Aisaya 52:9 - Anatunya Buku Baepole Ole Testamene Pii Lapo dee Nuu Tesamene

⁹ Kamongo dokome banya wambu dupwa mona minyarambu banya yuu taone doko kyawa lete nyeramo dokome Jerusaleme momo nao pasi doko raeme kumuo pii poraiyuo lape.

Aisaya 52:9 ပူးပေါင်းရင်းမြစ်များ

Aisaya 40:1

Namwana Anatumi lao, Nambana wambu dupwa nyisakao mona minyarambu karape, letamo.

Aisaya 43:1

Isaraele wambu dupwa, nakama wasiyamo Kamongo Anatu dokome lao, Nambame nakama kyawa minyaroŋo paka nalapape, letamo. Nambame nakama kingi leyoŋo. Nakama nambana angingyuo karaminyiŋi.

Aisaya 44:22

Nambame nakamana koo dupwa kopa apupi pyao nembele lao kwuanyi nembakayoŋo. Nambame nakama lete wai pyao nyilyuŋu. Namba range karo dakena ipupwape.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 44:26

Dopa pipyamopape nambana kendemande dupwa rengya mende piraŋa lao lenge. Nambame wai pii minyakange akali dokome nambame mende rengya piruŋu lao rapa rapa pyuo retenge doko pano lakale peenge. Dopa pipala doo ene rengya mende pira letono dupwape dee mende pinya rapa rapa pilyuŋu dupwape angi kinyi lao panenge. Nambame Jerusaleme range wambu dupwa range epo dee paliraminyipa Juta wambunya taone dupwa kamba range piramiŋi leto. Taone dupwa lalyuo kwaeyasi doko minyalyuo pirami ingyara, namba dopa pyuo leto.

Aisaya 49:13

Dokona yake pandana palaminyi dupwa kenane pyalapape. Isa yuu dokome rae maiyuo pii ketae palyuo lape. Yuu kyau dupwana piso kenane doko ipwa ingyuo langa kulimbwanyi peeyo epena. Kamongo dokome banya wambu randa nyuo karaminyi dupwa sakame kumuo mona minyarambu minyaro karara, leya.

Aisaya 55:12

Nakama yuu Bapilone mona seramopa raeme kumuo yaki nyerami. Yuu kyau kuki andakepe nakama paraminyi kata dokona silyamo dupwame puli pyao kenane pyarami dee isa dupwame rae maiyuo pii ketae palyuo larami.

Aisaya 61:4

Nakamame yuu taone lalyuo kwaeyasi dupwa dee kamba minyalyuo pirami.

Aisaya 63:9

Doko aŋala mendeme nakama nyiso kyawa lete nyiyande daa. Kamongo baa rangeme nakama nyiso kyawa lete nyiya. Banya mona reto kondange renge dokome nakama kiiramo nyiya. Wamba dokopa baame nakama yuu peparae au pyuo rapu pyakamiya.

Maeka 4:10

Jerusaleme wambu dupwa enda wane manjana nenge sisi pyao ee lenge doko suu pyao ee poraiyuo lalapape. Epapu nakama yuu taone andake doko yaki nyuo pao yuu mee langa pau dupwana palirami. Nakama yuu Bapilone parami. Dopa pyuo yuu dokona yanda pimwai dupwame pyalena piraminyipape Kamongo dokome nakama kiiramo nyeramo eparami.

Galasia 4:27

Baepole dokona lao. Ingi poraingi enda dupwa rae maiyalapape. Wane mata pilyamo kanda nange dupwa mona seramopa yau pyanyi minyao lao rae maiyalapape. Enda akalingimi yaki nyuo peyamopa baa wane malu manjiramopa akali role pingi dokome wane mendasipa iki manjira.