Aisaya 53:10 - Anatunya Buku Baepole Ole Testamene Pii Lapo dee Nuu Tesamene

¹⁰ Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Aisaya 53:10 ပူးပေါင်းရင်းမြစ်များ

Samu 110:3

Embame embena yanda pimwai pipya yanda pirinyi dokopa embena wambu dupwame yanda pinya mona kumapala epo yanda pimana larami. Yangama yangama pipyae raeya malu singi dopale ingyuo embena wanyane akali dupwa emba karare dokona eparami.

Samu 22:30

Rengyana ando kararaminyi dupwame banya yulu pyakamirami. Akali dupwame Kamongona lao enakana manjirami dupwa lamairami ingilyamo.

Samu 22:31

Kamongome banya wambu dupwa nyiso kyawa lete nyiyaŋa lao laraminyi doko wambu ene manjipa nalyaminyi dupwa manjirami dokopa serami.

Samu 69:26

Embame koo piyaminyi pyao yano nyiinyi dupwako randa mailyaminyi. Nakamame embame pyao ranjama nyiinyi wambu dupwanako pii lakamyuo palaminyi.

Samu 72:17

Banya kingi doko kame see nao suu pyale pyale karena. Banya karenge arome pii doko neta rao karalu karenge dopale ingyuo pena. Yuu muu ree lao baa lakandenale. Wambu peparaeme kiŋidoko rae maiyuo karapyali lao Anatumi nakamba elyape keta pisinya lao pirami.

Samu 72:7

Rolaena renge doko baa kararamo gii dusipana mondo lao ando paramopa kukwa kana rao karalu karo kararamo dupwana banya wambu dupwa kapa palyuo nao petenale.

Samu 89:29

Baa keta piso kiŋi para pyao paraminyi dokona mendeko kiŋi ingyapa pira. Banya isingi yulu doko yake doko pingi pyaro karamo dopako ingyuo puu para.

Samu 89:36

Yuu peparae banya para pyao pyaramo dupwa rembe naa naramopa banya kiŋi yulu doko nambana lenge kambu dokona neta rao karamo dopale ingyuo soo puu para.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 46:10

Ene pirunu dupwana wambo kanda soo dokopa polo lao oteyo doko. Nambame yuu wamba leyono dupwa pipala kaeyaro. Nambana mende pinya lao rapa rapa pingi doko isa paa nange. Dee nambame mende renge palyuo piruŋu lenge doko kaeya nao peparae pipala kaeyaro, leyo.

Aisaya 49:4

Nambame lao, Nambame yulu pipunupape mendena ketae ingyuo pwamoŋo, leyo. Nambame yongo kisinyi nembo nambana porai renge dokome yulu pipunupape angi mende pyuo kapa pali nalyo. Dopa pipunupape nambame Kamongo keta kamame pyuo pyamalyuo pilyu dokona baame yulu pilyunu dupwana yano jera.

Aisaya 53:12

Dopa pyuo paramopa nambame baa ketae pyambuo baa akali kamame wakasa porai dupwa pipya karena laro. Wambu koo pingi dupwana panda nyuo randa nao baa range kumuo mainya mona kumapala baame wambu koo pingi malunya panda nyepala ateŋa lao Anatumi nakamana koo dupwa kame sakaminya lamaiyuo kumuya.

Aisaya 54:3

Embena yuu paki pakipi peparaena liti doko yuu neta yalele lao konda pyuo nyuo kalyape. Dokopa wambu rara lapome dakepa yuu nao palaminyi dupwa embena wambu dupwame nyerami. Yuu taone apa silyamo dupwa dee wambumi palyuo kete pyarami.

Aisaya 61:9

Nakamana kingi doko yuu muu dupwana ulepalepa paramopa wambu kando serami. Wambu peparae dupwana mendeme nakama kandapala dokopa nambame keyange inginyi pyambuyalyamo lao soo gisarami.

Aisaya 9:7

Banya kiŋi yulunya iso karengena porai renge doko ando puu para. Banya isingi panda doko yuu peparae mona kyuu lao soo puu para. Baa kiŋi Dapiti kareyamo alonge dokona karara. Banya porai renge doko rolae angi dokona seramopa rolo lao karo pao yuu gii rengya lumwa piramo dokona ingyara. Anatu Porai Wakasa dokome pii lapyamo dusipana palyuo pinya suu pyalu pyao pilyamo.

