Aisaya 41:9 - Anatunya Buku Baepole Ole Testamene Pii Lapo dee Nuu Tesamene

⁹ Nambame nakama emba yake yuupi lili rambungi dokona piso minyuo epeyo. Nambame nakama yuu kyukunaiya kamame nanesa peteyaminyipa kee lao nyiyu. Nyepala nakama langyuo lao, Nakama nambana kendemande wambuŋu. Nambame nakama kilya kando mata jii napala nakama rombo palyuo nyiyu.

Aisaya 41:9 ပူးပေါင်းရင်းမြစ်များ

Aisaya 41:2

Apimi yanda pyuo anamasi minyingi akali doko neta potemenge dorena piso lanyuo epeyase? Dee baa anja panda anja mendasa pelyamo dupwana baa wini pinya lao pingisi? Apimi kiŋi akalipi yuu liti wakale wakale wambu dupwape nyuo amena lao porai renge mailyase? Banya wua gela dokome nakama pyao mee sinjimu inginyi nembenge. Banya walekya dupwame nakama pyao poo raiyame kalendakuna polo nembele lenge.

Aisaya 41:8

Dopa pyuo karaminyipape Isaraele dupwa nakama nambana kendemande wambu. Nambana puu minying akali Aporakamena para pyasi dupwa nambame nakama rombo palyuo nyiyu.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 44:1

Kamongo dopa letamo. Isaraele wambu nambana kendemande nambana rombo palyisi Jekopena para pyao nyisi dupwa epapu pii dake selapa.

Aisaya 45:4

Isaraele wambu nambana kendemande dupwa namba rangeme rombo palyuo nyiyunu dupwa embame nyisakare lao emba rombo palyilyu. Embame namba soo nyii napinyipape namba emba kingi ketae pyambuo rape rape lao karapu.

Malakae 1:2

Kamongome lao, Nambame nakama yuu peparae mona retelyo, letamo. Dopa pipunupape wambu nakamame isingi lao dokopa, Embame apa pyuo namwa mona retengese? letaminyi. Dokopa Kamongome isingi lao, Iso Jekopepa ane yangongepa dokona nambame Jekope baape banya rara wambu wai kiso nyiyamo dupwa peparaepe mona retelyo, leya.

Luku 13:29

Dokopa akali dorena rangepe dumurena rangepe donorena rangepe dulurena rangepe akali dupwame epo Anatunya isingi panda dokona epo taepo dokona nao pisirami.

Jemesa 2:5

Yangonemoo selapape. Anatumi isa yuunya pendewa dupwa yapo nyepala baa kapa ingingi lao suu pingi yulu doko nakama keta andanyi pyambwakamira. Banya isingi panda doko mona jerami dupwana ingyara lao kaeya dokona nyerami ingilyamo nakamana ingyara.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.

1 Samyuele 12:22

Kamongome nakama nyuo banya rangena wambu ingyapulinya lao suu pyao kana minyuo lalu lao leyamo dokona baame nakama kame soo yaki nyii nara.