Aisaya 52:3 - Anatunya Buku Baepole Ole Testamene Pii Lapo dee Nuu Tesamene

³ Kamongome banya wambu dupwa kando lamaiyuo lao, Kana mendeme nakama ropo pyao nyuo karapusi palyiyaminde daa. Dokona ingyuo nakama nyisa moko eparami lao kana reto nyeraminde daa.

Aisaya 52:3 ပူးပေါင်းရင်းမြစ်များ

Aisaya 1:27

Kamongo baa rolaena renge palenge dokome koo dupwa koo dupwa kondarami dokopa Jerusaleme doko pyuo elyape keta pisara ingilyamo.

Aisaya 45:13

Nambame Sairosena mona doko pyao kui laronopa nambana yulu dokona pyuokondali pyuo yulu kwaeyaramo dupwa rolae ingyuo retara. Nambame baa nyiso kata dupwa peparaena paramo dupwa wapuo rolae ingyuo retaro. Dokopa baame nambana taone Jerusaleme doko dee pipala nambana anjisi wambu dupwa kiiramo nyera. Mendeme baa bange mairuŋu yulu pyakana laope dee panga soo kana maiyuo nyepala yulu pinya laope pii nara ingilyamo. Kamongo Porai Wakasa dokome lapyamo pilyamo.

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Aisaya 63:4

Nambana wambu lete wai pyao nyerono yuu gii doko ipwamo lao soo manjo oteyo. Gii dokopa nakamana yanda pimwai dupwa pyao randa mairu doko pyaka sepelyamo lao soo nyiyu.

Jeremaya 15:13

Dokopa Kamongo dokome namba langyuo lao, Nambame yanda pimwai dupwa epena lapala nambana wambunya kanape kamongonge bangepe yuu dokona silyamo dupwa nyuo soo pena laro. Renge doko nakama yuu palaminyi dokona kapa kapa pyuo koo pilyaminyi dokona randa maiyuo dopa piru.

Isikiolo 34:27

Mairunu dokopa nenge isa dupwa jingi lyuo yuu dokona nenge ando pira. Dopa piramopa nakama mendaki mendaki lao yuu renge dokona mondo lao palyuo kararami. Kararaminyi dokopa nambame nambana wambu kendemande pingi puu sane doko rokwaronopa namba Kamongo doko lyamo lao soo nyerami.

1 Pita 1:18

Nakamana kauwanemoome kata angi daaŋa lasaka piyaminyipa papyuo kareyami dokona aki mende nakama kiiramo nyiya lao doko suu pyalapape. Mee isa pandana kana golo kulingipi isa penge dokore daa.