Aisaya 41:3 - Anatunya Buku Baepole Ole Testamene Pii Lapo dee Nuu Tesamene

³ Baa minyaro nyelana makando peta papala range kyawa lete nyuo kimbu pyao piso penge. Ama puu wakasa lao papala kimbu yukuna doko eketa rapu dokona palipae pilyasa yuu dokona angingyuo warenda nange.

Aisaya 41:3 ပူးပေါင်းရင်းမြစ်များ

Jopo 5:24

Embena ree palu pipya komau anda dokona mona seramo palyuo karare. Embena mena sipisipi dupwa mondo lao kararaminyi dupwa kapa kandare.

Aisaya 41:2

Apimi yanda pyuo anamasi minyingi akali doko neta potemenge dorena piso lanyuo epeyase? Dee baa anja panda anja mendasa pelyamo dupwana baa wini pinya lao pingisi? Apimi kiŋi akalipi yuu liti wakale wakale wambu dupwape nyuo amena lao porai renge mailyase? Banya wua gela dokome nakama pyao mee sinjimu inginyi nembenge. Banya walekya dupwame nakama pyao poo raiyame kalendakuna polo nembele lenge.

Aisaya 41:4

Apimi dokona karapala yulu dopale dupwa pyaka sinya lao piyase? Api mendeme wambo pyuo kaeyamo dupwana doko mende wamba piyaŋa lao soo giso lara ingiyase? Namba Kamongo doko wamba enye kanda siyamo dokopa kareyo. Dee namba Kamongo doko lumwa piramo dokopa dokona kararoko ingilyamo.