Isikiolo 33:11

Namba Kamongo Mupwa Andake Wakasa doko Anatu karalu karene dokome nambame kinyi leto. Akali mende koo pyuo karo kumara ramo doko rae maiyuo kanda naro. Baa koo dupwa yaki nyepala karalu kararamo kandapuli yaka. Isaraele wambu dupwame koo pilyaminyi doko yaki nyuo kaeyalapape. Akipamo nakamba kumalana suu pilyamisi?

Isikiolo 37:25

Nakama yuu nambana kendemande akali Jekope maiyunu dokona palirami. Jekopena para pyasi nakamana rora ambasupi ingyuo dupwa palyuo kareyami. Nakamape nakamana wane dee dupwana para pyao paramo dupwape dokona palyuo karalu kararami dokopa kiŋi mende nambana kendemande akali Dapiti yale dokome nakama iso karalu karara.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Maeka 7:18

Kamongo emba yale anatu mende kara nalyaminyi. Embena wambu mee kumapa nao lete karaminyi dusipana koo dupwa nyuo kame sakamilini. Emba mee imbuo karalu kara napala embena mona retalu reto retenge renge doko namwa keta lasaka pingi.

Matyu 17:5

Ene lao kareyamo dokopa kopa kyewa lenge mende epo nakama kareyami dokona yambe piya. Yambe piyamo dokopa kopa dokona piso pii mende lao epeya. Akali dake nambana Ikinyingiŋi nambame baa mona retapala rae mailyu. Banya pii soo karalapape, leya.

Matyu 3:17

Dokopa yake dokona pii mende lao epapala, Nambana Ikinyingi mona retelyo dake. Nambame baa raeko maiyuo karo leya.

Luku 1:33

Mairamopa yuu peparae baa Jekopena rara doko kamongo wakasa ingyapala rapu pyuo karalu karo karara. Dokopa banya isingi yulu doko ota nara, leya.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Jone 12:24

Kinyi kinyi langilyu, witi jingi mende yuunya pao kuma nara ramo doko baa etorenge sulu sera. Dopa piramopape endangi yuunya palyuo kene pyapala rumbingi dokopa jingi malu lyingi.

Jone 13:32

Dee dopako pyuo Ikinyingi Akali doko enakana Anatu baa keta kingi ketae pyambusi karara. Doko aopa pira ingilyamo.

Orome 6:9

Doko Koraisa kumuo palyuo lopo epapala dee kuma nara. Kumungi renge dokome baa dee nyuo kumuo anamasi minya nara.

Orome 8:32

Banya Ikinyingi yeelyo mandeyamo doko range retaro kara napala namwana lao kumala penale leya. Rangena Ikinyingi doko jiya kande. Dokome dee bange wakale dupwa peparae mee jii narase?

Orome 8:8

Wambu yanengena letamuli pyuo pingi dupwa Anatu rae mainyi pyambwa narami.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

Galasia 3:13

Koraisame namwana lao randa nyakapala Lowa namwa randa jingi dokona kiiramo nyiya. Buku Baepole dokona dopa lao letamo. Akali isa mamandona kumuo penge doko kumungi renge baa keta palamo letamo.

Epesasa 1:5

Yesu Koraisa keta namwa banya rangena ikinyingi ingyuo manjo nyeroŋo lao mona nyepala suu pyao kaeyapya.

Epesasa 1:9

Baa singi dokome sepala soo giso pyuo karenge dokome Koraisa keta mende piru lao masiyamuli pyuo renge yalu pisi doko nyuo namwa keta nolako piya.

Epesasa 5:2

Koraisa namwa mona reteyamo doko suu pyao yango mona reto karalapape. Baame mona retapala namwana lao kumuo maiyamopa rendamu kyaa keyange nyingi dopale Anatu nyiya.

2 Tesalonaika 1:11

Namwana Anatu baame nakama kee lao rombo palyiyamuli pyuo nakama kapa karamili lao yuu peparae ateŋa lakao karamano. Anatu banya porainya renge dokome nakama pyuo au pyuo nyeramopa nakamana kapa ingingi lao suu pingi doko ando kameya inginya lao ateŋa letamano.

Ipuru 2:13

Dopa lapala dokonako lao, Anatu kapa ingingi lao suu pyao baa keta pyamalyaro kararo leya. Deeko kamba lao, Anatumi wambu yango jiyamo dupwa pipa dakena karo leya.

Ipuru 7:27

Baa purisi menge dopale daa. Doloma nakama rangena koo dupwana wambo Anatu dokona lao mena pyao kiso maipala enakana wambu menge dupwana lao kiso maiyakamingi. Baa dopa pyuo pii napala yuu mendaki dokonako baa range Anatu dokona namwana lao kumuo maiya.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

Orepalaisane 1:18

Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.