Aisaya 45:1 - Anatunya Buku Baepole Ole Testamene Pii Lapo dee Nuu Tesamene

¹ Kamongo dokome akali Sairose baa kiŋi ingyuo yuu liti wakale dupwa pyao anamasi minyinya lao rombo palyiya. Baame kiŋi yango dupwana pawa dupwa pyao kui lao isa palyala pena leya. Kamongo yuu taone dupwana kame kambu dupwa banya lao pyao lumbwanyi retakamira. Sairose kando Kamongo lao dokopa

Aisaya 45:1 ပူးပေါင်းရင်းမြစ်များ

1 Kiŋi 19:15

Dokopa Kamongome lao, Kapu kyuo yuu Damasakesa repeta yuu muiyane dokona pupi. Papala yuu taone andake dokona sukusa pao akali Aseyele lenge baa Siria wambunya kiŋi ingyuo rombo palyape.

Esera 1:1

Ee kana mupwa dokopa Kiŋi Sairose baa yuu Pesa dokona kiŋi ingyuo kareyamo dokopa Kamongo dokome Sairosena monarename pyongo pyao lamaiyamopa baame lowa lapo lao wasapala pyao palyapala yuu muu baame rapu piyamo dusipana maiyuo kapa piya. Doo piyamo doko wamba Kamongo Anatumi poropeta Jeremaya keta lamaiyamo pii dupwa angi kinyi ingyuo peya.

Esera 1:2

Kiŋi Sairose yuu Pesa range dokome pii dake dapa lao leto. Kamongo Anatu yake panda karenge dokome namba rombo palyapala yuu muu peparaena rapu pyuo karo tembole anda andake doko yuu Juta singi dokona yuu Jerusaleme dokona karamo doko kamba pyakape, langiya.

Samu 73:23

Dopa pipunupape namba embapa role pyao karapunu dokona lao embame nambana kingi minyaro karene.

Aisaya 41:13

Namba nakamana Kamongo Anatu doko ingyuo karo. Nambame porainyi pyambuo lao, Nyisaroŋo dokona paka nalapape lapunu pilyamo.

Aisaya 41:2

Apimi yanda pyuo anamasi minyingi akali doko neta potemenge dorena piso lanyuo epeyase? Dee baa anja panda anja mendasa pelyamo dupwana baa wini pinya lao pingisi? Apimi kiŋi akalipi yuu liti wakale wakale wambu dupwape nyuo amena lao porai renge mailyase? Banya wua gela dokome nakama pyao mee sinjimu inginyi nembenge. Banya walekya dupwame nakama pyao poo raiyame kalendakuna polo nembele lenge.

Aisaya 41:25

Dokona lao nambame neta pyakaenge dorena range akali mende rombo palyuo kaeyapu. Baa dulurena karo wambu palaminyi dupwa pinya lao lanyuo eparo. Dokopa akali pee warame wasingi dokome banya kimbumi wara kalyuo injo pingi doko suu pyao baame akali mupwa dupwa wara ingyuo kalyuo isa palyara ingilyamo.

Aisaya 42:6

Namba Kamongo dokome emba kee lapala isa yuu dakena lao rolare ingyaraŋa lao porai renge jiyu. Emba keta nambame wambu peparae pipya kana minyuo lalu lao lenge pii laro. Emba ketako nambame wambu rara peparae dupwa keta yanga paupau lanyi pyambwaro.

Aisaya 44:28

Nambame akali Sairose lamaiyuo, Embame nambana wambu dupwa isakao kara, laro. Namba pinya suu pilyu dupwana palyuo pyakare. Jerusaleme doko dee kamba minyalyinya lakare. Dopa lao dokopa tembole anda pirami dokona puu rombo minyakao susa isa retako pinya lao lamaikare, lapusa pilyamo.

Aisaya 45:5

Namba iki Kamongo. Anatu wakale mende kara nange. Embame namba soo nyii napinyipape nambame emba yano piramo kararene dokopa porai renge jero.

Daniele 5:6

Dokopa baa yongo nembo pakame kumuo banya kimbu dupwa walu walu leya.

Daniele 7:5

Nambame mena lapo doko kandeyo. Doko baa mena beya yale ingyapala banya kenge kimbu dolapome roya kareya. Karapala banya nenge dokona kanya dolapona parali kuli rema kapusaro kareya. Dokopa pii mendeme baa lamaiyuo, Minju malu mee emba nalana lao suu pilinyili pyuo nape, leya.