Aisaya 50:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongo Mupwa Andake Wakasa dokome namba nyiso karapyamo dokome nakamame namba kilya kando laminyi dokome nambana monarena pyapyande daa. Dopa pyuo lami dokona namba elya nyii naro doko soo kaepala mee kyawame suu lao pupunu pilyamo.

Aisaya 50:7 ပူးပေါင်းရင်းမြစ်များ

Samu 110:1

Kamongo dokome nambana kamongo doko lamaiyuo, Nambana kingi rolaerename pisa ipu. Embena yanda pimwai ingyuo dupwa nambame nyuo embena kimbu yukuna dokona rambukinyinyi pyambwakaro.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 45:17

Dopa piraminyipape Isaraele wambu dupwa Kamongome lete pyuo nyilyamo doko soo puu para ingilyamo. Dee banya wambu dupwa kamame elya renge nyii narami.

Aisaya 49:23

Kiŋi dupwa nakamana rakange dopale ingyarami. Dee enda kuini dupwa nakamana endangi ingyuo parami. Dopa pipala nakamame kingi wapambupi lakao pangu soo nakama lakando ketae pyambuo kuki ingyuo inyimungu karo rape rape lao kararami. Dokopa nakamame namba Kamongo lao soo nyerami. Dee mendeme nambame nyisareŋe lao isaro karara ramo doko mona maka nara, leya.

Aisaya 49:8

Kamongo dokome banya wambu dupwa lamaiyuo, Yuu gii angi nakama lete wai pyao nyero doko pyaka seramo dokopa nambame nakama anjiki pyuo nyisa lao ee lao karaminyi dokona isingi yano pyakaro. Nambame nakama rapu pyuo karo konambe ingyaro kararonopa nakama keta wambu dupwa peparae kana minyuo lalu lao laro. Nambame nakamana yuu dakepa mee apa soo peelyamo dokona range piso palyuo pipwa, laro.

Aisaya 50:9

Nambana Kamongo Mupwa Andake Wakasa dokome namba kyawa minyuo karenge. Namba koo piiŋi lao lao pakana palyara doko apisi? Nambapa yanda pyuo laraminyi dupwa dusa kata serandena pana narami ingilyamo. Nakama komau pinjingi nakepasi dee kando nyii narami dopale ingilyamo.

Aisaya 54:4

Emba dee kamba elya nyii nare ingilyamo dokona pakame kumuo kara napipi. Dee mendeme emba nyuo isa palya narami. Enda akalingi kanda soo nyepala yulu mondo lao pii napala elya nyuo petengenyili pyuo petee kande dopako pyuo parende daa. Enda waiya ingyuo kale paka paka leyamo peteene kande dokona kame sere.

Jeremaya 1:18

Jeremaya, emba see. Wambu peparae yuu dakena range dupwamepe Juta kiŋi dupwamepe akali mupwa dupwamepe purisi dupwamepe dee wambu dupwamepe emba kando pimwaiyuo larami. Dopa laraminyipape yuu taone porai ane isame pingi dee kone kaname kana kame awali lao pingi porai dopale ingyuo wambu dupwa nyuo isa palyuo emba karalase lao nambame porainya renge jilyu. Nakamame emba nyuo isa palya narami. Nambame emba role karo konambe ingyuo alya minyaronopa karare. Namba Kamongo dokome leto, leya.

Maeka 1:2

Wambu peparae nakama pii dake selapape. Isa yuu panda karaminyi dupwa peparaeme pii dake selapape. Kamongo Mupwa Andake Wakasa dokome nakama koo pimiŋi lao banya yake panda tembole anda dokona karo, lara.

Luku 9:51

Anatumi Yesu ketae minyalyuo nyera yuu gii doko repeta epeyamo dokopa baa Jerusaleme dorena panya suu pyapala kata nyiya.

Jone 16:33

Nambana arapu dokona kararami dokome nakama mona kui lao sinya lapala pii doko langyalono. Yuu dakena karo randa narami. Nambame isa yuu dake anamasi minyuo karo doko kandapala mona kuki palyuo karalapape, leya.

Orome 1:16

Yesu Koraisana waili pii keyange dokona namba lalana elya nalyo. Banya waili pii keyange dokona porainya renge dokome Anatumi wambu baa mona mairami dupwa pyuo nyepa pingi. Juu dupwa wambo nyepala Juu daa rara wakale dupwa opetaeko pyuo nyera ingilyamo.

Ipuru 13:6

Dokona lao mona porayapala, Kamongo doko nambana nyisingi karamo. Wambumi mende piraminyi lao pako kararo doko kapa daa, lamanale.

1 Pita 4:1

Koraisa yanengena randa andake neyamo doko nakama keta sela epara lyakande doko doŋo mona kuki palyuo karalapape. Api mendeme yanenge dokona randa nyera ramo doko Satane kata rekya lao epo kararasa pira.

1 Pita 4:16

Kurisene ingilyaminyi dokona lao randa narami ramo doko elya napala Koraisana lao nyilyuŋu lao Anatu ange lamailapape.