Aisaya 5:5 - Anatunya Buku Baepole Ole Testamene Pii Lapo dee Nuu Tesamene

⁵ Nambame piru doko dapa pyuo pirunu kandalapale. Doko kame maronge dupwa lalyuo asu pinyi nembapala kame angi suwa menape kame piro karena lao piyu dupwa lalyinyi nembo mena rakaiye wii saape kame lalyuo nyuo pirunupa nao mena gulungalu lao karenale.

Aisaya 5:5 ပူးပေါင်းရင်းမြစ်များ

Jenesese 11:4

Retapala dokopa nakamame lao, Namwa yuu muu dupwana wakale wakale bolombalo lao pasasaramaŋa dokona daaŋa lao namwana kingi ketae pena lao epapu namwame yuu taone andake pyuo dee anda londe mende yake doko kando nyinya lao pyuo pimana, leyami.

Jenesese 11:7

Dokona lao nakamame yango mendeme mendena pii doko see nanaleŋe lao nakamana pii dupwa wakale wakale lenale ukiaki minyala isa lupyuo monale, leya.

Niyamaya 2:3

Pakame kumapala kiŋi lamaiyuo, O Kiŋi palu karalu karape. Nambana rora ambasupi yuu dokona malu piyami doko momo nao dee yuu dokona kame kambu dupwa isareme rao kokwa sinyi nembeyaminyi dokome apa pyuo namba porayapala mee mona kyuku renge kararose? lamaiyu.

Samu 89:40

Embame banya taone dokona kame porai doko pyao lalyanyi nembee. Dopa pipala banya anda porai dupwa pyao kokwa sii.

Samu 89:41

Wambu baa repetale kata pumi dupwame banya bange dupwa waa nyuo kaelyaminyi. Banya parali maki dupwame peparae baako kando giyalya giyana pilyaminyi.

Ekelesiyastisi 3:3

Yuu gii pyao kumakaraminyi dokope yuu gii pyuo lete nyeraminyi dokope yuu gii anda wambarae lalyaraminyi dokope yuu gii anda enenge piraminyi dokope baame rombo palyuo retenge.

Aisaya 28:3

Akali kyawa dupwame kyaŋe soo kumasi ingyuo pyuo karaminyi dupwa mee rambetaku pyao kimbumi nara ingilyamo.

Aisaya 32:10

Dakepa nakama sikya pipyamo pisiminyipape dakepa ee kana dumbinya nakama isa girapo jingi lyuo nyerami ingya narasa yangyaramo kararami ingilyamo.

Jeremaya 18:11

Dokona lao embame Juta wambupi Jerusaleme palaminyi dupwape randa mainya pipunu dokona dakepa oo randa mainya rapa rapa pyuo kaelyo letamo lao lamaipala koo pilyaminyi dupwa yaki nyuo kata koo papilyaminyi dupwa alowa pyuo kaena lao lamaipi, leya.

Osia 2:12

Nembapala dokopa banya mona retenge akali dupwame yulu pyakape lao isa girapope isa pikipi dupwa jiyamiko letamo dupwa nambame pyao kokwa sinyi nembaro. Nambame enda banya isa girapope dee isape dupwa yuu ketange pyasi inginyi nembaronopa mena rae lenge dupwa nao kokwa sinyi nembarami.

Osia 2:14

Dokona lao nambame enda baa lanyuo yuu muiyane nenge see nange dokona dee papala mona retenge piindeme range lao laku nyero.

Luku 21:24

Nakama wua gela nenge dokona nyinyi piso pyaraminyipa, rara wakale wakale dupwame nakama puu maipala lanyuo parami. Dokopa wambu rara wakale dupwame Anatu kaena lara yuu gii doko ene epapa naramopa Jerusaleme doko nyuo kalyuo kararami.

Orepalaisane 11:2

Dopa pirinyipape tembole anda dokona netarename kame piro karamo Juu daa rara menge dupwa maiyuo kaeyasi doko makande pyuo kanda napipi leya. Nakamame Jerusaleme Taone Yapasi doko kana akalisa kisima ipisu lamana apa nao kunji kanji minyuo kararami.