Aisaya 54:8 - Anatunya Buku Baepole Ole Testamene Pii Lapo dee Nuu Tesamene

⁸ Namba imbwayo dokona yuu gii kuki lama nakama mata jiyu. Dopa piyunupape nambame nambana mona retenge renge doko lasaka pyuo karalu kararo, lao Kamongo emba pyuo nyilyamo dokome letamo.

Aisaya 54:8 ပူးပေါင်းရင်းမြစ်များ

Samu 103:17

Dopa pyuo pelyamopape wambu baa kingi ketaepyambuo lakandaraminyi dupwa Kamongona mona retenge doko nakama keta sulu soo singi.

Samu 103:4

Baame nambamalu anda pasarene lao minyaro karenge. Baame sakame kumapala mona reto nyisingi.

Samu 27:9

Nambapa lao yalu pii napipi. Nambapa imbwa napipi. Embena kendemande kala pena laa napipi. O Anatu, nambana pyuo nyingi doko embame namba nyiso karapi kandapi dokona namba kyawa yaki nyuo kaeya napipi.

Aisaya 40:27

Isaraele akipamo embena randa dupwa Kamongome sepa napala lao rolaka naralyamo lao suku lao karepe?

Aisaya 45:15

Isaraele wambunya Anatu banya wambu dupwa lete pyuo nyingi doko baa range yalu yalu pyuo karenge.

Aisaya 49:10

Nakama dee ipwa nanome kumuope lopome kumuope pii nalu narami. Mendeme nakama mona reto karapyamo dokome nakama lanyuo paramo dokona yuu muiyane dokona neta dokomepe isasa pingi dokomepe nakama rao rakusi raa nara. Baame ipwa guu lao epenge dupwanako lanyuo para.

Aisaya 49:13

Dokona yake pandana palaminyi dupwa kenane pyalapape. Isa yuu dokome rae maiyuo pii ketae palyuo lape. Yuu kyau dupwana piso kenane doko ipwa ingyuo langa kulimbwanyi peeyo epena. Kamongo dokome banya wambu randa nyuo karaminyi dupwa sakame kumuo mona minyarambu minyaro karara, leya.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 54:10

Yuu kyau kuki andakepe dupwa poro lao para. Dopa piramopape nambame nakama mona retelyo doko ota nalu nara. Nakama keta mona kyuu lao seraŋa lao lao kana minyuo leto pii doko minyaro. Kamongo nakama mona retelyamo dokome dopa letamo.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Aisaya 55:7

Wambu koo pilyaminyi dupwame nakamana yulu koo dupwa yaki nyuo kaena. Pipala nakamana suu pingi koo dupwa alowa pinya. Nakama namwana Kamongo Anatu sakame kumuo waiyuo lao nyuo kame sakamingi doko keta kapu kyuo pena.

Aisaya 60:10

Kamongo dokome Jerusaleme kando dopa letamo. Wambu yuu wakale range dupwame nakamana kana kame awali lao doko dee kamba pyakarami. Dokopa wambu dupwana kiŋi dupwame nakamana yulu pyakarami. Nambana imbu singi dokome nakama randa jiyu. Dopa piyunupape dakepa nambame nakama epe kando sakame kumuo kararo.

Aisaya 63:7

Nambame Kamongona mona reto puu penge dokona lamairu. Nambame namwana lao yulu peparae pyakalyamo dokona lao banya kingi lakandaro. Banya mona retalu reto retenge rengepe sakame kumuo nyisingi rengepe dokome Isaraele wambu dupwa elyape keta piso nyisiya.

Aisaya 64:7

Mendemepe moname nyinyi nembo emba keta nyisapili lao ateŋa pyao epana lao suu pyapa nalyaminyi. Embame namwana koo dupwana namwa yaki nyuo kaeyalana embena lenge kambu doko namwa pipya nee piru karene.

Aisaya 8:17

Kamongo dokome banya wambu pipya nombe nombe pisipyasa lenge kambu nee pyuo karapyamopape namba doko baame mende pyakarakao lao baa keta pyamalyaro kararo.

Jeremaya 31:3

namba nanesale karo nakama keta nolakayo. Isaraele wambu dupwa nambame nakama yuu peparae mona retengenyili pyuo nambana mona reto retenge puu penge renge doko lasaka pyuo karalu kararo.

Apakuku 3:2

Kamongo embame yulu pii doko kando siyu. Sepala namba yamarangyuo karo. Yulu andake pinginyili pyuo namwa karamano dakepa pipi. Imbu piya kandepe namwa sako karape.

2 Tesalonaika 2:16

Namwana Kamongo Yesu Koraisa baapa dee namwana Rakange Anatupame nakama porai inginyi pyambwarambi. Namwana Rakange Anatu baame namwa mona retapala mona keyange palyuo ipyuo karenge dokome namwa porainyi pyambwalu pyambuo pyambuya. Pyambuyamosa Yesu dee epara lao mona kare kare karamano.

1 Timoti 1:16

Dopa pyuo yulu koona mupwa ingyuo piyunu dokona lapala Anatumi sakao pyuo nyuo nyisiya. Anatu baa rape rape lao karenge doko namba akali koo wakasa pingi doko keta lasaka piya. Wambu enakana Yesu kapa ingingi lao suu pyao kyakana renge kulisa palu palenge nyerami dupwame serami lao namba keta lasaka piyasa piya.