nakama pipya kana minyuo lalu lao lenge pii ingyuo laro.

Jeremaya 38:20

Nambame lao, Emba nakamana kingi rakana palya nara. Nambame emba piso sokondali pyuo lao, Kamongo dokona wai pii doko warombo sepe. Dopa pirinyi dokopa bange peparae dupwa emba keta kapa ingyuo paramopa emba range kyawa lete pare.

Isikiolo 34:24

Namba Kamongo doko nakamana Anatu ingyuo kararo dokopa kiŋi mende nambana kendemande akali Dapiti yale dokome nakama iso karara. Dopa lao lapunu pilyamo.

Isikiolo 34:25

Mona seramopa koo keta pali nao kararami lao namba nakama pipya lao kana minayro. Mena suwape wambu nalana pingi dupwa yuu dokona pali nana lao pyao ralinyi nembaro dokopa nambana sipisipi dupwa yuu dokonape imwa dupwanape mondo lao palyuo kararami.

Isikiolo 37:26

Nambame nakama pipya pii lalu lao lao kana minyuo laronopa nakama keta mumbwa palyaramopa elyape keta palyuo puu parami. Namba dopa pyuo kanda soo pipala wambu wai kiso andake inginyi pyambwapala nambana tembole anda doko nakamana yuu dokona wasaronopa karalu karara, leya.

Emosa 5:4

Kamongo dokome Isaraele wambu dupwa lamaiyuo, Nakama namba keta ipupwape. Epapala dokopa nakama lete kararami.

Emosa 5:6

Nakama Kamongo karara dokona papala lete karalapape. Doko kaepala paa narami ramo doko baa isare kekenge dopale ingyuo nakama Isaraele wambu dupwa keta epara. Isare dokome nakama yuu Betele wambu dupwa rao otara. Dokopa mendeme isare doko kapa kunja nara.

Matyu 11:28

Wambu yulu andake kendame kumuo pyuo karaminyi dupwa namba karo dokona ipupwape. Dokopa nambame nakama mata kyakao nyero.

Matyu 13:16

Dopa lao palipyamopape nakamba dae petaminyi dupwana lenge angi kandenge dokona lenge doko keta keyange palamo. Nakamana kale singi dokona kale doko keta keyangeko palamo.

Matyu 17:5

Ene lao kareyamo dokopa kopa kyewa lenge mende epo nakama kareyami dokona yambe piya. Yambe piyamo dokopa kopa dokona piso pii mende lao epeya. Akali dake nambana Ikinyingiŋi nambame baa mona retapala rae mailyu. Banya pii soo karalapape, leya.

Jone 10:27

Nambana sipisipi dupwame nambana pii silyaminyipa nambame nakama kandenge dokome nakama namba moko minyuo epenge.

Jone 6:37

Rakaneme wambu namba jeramo dupwa peparae namba kararo dokona eparami. Dokopa mende namba kararo dokona epara ramo doko nambame ramanyi nemba naro.

Jone 7:37

Nenge nao kareyami yuu dusipana lumwa pingi yuu gii wakasa dokopa Yesu sipurapala pii ketae palyuo dopa leya. Wambu mendeme ipwa nano pyuo karara ramo doko namba karo dokona ipupwape.

Jone 8:47

Anatunya ingyuo karaminyi dupwame Anatunya pii dupwa soo karenge. Nakama Anatunya ingyuo kara nalyaminyi dokona namba soo kara nalyaminyi leya.

APOSELENA YULU 13:34

Dee baa dee kumuo rumbya nana lao minyalyuo nyiya dokona lao dopa leya. Dapiti kando yulu yapasi kulisa baa keta pyakaro lamaiyuo, yulu doko emba keta palira leya.

Orome 10:5

Pii dokona lao Moseseme apa pyuo Lowame namwa Anatupa nyuo rolara lao pyao reto dokopa, Lowame laramuli pyuo pipala Anatupa rolae ingyuo kararami leyapya.

Ipuru 13:20

Yesu kumuo ranjama isa peyamo dokome Anatunya lalu lao leyamo pii doko kapa wai wara pisi silyamo. Namwana Kamongo Yesu baa kumuyamopa Anatu baa lopo nyiya. Nyiyamopa namwana sipisipi rapu pingi mupwa ingyuo peya.