Aisaya 41:8 - Anatunya Buku Baepole Ole Testamene Pii Lapo dee Nuu Tesamene

⁸ Dopa pyuo karaminyipape Isaraele dupwa nakama nambana kendemande wambu. Nambana puu minying akali Aporakamena para pyasi dupwa nambame nakama rombo palyuo nyiyu.

Aisaya 41:8 ပူးပေါင်းရင်းမြစ်များ

Samu 33:12

Yuu liti andake mende Anatu Kamongo ingyuo pelyamo lao suu pilyaminyi dupwa rae maiyuo parami. Wambu baa rangena lao rombo palyuo nyiya ingilyamo dupwa rae maiyuo parami.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Aisaya 42:19

Nambana kendemande lenge koo ingyapyamopape kamame lenge koo mende karase? Dee nambana wai pii minyakao pena leyono akali doko kalepoe ingyapyamopape mendali kalepoe mende karase?

Aisaya 43:1

Isaraele wambu dupwa, nakama wasiyamo Kamongo Anatu dokome lao, Nambame nakama kyawa minyaroŋo paka nalapape, letamo. Nambame nakama kingi leyoŋo. Nakama nambana angingyuo karaminyiŋi.

Aisaya 43:10

Isaraele wambu dupwa nakama nambana usinisi lakarami. Namba nakamame soo nyuo suu pyao dee namba Anatu mendaki iki lao serami lao nambame nakama nambana kendemande wambu ingyuo rombo palyiyu. Namba iki Anatu karo. Anatu wakale mende kara nalyamo. Dokonako ingyuo wamba mende kara nange. Dee rengyape mende kara narako.

Aisaya 43:5

Namba nakama role karoŋo dokona paka nao karalapape. Nambame neta pyakaenge dorena pisowape dee neta yalyingi dorena pisowape nakamana wambu dupwa range nyuo anda lanyoko eparo.

Aisaya 44:21

Kamongo dokome lao, Isaraele nakama renge dasipa suu pyalapape, letamo. Doko nambame nakama nambana kendemande ingyuo kararami lao wasiyu. Nakama nambana kendemande ingyuo karaminyi. Nakama kame soo yaki nyeronde daa.

Aisaya 45:4

Isaraele wambu nambana kendemande dupwa namba rangeme rombo palyuo nyiyunu dupwa embame nyisakare lao emba rombo palyilyu. Embame namba soo nyii napinyipape namba emba kingi ketae pyambuo rape rape lao karapu.

Aisaya 49:3

Dopa pipala baame namba langyuo, Isaraele emba nambana kendemande. Wambu dupwame emba dokona kandapala namba lakandarami.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Malakae 1:2

Kamongome lao, Nambame nakama yuu peparae mona retelyo, letamo. Dopa pipunupape wambu nakamame isingi lao dokopa, Embame apa pyuo namwa mona retengese? letaminyi. Dokopa Kamongome isingi lao, Iso Jekopepa ane yangongepa dokona nambame Jekope baape banya rara wambu wai kiso nyiyamo dupwa peparaepe mona retelyo, leya.

Matyu 3:9

Aporakame namwana rakange kyawa ingiyamopa karamano lao nakama range ketae pyambuo laa nalapape. Dokona ingyuo Anatumi mee kana dupwa nyuo Aporakamena wane wanakepe ingyuo petena lao kapa wasara.

Galasia 3:19

Akipamo Lowa doko wasiyase? Koo dupwa dokoŋo lao lasaka pyuo seramopa pao Aporakamena para pyasinde eparaŋa lao lalu lao leyamo dokona liti piraŋa lao maiya. Lowa doko aŋalana kambu dupwana epapala kanya akali ingyuo kareyamo doko baa ketape Anatumi maiya.

Dutaronome 10:15

Dopa piyamopape Kamongome nakamana rora ambasu dupwa mona wakasa reteyamo dokome baame wambu rara menge lapo rombo palyapengele doko kaepala nakama rombo palyiya. Rombo palyiyamo dokona banya rombo palyisi wambuko mee petaminyi.

Jemesa 2:23

Buku Baepole dokona Aporakame keta pii mende paleya. Doko Aporakame Anatu kapa pira lao suu pyao kareyamosa Anatunya lenge kambu dokona rolae ingyuo peya. Dopa pyuo kareyasa, Aporakame baa Anatunya puu minyingi lenge.