Aisaya 5:2 - Anatunya Buku Baepole Ole Testamene Pii Lapo dee Nuu Tesamene

² Baame kana dupwa nyuo kakondao yuu ape ape pyao pingi. Dopa pipala baame girapo keyange wingi dupwa wara pingi. Baame girapo kingyaramo yuwale dupwa kyaso dee anda kama dululi pipala isaro karara anda doko pipala girapo poo relyape lao isaro karenge. Dopa pipyamopape girapo peparae kau pingi aiyange dupwa lyepa piya.

Aisaya 5:2 ပူးပေါင်းရင်းမြစ်များ

2 Samyuele 7:10

Nambana Isaraele wambu dupwa nambame yuu mende rombo palyuo nyakamiyu dokona nakama au pyuo palyuo kararami. Dokopa nakama wambu koo mendemepe pyaope randa maiyuope pii nalu narami. Wamba kanda soo yuu dakena epo piso pao epapu karaminyi dokopape wambu koo dupwame nakama pyao randa maiyuo kareyami. Dopa piyaminyipape deeko dopa pii nara ingilyamo. Embena nyisu petenge dupwame pyasasaramiŋi lapala nambame emba kyawa lete nyuo dee embena rara dupwa jingi para pyao para lao lalu lao langilyu.

Samu 80:8

Wamba dokopa embame isa girapo mende yuu Isipi dokona nyepala minyuo epepya. Dopa pipala rara wakale dupwa pyao ralinyi karapala dokopa isa doko nakamana yuu dokona wara pinyi palyipya.

Samu 80:9

Embame andara panda doko panda pyuo renge pinyi nembeepya. Baa pingi kamame koko pao andapala angi dokome yuu peparae minyarambu nyiya.

Ekesetase 33:16

Emba namwa pipya paa narama ramo doko embame embena wambupi nambape kando rae mailiŋi lao apa pyuo wambu mendeme soo nyerase? Emba namwa pipya role parama ramo doko wambu dupwame namwa rara wakaleŋe lao soo nyerami, leya.

Aisaya 1:8

Jerusaleme yuu taone doko iki yanda pimwai lenge lenge raminyipa ropeta ee kame piro kara nange dokona iso karenge akalinya anda kauwa ingyaro silyamo, leya.

Aisaya 5:7

Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Jeremaya 2:21

Nambame nakama isa girapo yapasi waingi angi doko dopale wara piyu. Dopa piyunupape nakama epapu apiyakale karamano lao kandalapa. Nakama isa girapo momo nao kupwa nenge koo dopale ingilyaminyi.

Maeka 4:8

Dokopa nakama Jerusaleme wambu Anatu baa rangeme isilyamo dokona nakamana yuu taone andake mupwa wamba siyamo doko dee kamba mupwako ingyuo sera.

Nambase 23:9

Yuu kyau dupwana karo dokopa nambame wambu dupwa kandenge. Nakama wambu rara wakale ingyuo palyuo kamame wakasa ingyuo Kamongome wambu lapo dupwa kaepala nakama elyape keta pisingi lao silyaminyi.

Matyu 21:19

Lopayamo dokopa isa piki mende kata nemba nemba dokona ando kareyamo kandapala repeta papala isa doko kalu kalu paeyo yoko iki pyuo kareyamo kandeya. Kandapala isa doko kando, Emba rengya jingi ama lyii nalu nao nare, leya. Dokopa isa piki doko waiya lao yando nalepo piya.

Matyu 21:33

Yesumi kongwalu pii mende laro selapape leya. Akali kamongo mendeme isa girapo ee mende pipala kame piya. Dokona girapo ee kame pipala wara piya. Kalyuo pyarakwalana girapo jinginya ipwange pao seraŋa lao kanana yuwale kyasiya. Kyasapala ketae anda londe mende piya. Pipala akali lapo ee doko kando karena lao maipala yuu mendasa wakale peya.

Matyu 21:34

Jingi lyingi gii doko pyaka selena piyamo dokopa akali dokome banya yulu pingi akali lapo lamaiyuo, Nambana ee kando karaminyi akali dusipa karaminyi dokona papala nambana jingi lyuo jinya lapala minyakao ipupwape, leya.

Make 11:13

Lopo epapala isa piki lenge mende yoko piyamosa nanesa dumbisale kandapala jingi lyilyape lao kandala peya. Kandala peyamo dokopa jingi lyii napala kalu kalu paeyo yoko iki pyuo kareyamo kandeya. Kana dokopa jingi lyii nange dokopa yoko iki pyuo kareyamo kandeya.

Make 12:1

Dokopa baame nakama kongwalu pii lapo lamaiyuo kareya. Lamaiyuo karo dokopa dopa leya. Akali mendeme isa girapo waingi lapo wara piya. Wara pipala dokopa kame piya. Girapo jinginya ipwange kingyaramopa pao sera lao kana mendena pete mende kyasiya. Dee kana anda londe ee rapu pyuo kando karenge mende piya. Pipala ee doko akali lapo ee mare dokona palyuo kando karena lapala yuu mendasa wakale peya.

Make 12:2

Papala jingi lyuo nyingi yuu gii dokopa ee range akali dokome banya yulu pingi akali mende lamaiyuo, Embame papala nambana ee rapu pyuo karaminyi dupwa jingi lapo jinya lapala nyuo minyakao ipupi, leya.

Orome 9:4

Nakama Isaraele wambu dupwa Anatunya yapo nyisi karaminyi. Anatumi nakama banya wambu inginyi pyambwapala banya yanga paupau lenge dokona nyuo pisiya. Baame mende piru lao lalu lao lapala nakama pipya kana minyiya. Minyapala banya Lowa doko nakama keta reto apa pyuo Anatu lakandarami lao kata dokona mana lamaiya. Lamaiyamopa nakama Anatunya lalu lao lenge doko kando nyiyami.

1 Korina 9:7

Ami yanda singi akali anjukumi banya bange peparae ami mupwame maingi doko kaepala rangeme ropo piyamo siyamisi? Pama akali anjukumi baa girapo jingi wara pipala range lyuo naa nalyase? Mena sipisipi isingi akali anjukumi baa rangena sipisipinya susu naa nayamo siyamisi?

Dutaronome 32:6

Nakama kopyali kyawa sisingi pali nange dupwa dopa pyuo nakamame Kamongo doko rape rape lao kararamisi? Baa nakamana rakange dokome nakama wasiya. Baame nakama rara andake ingyuo wasinyi pyambuya.

Jasi 16:4

Enakana dokopa Samasoneme enda Delaela lenge yuu Soreke pau lama lama dokona palenge doko kando ama mona wakasa reteya.