Aisaya 50:2 - Anatunya Buku Baepole Ole Testamene Pii Lapo dee Nuu Tesamene

² Nambame nakama keta pao kyawa lete nyela peyo dokopa nambana wambu akipamo namba keta epa nayamisi? Nambame kee leyono dokopa nakamame akipamo isingi yaa lao yano pyaa nayamisi? Nambame nakama kapa pyuo nyiso kyawa lete nyero ingya nalyase? Nambame ipwa kota pete kameya doko mee soko rali pinya lao dee ipwa epo penge dupwa nyuo kee maro lanyi pyambuo soko oma dupwana selamo dupwa mee ipwa nanapala kumuo parami ingilyamo.

Aisaya 50:2 ပူးပေါင်းရင်းမြစ်များ

Jenesese 18:14

Kamongome mende pinya saka nangese? Yuu gii angi pyaka seramo ee kana enenge dokona dee eparonopa Sera baa wane manjira, leya.

Samu 107:33

Kamongome ipwa pona dupwa sokwao kee maro lao dee guu lenge dupwa pyakalyuo epa nana lao piya.

Ekesetase 14:21

Dokopa Mosesena kingi doko ipwa kota dorena ketae palyiyamo dokopa Kamongome neta pyakaenge dorena porambaiye ama porakai mende minyapala ipwa kota doko pyao soo peya. Minyuo pao yuu gii dokona kukwa peparaepe mende minyoko siyasa ipwa kota doko kaepala mee yuu oo lasi ingyuo siya.

Ekesetase 14:29

Dopa piyamopape ipwa paki pakipi kipwa kipwa dolapona nyuo karalyaro kareyamo dokopa Isaraele wambu dupwa sukusa yuu oo lasi siyamo dokona peyami.

Ekesetase 7:18

Dopa piramo dokopa kau oma dupwa kumarami dokopa ipwa doko ama ai wakasa pyarasa Isipi range wambu dupwa kapa pyuo kamuo nalana saka narami lare, leya.

Ekesetase 7:21

Dopa piyamopa kau oma ipwana singi dupwa kumuyami. Dokopa ipwa dupwa ama ai wakasa piyasa Isipi range dupwa kapa ipwa naa nayami. Yuu Isipi dokona ranjama dokome mee ree ingiya.

Poropepe 1:24

Nambame nakama panda joo ipupwa lao kyakale lapunupape nakama kale yukupala see nalyaminyi. Doko mende lalyane lao wangu lakapala selana suu pyaa nalyaminyi.

Aisaya 41:28

Nambame mee bange kingimi wasisi anatu dupwa kandapunu dokopa dokona mendemepe mende larami ingya napya. Dee kamame mendaki mendeme pii nambana piso sipunu dokona isingi yano pyakamarami ingya napyako.

Aisaya 42:15

Nambame yuu kyau kuki epengepe dupwa pyao kokwa sinyi nembo karo dokopa isako isape dupwa yanda nanyi pyambwaro. Dopa pyuo yuu lama lamana ipwa epenge dupwa muiyane penda penda ingyuo nembo dee ipwa pete dupwa sokwanyi nembo piru.

Aisaya 43:16

Yuu wamba dokopa ipwa kota pete pyao karalyiyamo dokona Kamongo dokome kata wapuo reteya.

Aisaya 44:27

Ipwa kota andake dupwa sokonya laronopa mee sokwara.

Aisaya 54:6

Isaraele emba enda mapwae akalingimi role pyaa nalyamosa randa nyingi dopale ingilyamo. Dopa pipyamopape Kamongome emba range kapu kyuo ipu lao kee lapala lao,

Aisaya 63:13

Kamongome kata lanyuo epeyamo dokome nakama kimbu rukyuope lukumu soope pii nayami.

Aisaya 64:6

Namwa peparaeme koo pyuowako karamano. Namwana yulu rolae angi pilyamano lao pyuo pumwanopape yulu dupwanako peparae karo piso koo ingyuo pelyamo. Namwana koo dokome namwa mee isa porakana yao ingyuo soo papiyamo karamano.

Jeremaya 14:9

Emba akipamo akali mona nembako kamenge walu lao nyingi dopale ingyuo dee akipamo emba yanda singi lapo porainya renge pali napala nyisalana pako karenge dopale ingilisi? Kamongo emba namwa role karene doko siyamano. Namwa embena wambu embame namwa kyawa yaki nyii napipi, lao letaminyi, leya.

