Aisaya 53:6 - Anatunya Buku Baepole Ole Testamene Pii Lapo dee Nuu Tesamene

⁶ Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Aisaya 53:6 ပူးပေါင်းရင်းမြစ်များ

Jenesese 22:6

Dopa lapala Aporakameme isa waisi yangarambi dupwa nyuo Aisakeme sinya lapala baame isarepe wua kemape minyiyamo peyambi.

Samu 69:4

Renge angi mende palya napyamopa namba awa nao karaminyi dupwa ama malu ingyapyasa nambana kyawasi malu karamo dupwa manda manja nalyamo. Nambana yanda pimwai dupwame kando kyambo lao yanda pimwailyaminyi. Nakamame namba pyalana poraiyuo kaelyaminyi. Dopa pipala bange dupwa waa nyiyu ingyuo range maiyakami letaminyi.

Aisaya 40:2

Jerusaleme wambu dupwa nyiso mona porainyi pyambuo karape. Nakama lamaiyuo, Randa doko yuu andarele kapa napelyaminyi. Epapu nakamana koo dupwa kame sisi silyamo, lao lamaipi. Doko nambame nakamana yulu koo dupwana manda manjo randa doko maiyuo kaepu.

Aisaya 53:10

Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Aisaya 53:11

Baa randa yasupi naparamo dokopa enakana baa rae maingi renge dee kamba nyera. Baa doo randa naramo dupwa mee male male lao randa neyolyamo lao suu pyaa nara. Nambana kendemande dokome namba mona retenge doko kando namba rae maingi. Baame peparaena koo dupwana randa nyeramopa banya lao nambame nakamana koo dupwa kame sakamiru.

Aisaya 53:12

Dopa pyuo paramopa nambame baa ketae pyambuo baa akali kamame wakasa porai dupwa pipya karena laro. Wambu koo pingi dupwana panda nyuo randa nao baa range kumuo mainya mona kumapala baame wambu koo pingi malunya panda nyepala ateŋa lao Anatumi nakamana koo dupwa kame sakaminya lamaiyuo kumuya.

Aisaya 53:5

Dopa pyuo peyamopape namwana koo pingi dupwana lao baa randa maiyuo pyaroko piyami. Baa yanenge poro lao randa nyiyamo dokome namwa pyuo lete nyiya.

Aisaya 53:7

Baa koo keta palyuo pyao lao randa maiyaminyipape kambu lumbuo pii mendepe laa napala koo nono ingyuo elya kalo randa nyiya. Mena sipisipinya ikyane pyalana lanyuo penge dokopa kae laa nao penge panda sipisipi mendena emanji pyaki pilyaminyipa sipisipi doko kae laa nao karenge doko suu pyao baa pii mende laa nao kareya.

Aisaya 55:7

Wambu koo pilyaminyi dupwame nakamana yulu koo dupwa yaki nyuo kaena. Pipala nakamana suu pingi koo dupwa alowa pinya. Nakama namwana Kamongo Anatu sakame kumuo waiyuo lao nyuo kame sakamingi doko keta kapu kyuo pena.

Aisaya 55:8

Kamongome lao, Namba suu pyao yulu pyuo nenge rambo lao pingi dupwa nakamana dopale daa, letamo.

Aisaya 6:7

Epapala isa lengya rao siya dokome nambana kambu dokona warendapala lao dakepa embena koo dupwa pupyamopa nyuo kame sakao kaeyasi silyamo, leya.

Isikiolo 3:18

Akali koo pingi mende kumaraŋa lao larono sepala repe repe doko nyuo lamaiyuo mona enenge palyuo alowa pinya lamai narenepa koo paleta karo kumara ramo doko nambame emba keta renge laro.

Daniele 9:5

Namwa yulu koo pingi. Namwa koo dokome kopetame pyuo karenge. Embame namwa mawa pii langyuo dopa pipwa dapa pipwa leene dupwa namwame kamba lao mata joo peyama. Dee embame yulu rolae lasaka pii dupwa yaki nyuo kaeyama.

Orome 4:25

Namwana koo dupwana lao kumuo palyuo lopo lete epapala Anatupa namwa nyuo roleya.

Jemesa 5:20

Doko mendeme koo pipala kata kyai nyeramo dokopa mendeme dee sukusa lanyuo eparamo dokona banya imambu lete wai pyao nyakamirasa yulu dopaleme koo malu nee pinyi nembarasa pira doko kame see nalapape.

1 Pita 2:25

Nakama wambo mena sipisipi isako dupwana ralo penge ingyuo kareyami. Dakepa Anatunya Imambunya yulu rapu pyuo karenge akali andake dokona repeta epapala moko minyuo pelyaminyi.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.