Aisaya 53:12 - Anatunya Buku Baepole Ole Testamene Pii Lapo dee Nuu Tesamene

¹² Dopa pyuo paramopa nambame baa ketae pyambuo baa akali kamame wakasa porai dupwa pipya karena laro. Wambu koo pingi dupwana panda nyuo randa nao baa range kumuo mainya mona kumapala baame wambu koo pingi malunya panda nyepala ateŋa lao Anatumi nakamana koo dupwa kame sakaminya lamaiyuo kumuya.

Aisaya 53:12 ပူးပေါင်းရင်းမြစ်များ

Jenesese 3:15

Dokopa enda embapa imbu singi nyuo pisipwape, laro. Nakambana wai kiso nyerambi dupwa dopako pyuo pyakando pyuo puu parami. Baame embena ayemba kalyuo pyarakwara. Embame banya kimbu yukuna nao kumuo pyareko, leya Anatumi.

Samu 2:8

Piso serene dokopa yuu muu dupwa emba jeronopa peparae embena ingyuo para.

Samu 22:14

Dopa piminyi dokopa nambana porainya renge doko pao otelyamo. Ipwayuunya kulimbuo penge dopale ingyuo pupya. Nambana kuli peparae bolombalo lapya. Nambana porainya renge doko mena kapa sungu pele letamo.

Ekesetase 15:9

Dokopa yanda pimwai dokome lao, Nambame nakama peteta epapala nakama minyarapala nyero. Nambame bange nakamana dupwa wakale liti pira pira pipala namba nyelana maserono bange dupwa nyero. Nambana wua gela kolo nyepala dokopa nambana porai dokome nakama bange peparae retaraminyi doko nyero, lapya.

Aisaya 49:4

Nambame lao, Nambame yulu pipunupape mendena ketae ingyuo pwamoŋo, leyo. Nambame yongo kisinyi nembo nambana porai renge dokome yulu pipunupape angi mende pyuo kapa pali nalyo. Dopa pipunupape nambame Kamongo keta kamame pyuo pyamalyuo pilyu dokona baame yulu pilyunu dupwana yano jera.

Aisaya 52:13

Kamongo dokome lao, Nambana kendemande dokome banya yulu dupwa peparae kapa pira. Baa mee mende ulipili ketae nembaraminyipa karara.

Aisaya 52:15

Dopa piyamopape epapu wambu rara malumi baa mupwa lao suu pyao yamarangyuo kandarami dokopa kiŋi akali dupwame mona nembo pii lalana saka narami ingilyamo. Dokopa nakama wambape dopale mende kando sepa nange doko kandapala soo nyerami.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Aisaya 53:8

Baa minyaro nyepala pii piso soo kote leyami. Kote lapala baa lanyuo pyao kumakala peyami. Dokopa mendeme baa doo randa nyera dokona mendeme pii palyuo lakaminya suu pyaa nayami. Baa namwana wambunya koo dupwana lao reke lao pyao kumakayami.

Daniele 2:45

Embame kandene dokopa kana mende yuu kyau dokona pisapala mendeme minyanda nayaminyipa rangeme lukundo epapala anepe kone kanape warape kana kulingipi dee golopeme wasisi bange wambu yale piyamo kandee kande. Anatu Kamame Andake Wakasa dokome rengya mende pira dokona emba kiŋi andake doko lasaka pilyamo. Nambame kombeya angi emba pipinyili pyuo langilyu dee dokona renge angi kinyi rolae dusipa langyuo pilyu, leya Danieleme.

Matyu 26:42

Lapala dee yuu lapo pyuo papala ateŋa lao dopa leya. Rakane, pee lomasi dake naa naronopape namba kaepala paa nara ramo doko emba suu pilinyili pyuo namba keta palena, leya.

Make 15:27

Dokopa akali waa nao kendepo nenge lama opetae, mende banya kingi rolaerename, mende kingi kyairename, isa mamandona pyao palyiyami.

Make 15:28

Doko suu pyao Anatunya buku pyasi dokona, Baa akali yulu koo pingi dopale lao suu piyami, pii doko wambo lao reteyami dokona paleya.

Luku 22:37

Dokona lao langilyu, Anatunya pii pyasi dokona, Baa akali yulu koo pingi dopale lao suu piyami, pii dokona palyuo namba keta palira. Nambasa kando lao pyasi palamo pii dupwa peparae pyaka sera ingilyamo leya.

Luku 23:25

Barapasame gapomane pyao ralinyi nembalana lao karo akali mende pyao kumakao piyamo doko mokwakana leyaminyi dokopa baame mokoya. Mokwapala nakama leyaminyili pyuo Yesu pyakaminya leya.

APOSELENA YULU 26:18

Nakama lenge rapala iminjapya dorena karaminyi doko kapu kyepala yangara dorena kando karo Sataneme porai ingyapala puu maipyamo pyuo karaminyi doko kaepala Anatu suu pyao karena lao lamaiya pare. Dokome nakama kapa ingingi lao suu pyaraminyi dokopa Anatumi nakamana koo dupwa kame sakamairamopa nakama banya wambu yapasi ingyuo sukusa epapala kararami.

Orome 8:34

Dokona mendeme nakama kando lara ingilyase? Yesu Koraisa baa kumapala lete lopo epo papala Anatunya kingi rolaerena karamo. Baame namwana lao Anatu lamaiyuokondali pyako karamo.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

Pilipai 2:17

Nakamana Anatu kapa ingingi lao suu pingi doko rendamu pingi kiso Anatu maingi dopale ingyuo pelyamo. Doko nambana ranjama kulimbwaraminyipa nakama suu pingi keyange pale pale Anatu dokona para ingilyamo. Dopa pira ramo doko namba rae mairu dokona nakama opetae rae maiyuo karalapape.

Kolosi 2:15

Koraisame isa mamando dokona mupwa dupwape imambu dupwape anamasi minyuo puu maipala yuu aupa lao anda lanyuo epeyamopa wambu peparae kandeyami.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

Ipuru 7:25

Isa wambumi Anatu karamo dokona eparami dokona Yesu baame lamaiyakamingi akali ingyuo karalu karenge. Dokona lao baa kukingisa karenge akali ingyuo Anatu keta eparami dupwa pyuo nyulu nyuo nyera.

Ipuru 9:24

Isa wambumi yake pandana tembole poo pyasi doko suu pyao panda dakena makande pyuo wasiyami anda dokona Koraisa kolando peyande daa. Baa yake pandana angi dorena papala doko dakepa wambu dupwana lao Anatunya lenge kambu dorena karamo.

Ipuru 9:26

Baa ee kana yaka lao kumuo maiyuo peyali doko Anatumi yuu wasiyamo dokona piso yuu malu randako pyuo ipu epeyali. Doko kaepala yuu gii repeta lumwa pira ingiyamopa Koraisa isa epo namwana koo dupwa rekya lao nyelana suu pyapala yuu mendakisa kumuo maiya.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.

1 Jone 2:1

Nambana Kurisene wanenge ikinyingipi dupwa, nakama yulu koo pyuo kara nalapape lao langilyu. Dopa lao langirunupape mendeme yulu koo pira ramo dokopa Yesu Koraisa rolae karenge doko namwana koo dupwana lao Rakane kambu minyuo lamaiyakara lyakande.

1 Jone 2:12

Nambana Kurisene wanenge ikinyingipi dupwa, Yesu Koraisana kingi lao nakamana koo dupwa Anatumi nyuo kame sakayamo dokona epapu nakama pepa pyao jilyu.