Aisaya 5:7 - Anatunya Buku Baepole Ole Testamene Pii Lapo dee Nuu Tesamene

⁷ Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Aisaya 5:7 ပူးပေါင်းရင်းမြစ်များ

Jenesese 4:10

Dokopa Kamongome lao, Emba doko akinde pipisi? Embena yangonena ranjama dokome yuu ono pupyamo dokona soo namba kee lao letamo, leya.

2 Samyuele 7:10

Nambana Isaraele wambu dupwa nambame yuu mende rombo palyuo nyakamiyu dokona nakama au pyuo palyuo kararami. Dokopa nakama wambu koo mendemepe pyaope randa maiyuope pii nalu narami. Wamba kanda soo yuu dakena epo piso pao epapu karaminyi dokopape wambu koo dupwame nakama pyao randa maiyuo kareyami. Dopa piyaminyipape deeko dopa pii nara ingilyamo. Embena nyisu petenge dupwame pyasasaramiŋi lapala nambame emba kyawa lete nyuo dee embena rara dupwa jingi para pyao para lao lalu lao langilyu.

Samu 80:15

Namwa embame isa girapo ingyuo wara piinyi palyipya dupwa nyisala ipu. Namwa isa girapo ene nyaŋa dopale doko embame minyuo ando porainyi pyambui.

Ekesetase 3:7

Dokopa Kamongome lao, Nambame nambana wambu dupwa Isipi wambu dupwame randa maiyuo pyuo karaminyi doko kandelyo. Dee karapusi yulu rapu pingi akali dupwame kopetame isilyaminyi dokona kiiramo nyuo pumwali lao ee lao karaminyi doko namba silyu. Randa nami dupwa namba soo gisilyu, leya.

Aisaya 1:21

Taone mona kare kare mondo lao piyami kande doko epapu pundange lenge kambupi nyiyaminyi. Wamba kandeyo dokopa yulu keyange rolae dokome simbwaro siya. Dopa piyamopape epapu dakepa wambunya ranjama nenge yeelyo karaminyi, leya.

Aisaya 1:6

Embena yanenge peparae mendasa iki sepa nao kwaelyamo. Mendasa yaki pyuo umbwa pyuo nyisi kara nalyaminyi, leya.

Aisaya 30:12

Dopa laminyipape Isaraele wambunya Anatu poo pyasi dokome dopa letamo. Nakama nambame lapu doko sili see nale lapala apiyanda pyuo pii angi dokona palyuo laa nao minyoko pyuo piminyi dupwame nakama nyisaraŋa lao suu pilyaminyi.

Aisaya 46:12

Mona kana pokapala nakama simbi simbi pingi wambu dupwa nambana mata kyakao nyerono renge doko nanesale silyamo lao suu pyao karaminyi dupwame kale yukupala selapape.

Aisaya 5:2

Baame kana dupwa nyuo kakondao yuu ape ape pyao pingi. Dopa pipala baame girapo keyange wingi dupwa wara pingi. Baame girapo kingyaramo yuwale dupwa kyaso dee anda kama dululi pipala isaro karara anda doko pipala girapo poo relyape lao isaro karenge. Dopa pipyamopape girapo peparae kau pingi aiyange dupwa lyepa piya.

Maeka 6:12

Nakamana akali numi dupwame wambu pendewa dupwana bange dupwa mee nyakamyuo kamame pendewa panyi nembo taonena palaminyi dupwa peparae pii kyambo lenge.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Apakuku 1:3

Akipamo namba randa dupwanako lenge lenge rao kara, letese? Embame dee apa pyuo koo dupwa pyuo karena lapala mee kando karese? Pyao kokwa singi yulupi randa dupwape namba karapu dokona minyuo buale minyuo laiya lao pyakando pyuo epelyaminyi.

Matyu 23:23

Mawa Pii mana lenge akalipi Parisi akalipi yanengena mamba kiso lao karenge dupwa nakama randa andake narami ingilyamo. Dokona lao nakamame mokwamepe yambya yokope alamu yoko dee awa yokope dupwa peparaena akalisa silyamo dokona mendaki larapu Anatu maingi. Mailyaminyiko doŋo Mawa Pii palamo dokona pii kenda dusipa wambu yango kando rolae maingipi yulu angi dasipa nakamame kame sepala kaelyaminyi. Kuki doloma pyuo karo yulu angi dasipa opetae piraminde pilyaminyi.

Luku 18:7

Dokona suu pyao Anatumi banya wambu rombo palyiyamo yangala kwuara pilyamopa baa piso soo karenge dupwa kando lao rolakami narase? Nakama kando iliki maliki lapala nyisa nao kaeyarase?

Jone 15:2

Nambana wangya jingi angi lyii nange dupwa peparae baame pyakepanyi nembalu nembo nembenge. Wangya jingi angi lyingi dupwa peparae jingi lyulu lyuo karena lapala baame elya pyuo pyakepenge.

Jemesa 5:4

Nakamana yulu akali ee pyakao karaminyi dupwana yole angi ingyuo mai napala pingyakamiyami dokona nakama kando lasara. Ee dupwana nenge manjakao pyuo karaminyi dupwame mumu letaminyi doko Anatu Kamongo Porai dokona kale katana palyuo karamo.