Aisaya 41:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 41:14 ပူးပေါင်းရင်းမြစ်များ

Jopo 19:25

Dopa pyuo lapunupape akali kamame wakasa mende yake panda dokona karamo dokome lumwa pyuo epapala namba pyuo nyera lao soo otelyo.

Samu 19:14

Kamongo, namba kyawa lete nyepala lete wai pyao nyingi. Dokome nambanapii dee suu pingipi dolapo embame angi lalyane lao soo nyakape.

Samu 22:6

Dopa piyamopape namba epapu wambu ingya nalyamo. Namba mee kau kui dopale. Wambu dupwame namba kando awa nao giyalya giyana pyuo karaminyi.

Samu 46:5

Anatu baa yuu taone andake dokona palyuo karelyasa kapa kwaeya nange. Ene yango rombalo piramo dokopa baame nyisala epara.

Aisaya 35:10

Nakama rae maiyuo Jerusaleme kando nyuo dokopa kenane poraiyuo pyao rae maiyuo parami. Saka rengepe mona randange rengepe dupwa nakama keta epa naramopa rae maiyuo karalu kararami.

Aisaya 41:10

Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 43:14

Isaraelena Anatu poo pyasi nakamana Kamongo nyiso kyawa lete nyingi dokome lao, Nakama nyiso kyawa lete nyuo nambame ami yanda singi dupwa yuu Bapilone pyala pena lao peyaro. Nambame yuu taonena kame kambu dupwa pyao lalyapala dee Bapilone wambu pii poraiyuo lao mambo pyao karaminyi dupwa dee nyuo ee lena lao piru.

Aisaya 43:3

Namba nakama Isaraele wambunya Kamongo Anatu poo pyasi nakama kyawa lete nyingi doko. Nambame nakama mona seramo karalapase lao Isipi wambu dupwa kyawa yaki nyuo nakama kiiramo nyero. Dee namba Itiopia wambupi Sepa wambupi opetae kyawa yaki nyeroko.

Aisaya 44:22

Nambame nakamana koo dupwa kopa apupi pyao nembele lao kwuanyi nembakayoŋo. Nambame nakama lete wai pyao nyilyuŋu. Namba range karo dakena ipupwape.

Aisaya 44:24

Namba Kamongo doko nakamana pyuo nyingi akali. Nambame iki nakama wasiyu. Nambameko Kamongo ingyuo karapala bange silyamo dupwa peparae wasiyu. Nambame iki yake doko nyuo pyasinju lanyi reteyo. Dopa pyuo isa yuu dake wasiyuŋu dokopape mendalimi namba nyiso kara nayako.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Aisaya 54:8

Namba imbwayo dokona yuu gii kuki lama nakama mata jiyu. Dopa piyunupape nambame nambana mona retenge renge doko lasaka pyuo karalu kararo, lao Kamongo emba pyuo nyilyamo dokome letamo.

Aisaya 60:16

Dokopa endangimi dokome banya wane rapu pinginyili pyuo wambu rara dupwamepe kiŋi dupwamepe nakama rapu pirami. Dokopa namba Kamongo Isaraele wambunya Anatu porai dokome nakama kyawa lete nyuo kiiramo nyiilyamo lao serami.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Osia 11:9

Dokona lao namba mee akali daa namba Anatu. Nambana imbu singi dokome nakama randa jii naro dee Isaraele wambu dupwa dee kamba pyao kokwa see naroko. Namba doko ama Poo Pyasi ingyuo karo. Namba doko nakama role pyao karo. Dokona namba imbu singi paleta nakama keta epa naro, leya Kamongo dokome.

Matyu 7:14

Pelyaminyipape kambu kata rambu rambu dokona lekeleke rao penge dokona pao lete karalu karenge. Kata doko wambu mendasipame iki kando nyingi.

Luku 12:32

Nakama nambana mena mondo ingyuo karaminyi dokona paka nalapape. Rakane dokome banya isingi yulu doko rae maiyuo jera.

Orome 9:27

Aisayame Isaraele wambu dupwana lao pano lao kareya. Isaraele wambu dupwa ipwa pota kee kana ingyuo paramopape mendasipa iki sukusa epena laro leya.

Galasia 3:13

Koraisame namwana lao randa nyakapala Lowa namwa randa jingi dokona kiiramo nyiya. Buku Baepole dokona dopa lao letamo. Akali isa mamandona kumuo penge doko kumungi renge baa keta palamo letamo.

Dutaronome 7:7

Nakama wambu menge dupwa pipya manda manja nao malu kara nayaminyipape Kamongome nakama mee mona reto rombo palyiya. Yuu muu peparaena nakama wambu rara ama kuki ingyuo palaminyi.

Taitesa 2:14

Koraisame baa namwana koo dupwana kumuo jepala namwa baa rangena wambu kipungi poo pyasi inginyi pyambuo kiiramo nyiya dokome yulu keyange dupwa angingyuo pinya suu pyao pimana.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.