Aisaya 54:4 - Anatunya Buku Baepole Ole Testamene Pii Lapo dee Nuu Tesamene

⁴ Emba dee kamba elya nyii nare ingilyamo dokona pakame kumuo kara napipi. Dee mendeme emba nyuo isa palya narami. Enda akalingi kanda soo nyepala yulu mondo lao pii napala elya nyuo petengenyili pyuo petee kande dopako pyuo parende daa. Enda waiya ingyuo kale paka paka leyamo peteene kande dokona kame sere.

Aisaya 54:4 ပူးပေါင်းရင်းမြစ်များ

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 50:7

Kamongo Mupwa Andake Wakasa dokome namba nyiso karapyamo dokome nakamame namba kilya kando laminyi dokome nambana monarena pyapyande daa. Dopa pyuo lami dokona namba elya nyii naro doko soo kaepala mee kyawame suu lao pupunu pilyamo.

Aisaya 54:14

Rolaena renge dokome emba porainyi pyambwara. Moŋo emba keta peyo lengepe paka rengepe dupwana emba kyawa minyaramo karare.

Aisaya 61:7

Nakamana elya nyuo karenge doko mee otara. Nakamana yuu muru range dokona paliraminyipa mena bangepe dupwa mee lama opetaeli konda pyuo seramo kararami. Dopa piraminyipa nakamana rae maingi renge doko soo puu para.

Jeremaya 31:19

Namwa emba mata joo peyamanopape dee range epanya piyama. Embame namwa randa jiinyi dokopa namwa rangeme kyawa suu lao kondome kumuyama. Doko namwa enye wane parange karo yulu koo dupwa piyama dokona elyayama.

Ee Lenge Kenane Dupwa 1:1

...

Isikiolo 36:15

Epapu nakamana yuu kwaeyasi doko kando dee giyalya giyana pyuo gyaa kai pyuo laa narami lyakande. Isaraele yuu dokome nakamana wane wanakepe dupwa waa nyaka narako lao namba Kamongo Mupwa Andake Wakasa karenge dokome lapunu pilyamo.

Joele 2:21

Dokona yuu dupwa paka nalapape. Kamongo dokome nakamana lao yulu peparae pyakalyamo dokona rae maiyuo karalapape.

1 Pita 2:6

Buku Baepolena pii mende pyasi palamo doko, Kana keyange mende yapo nyepala yuu Sayone dokona mupwa ingyuo pisilyu letamo. Mendeme kana dokona mona maira ramo doko baa kanjakala parami ingya nalyamo letamo.