Aisaya 45:8 - Anatunya Buku Baepole Ole Testamene Pii Lapo dee Nuu Tesamene

⁸ Nambame yake dokona piso apunda epengenyili pyuo rolaena renge peyaro. Isa yuunya wambu dupwame lenge pee lao nyelana kararami. Dopa piramo dokopa isa jingi kalya pingi lokwa sinyi peenge dopale ingyuo kiiramo nyingipi pii soo rolo lengepe peyakamiru. Doko namba Kamongo dokome dopa pyuo pinya laronosa pira.

Aisaya 45:8 ပူးပေါင်းရင်းမြစ်များ

2 Kiŋi 19:25

Nambame dupwa peparae yuu wamba rapa rapa pyuo reteyo doko emba kaname see nangese? Epapu dakepa nambame minyuo pulyuo raelyo. Yuu taone kana kame porai awali lao palenge dupwa nyuo koo ingyuo kokwa sinyi nembo pepe lao nambame emba porainya renge jiyu.

Samu 72:3

Yuu dokona kapa palyuo nao karapala rolaenarenge doko soo nyisi kararami.

Samu 72:6

Kiŋi baa ee yuupinya apunda kulimbwanyi peyalamuli pyuope dee apunda pura pura pyao epo yuu pyuku lanyi pyambwalamuli pyuo karena.

Aisaya 11:1

Kiŋi Dapitinya kiŋi yulu alonge dokona banya rara dokona mende pulyara. Doko isa pokwasi renge dokona angalu pyakalyingi dopale ingyara.

Aisaya 32:15

Dopa piramopape Anatumi banya Imambu doko dee namwa keta mapanyi peyara. Yuu kwaeyo mee soo paramo dupwa amenge pira. Dee ee yuu dupwa nenge jingi angi mupwa dupwa ando palira.

Aisaya 44:24

Namba Kamongo doko nakamana pyuo nyingi akali. Nambame iki nakama wasiyu. Nambameko Kamongo ingyuo karapala bange silyamo dupwa peparae wasiyu. Nambame iki yake doko nyuo pyasinju lanyi reteyo. Dopa pyuo isa yuu dake wasiyuŋu dokopape mendalimi namba nyiso kara nayako.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Aisaya 46:13

Namba pyao mata kyakao nyero yuu gii doko oo repeta minyuo epelyo panda londesa see nalyamo. Nambame anamasi minyuo pyuo nyero yuu gii doko oo repe repe pyuo retelyo. Nambame yuu taone Jerusaleme doko nyiso pyuo nyuo Isaraele wambu dupwa dokome kingi ketae palyinyi nembaro, leya Anatumi.

Aisaya 53:2

Kamongome suu piyamili pyuo isa wai mende yuu ketange pyasi mee dokona lee rao andengenyili pyuo banya kendemande akali doko poro lena leya. Wambumi epe kandaraminyi panda lakanda minya minya pingipi baa keta pali nana lao kareyamopa mendeme baa lengeme auwa kandarami ingya naya.

Aisaya 60:21

Dokopa nakamana wambu dupwame rolae doko anjuku lao pyuo yuu doko nyuo palu palirami. Nambana yulu andake dupwa nakama keta lasaka pyuo panaro lao nambame nakama nyuo pingi pyao wara pipala wasiyu.

Aisaya 61:11

Ee dokona wara pingi dokopa waingi dupwa poro lamu lae pipala andengenyili pyuo Kamongo Mupwa Andake Wakasa dokome banya wambu dupwa kyawa lete nyuo nyisara. Dokopa wambu yuu muu peparaeme baa lakandarami.

Aisaya 61:3

Lapala lao wambu lapo yuu Sayone dokona kumanda petaminyi dupwa mona rando kondange doko suu pyao rae maingi renge maiyuo dee kumanda piso ee lenge doko suu pyao lakandenge kenane maiyuo puu lapyasa epelyo. Nakama Kamongo rangeme isa wara pilyamo andenge dopale ingyarami. Dokopa nakama peparaeme yulu rolae doko anjuku lao pirami. Dokopa Anatu baame yulu piyamo dupwana lao baa lakandarami ingyara.

Jeremaya 31:22

Yuu gii akipare nakama Anatunya yulu mondo lao pyakami nao mona lamana palyuo kararamisi? Akalimi enda rapu pyuo karengenyili pyuo endame akali rapu pira ramo ama wakale ingyuo pira. Doko suu pyao nambame yulu enenge mende ama wakale ingyuo pipu.

Isikiolo 34:26

Dokopa nambame nakama kalya pinyi nembo yuu kyau poo pyasi dokona palyuo karena laro. Palyuo karo apunda ipyali lao maseraminyi dokopa nambame dupwa elyape keta pisinyi pyambuo apunda kulimbwanyi peyo mairu.

Joele 3:18

Yuu gii dokopa girapo isa dupwa yuu kyau dupwana paeyo mee bange ingyuo andaramopa mena dupwa yuu kyau peparaena buu minyuo kararaminyi kandarami. Juta wambu dupwana ipwa epenge dupwana ipwa malu epara. Kamongona tembole anda dokona piso ipwa mende guu lao jerae pyao lupyuo eparamo dokome yuu Akasiya pau lama lama dokona isa andenge dupwa nenge pira.

APOSELENA YULU 2:33

Baa lopo epapala Anatunya kingi rolaerename nyiyamo dokopa Rakangeme Imambu Poo Pyasi nyera lao kaeyamo doko nyiya. Nyepala namwa keta mokwa soo jipyamopa poo lao ipyamosa pilyamo doko kandelyaminyi.

Epesasa 2:10

Anatu range namwa wasiya. Namwa Koraisa Yesupa pako yulu keyange pirami lao wasiya. Namwa kata rolae dupwana papyuo kararama dupwa Anatumi wamba rapa rapa piya.

Epesasa 4:24

Kyakana renge Anatu makande minyuo rolae pyuo yapasi palamo dokona nyuo maralyalapape.