Aisaya 41:16 - Anatunya Buku Baepole Ole Testamene Pii Lapo dee Nuu Tesamene

¹⁶ Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Aisaya 41:16 ပူးပေါင်းရင်းမြစ်များ

Samu 1:4

Akali koo pingi dupwa dopale ingya nange. Yangi porambaiyeme poo lanyi nembenge dopale ingyuo penge.

Aisaya 28:5

Yuu gii mende ene pyaka sera dokopa Kamongo Porai Wakasa doko banya wambu pyao wapu lasi dupwana kyawa rarange kalya pisi doko dopale ingyara.

Aisaya 35:10

Nakama rae maiyuo Jerusaleme kando nyuo dokopa kenane poraiyuo pyao rae maiyuo parami. Saka rengepe mona randange rengepe dupwa nakama keta epa naramopa rae maiyuo karalu kararami.

Aisaya 40:24

Nakama angi pingi pyao karapa narami doko Kamongome porambaiye peyara dokopa dupwa mee kalendau porakana ingyara.

Aisaya 60:19

Dopa piramopape kukwa korakamape nakamana neta dee kanape renge panda dokona namba Kamongo doko nakamana yanga paupau lenge kulisa ingyuo rao karalu kararo. Nambana neta renge dokona yanga paupau lenge doko nakama keta ranyi peyara.

Aisaya 65:18

Nambame pyuo wasakaro dokona lao rae maiyuo kenane pyao karalu kararami. Nambame Jerusaleme enengende wasarono dokona raeme kumungi renge iki simbwaro seramopa banya range wambu dupwa raeme kumarami.

Jeremaya 15:7

Yuu taone peparaena nambame nakama kalendakuna porakana pyao nembele lao nakama nambana wambu dupwa kokwa sinyi nembeyo. Nakamana yulu koo pingi karo doko yaki nyuo kaeya nao minyaro siyaminyi dokona nambame nakamana wane wanake dupwa opetae pyao kumakayo.

Daniele 2:35

Yuu gii mendaki dokopa anepe warape bange kone kana yalepe kana kulingipi dee kana golope poro lao muu muu pipala panyi pilyamopa sinjimu singi dopale ingiya. Dopa piyamo dokopa poraiye dokome kuki mendepe pyarepala paa nana lao soo peya. Dopa piyamopape kana doko ando yuu kyau ingyuo andakyapala yuu muu dupwa peparae minyarambu nyiya.

Osia 11:9

Dokona lao namba mee akali daa namba Anatu. Nambana imbu singi dokome nakama randa jii naro dee Isaraele wambu dupwa dee kamba pyao kokwa see naroko. Namba doko ama Poo Pyasi ingyuo karo. Namba doko nakama role pyao karo. Dokona namba imbu singi paleta nakama keta epa naro, leya Kamongo dokome.

Joele 2:23

Sayone wambu dupwa rae maiyuo karalapape. Kamongome nakama reke lao apunda kamame andake dee kamame kuki jii napala mee kapa manda minyuo jiya. Enakana apunda kapa andake kulimbuo dee wambape dopa pyuo jinginyili pyuo jiya.

Maeka 5:8

Isaraele wambu lapo yuu wakale dupwana mende yaka yaka lao mena laene nenge koto isako imwa dupwana paenge dopale ingyuo paeyo kararami. Nakama mena sipisipi kararami dupwana sukusa pao kararaminyipa pyakala lambwapala kapuso nyepala nao rokwalya rokwana pinyi nembarami. Mendeme nyisara lao suu pyaa narami.

Apakuku 3:18

Kamongo Anatu baa nambana nyisingi akali dokona namba mee rae maiyuo kararo ingilyamo.

Matyu 3:12

Baa witi jingi lukungi saporo andake doko minyaro karamo. Baa witi peparae yapo nyepala jingi angi dupwa anda retowa, imbu dupwa isare rao sulu singi dokona kisanyi nembara leya.

Orome 5:11

Doko iki daa. Namwana Kamongo Yesu Koraisame Anatupa namwa nyuo puu minyinyi pyambuya dokona Yesu keta Anatu kando raeme kumuo lakandelyamano.

Pilipai 3:3

Anatunya Imambu namwa nyisilyamopa Anatu dokona mona kando kingi lenge. Namwa Koraisa Yesunya arapu dokona karapala rae mailyamano. Dokona lao yanenge kolomasi angingyuo peyama. Doko nakama daa. Namwa yanengena yulu ketae iki suu pyaa nalyamano.