Aisaya 55:2 - Anatunya Buku Baepole Ole Testamene Pii Lapo dee Nuu Tesamene

² Nenge sikya pii nara dokona akipamo kana nembo nelyamisi? Akipamo embena pee nyingi kana dokome nembo ropo pyao napapinyipape mee lopoko karese? Nambame laro doko sepala dokome moko minyuo piri dokome nenge doloma nyuo isa palyuo rae maiyuo nengende nare.

Aisaya 55:2 ပူးပေါင်းရင်းမြစ်များ

Samu 22:26

Pendewa dupwa nenge nalana suu pyarami dupwa nakonda pirami. Wambu Kamongo keta eparami dupwa baa lakandarami ingilyamo. Dopa pyuo nakama yuu dokona yulu pyuo nenge nao kapa palyuo karalu karena.

Samu 34:11

Wanyane wambu nambana puu minyingi dupwa epo namba apa letepe lao sela ipupwa. Dokopa apa pyuo Kamongo ketae pyambuo kararami lao mana langiru.

Samu 63:5

Nambana imambu doko imambunya nenge nao sikya pira dokopa nambame emba kenane pyao lakandaro.

Ekesetase 15:26

Baame dopa leya. Namba nakamana Kamongo Anatu doko nakamame kamba laa nalu nao napala nambame rolae lao suu pilyu dokona palyuo pyuo nambana dopa pipenge laro dupwa dopa lalyane lao soo nambana mawa pii dupwa minyarami ramo doko nambame nakamba Isipi wambu anga yakane kiso maiyunuli pyuo nakama jii naro. Namba doko Kamongo nakama pyuo lete nyilyuŋu doko karo.

Poropepe 1:33

Dopa piraminyipape mendeme doko mende lalyane lao soo nyerami dupwa range kyawa lete nyerami. Mona seramo pisipala nakama keta koo epasara lao paka narami. Dopa lao mona palenge singinya renge dokome wambu ingyuo kyakale lao karamo.

Poropepe 7:23

Dee omande sinyana malyilyaminyipa baa kumara doko see nao mee panda rapisi lao pao palipala randa nyingi dopale ingyuo wane doko baa peya.

Poropepe 8:32

Epapu akali parange dupwa nambana pii selapape. Sepala nambame letonoli pyuo pirami ramo doko nakama rae mairami.

Aisaya 1:19

Nambame laro dokona iki warombo soo pyuo larami ramo doko yuunya ando eparamo amenge kapape doko kapa nao kararami.

Aisaya 44:20

Isareme raramo sungwa lengya doko nyuo mona palya napala narama ingya nalyamo. Banya suu pingi kopyali dokome baa nyuo isoko kata nembapyasa apa pilyu lao see nalyamo dokona mendeme nyisarami ingya nalyamo. Baa rangeme sepa napala bange kingi rakana minyuo karamo doko anatu angi daaŋa lao meelyamo lao soo nyii nalyamo.

Aisaya 46:6

Wambumi kana palyingi nyuu dupwa lumbwanyi karalyapala kana golo dupwa mee male male lao nembo nakamame kana kulingi sikyali dokona piyami. Dopa pipala kana golome wasingi akali dupwame anatuŋu lao wasinya lao kingi wapambu lakao dokonako suu pyao misi lao karengepya.

Aisaya 65:23

Yulu pirami dupwa mona karo andaramopa nakamana wane wanakepe dupwa randa andake nyii narami. Nambame nakamape dee ene manjo para pyao paraminyi dupwape yuu gii ene eparamo dupwana elyape keta piso puu paro.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Jeremaya 31:14

Dopa pipala nambame purisi dupwa nenge keyange dupwa mairu. Dee nambana wambu dupwa mende aeya naramo pisirami dupwa kando nyuo nenge piru, lao namba Kamongo dokome lapusa pilyamo.

Apakuku 2:13

Wambu nakamame nyuo anamasi minyiyami dupwa mee nakamame kumuo yulu andake piyaminyipa angi piyami dupwa isareme rao ote piya. Doo piyamo doko Kamongo Porai Wakasa dokome piya.

Matyu 15:9

Nakama yanengena mamba kiso nambana kingi lao karapalape nakama rangena mawa pii dupwa Anatunya lapala mana lamaiyuo karaminyi, leya Yesumi.

Matyu 22:4

Dee banya kendemande akali wakale lapo pena lao lamaiyuo, Eparamili dupwa dopa lamaipwape, Nenge narama doko rapa rapa pipu. Nambana bulamakao lapope bulamakao ikyane rondo lasi dupwape pyapamwa doko peparae rapa rapa pisi silyamo. Enda nyakamiru dokona nenge narama ipupwape, letamo lao lamainya, leya.

Matyu 5:6

Wambu yulu rolae pimwali yaka lao nanome kumuo karenge dupwa sikya pira ingilyamo dokona nakama rae maiyuo pelyaminyi.

Make 7:14

Wambu dupwa baa kareyamo dokona dee kamba epena lapala dopa lamaiya. Nakama peparae nambana pii soo nyelapape.

Luku 15:23

Dopa pipala bulamakao ikyane rondo lasi mende pyalapae. Pyaraminyipa nenge nao male lao yalya yalya kando karamanale.

Jone 6:27

Nenge rumbyara ingilyamo dupwa nyelana yulu pii nalapape. Nenge oo korokoro sulu soo sera doko nyelana yulu pipwape. Nenge doko Ikinyingi Akali dokome nakama jera. Dokona lao Rakane Anatumi baa rombo palyiya leya.

Orome 10:17

Kapa ingingi lao suu pingi doko waili pii singi dokona epenge. Dee waili pii doko Koraisana lao lenge dokona silyamisa pingi.

Orome 9:31

Dopa piyaminyipape Anatunya rombo palyisi wambu dupwa nakama lowa dokome Anatupa rolae karamwali lao piyaminyipape angi rolae koto nyelana saka nayami.

Ipuru 13:9

Mana wakale mendeme emba rekya lao nyuo paa nanale. Anatunya Imambunya yulu dokona lao nenge wasingi yulu lapo minyuo waso kareyami dokome mende pii naya. Anatunya mona keyange palyuo ipingi renge dokome namwana mona anda doko porainyi pyambungiŋi.