Jeremaya 7:13

Nakamame yulu koo peparae nambame kingi lalono kandape dusipa pingi. Dopa piminyisa nambame nakama kamba kamba langyuo kareyonopape kamba lenge. Lapala nambame kee leyono dokona isingi yano pyaa nange.

Jeremaya 7:27

Dokona lao Jeremaya, embame pii dasipa peparae nambana wambu dupwa lamairi. Lamairinyipape nakamame embena pii see narami. Dee embame kee larenepapae nakamame isingi yano pyao laa naramiko.

Daniele 3:15

Epapu dakepa bikuli piipi musiki wakale wakale piipi laramo sepala dokopa aopa nakama pangu soo wambu yale kana golome wasisi doko lakandalapape. Daaŋa lapala nakama dopa pii narami ramo doko aopa dokopako ane isame kame pisi panda sukusa isare alyu uliyapu nyuo rao karenge dokona sukusa pyambwarami. Dokopa anatu mendeme nakama lete nyeraŋa lao suu pilyamisi? leya.

Daniele 3:29

Dokona epapu namba mawa pii palyuo leto, leya. Yuu muu peparae dupwana wambu mendemepe dee pii rara wakale wakale lenge dupwana mendemepe Setarake Mesakemoo Apenekomoona Anatu dokona kingi doko nyuo isa palyaramo wambu doko banya kimbu kingipi pyao suu lanyi nembo banya anda doko yuu sinjimupi manjomomo nao para. Nakamana Anatu nyiso lete nyipyamo dopale mendepe kara nange.

Daniele 6:20

Baa repeta papala dokopa pii poraiyuo yamarangyuo lao, Daniele Anatu lete karenge embame banya yulu pyakamingi dokome mena laene dupwa naa nana lao emba kyawa lete nyuo nyisapyase? piso soo leya.

Daniele 6:27

Baame wambu randa nyilyaminyi dokopa kyawa lete nyuo nyisingi. Baame wambumi kando mona nembako yulu akalimi pii nange dupwa yake pandanape isa yuunyape pingi. Baame Daniele mena laene dupwame kapa pyao naa narami lao kyawa lete nyipya, leya.

Osia 11:2

Lapala nambame nakama epenako lao kyakale lao nyuo peyonopa nakamame koo doko konda konda pyuo pyuo puu pao peyami. Nambana wambumi mee bange anatu lao wasisi kingi Bealo doko mena pyao kiso maiyuo. dee isa kanapeme wasisi dupwa rendamu pingi bange kiso maiyuoko pyuo kareyami.

Osia 11:7

Nakama namba mata julu jooko jilyaminyi. Dee nakama keta kenda silyamo dokome ee lao kararaminyipape mendeme nakama kiiramo minyalyuo nyii nara.

Apakuku 3:8

Ipwa dupwame Kamongo emba imbwanyi reteyamisi? Ipwa kota dokome embena imbu singi nyakayase? Emba kopa dokona piso epo apu milirandakuna doko embena mena oseme ipyuo minyuo penge uliuli ingyuo ralipinya lapala embena wambu dupwa dolona pyao anamena lao nyisii.

Nambase 11:23

Kamongome isingi lao, Mendeme nambana porainya renge doko kata lyokwarase? Namba lalono doko pyaka soo pira panda pii nara lao repeta kandarami, leya.

Make 4:39

Leyaminyi dokopa baa lenge rao sipurapala porambaiye kaena lapala, ipwa lamaiyuo, Emba lambo lao selenyili pyuo see, leya. Dopa leyamo dokopa porambaiye pyai nao rali piya. Dokopa koo pyuku pyuku peya.

Jone 1:11

Banya yuu range dokona epeyamopape banya wambu dupwame baa yako lao nyii nayami.

Jone 3:19

Yanga paupau lenge doko isa panda epeyamopape isa wambu dupwame baa mona mai napala yulu koo pingi dokome iminjingi yulu dupwa mona mailyaminyi renge dokona kote pii palamo.

Josua 3:16

Dulurename yuu nanesa yuu Atae lenge yuu Saretane repeta singi dokona ipwa doko yuu kyau dopale ingyaro kareya. Dee ipwa lano pao Ipwa Kumungi dokona penge doko soko rali piyamosa wambu dupwa awa pyuo yalo yuu angi Jereko dokona repeta parami ingiya.