Aisaya 41:11 - Anatunya Buku Baepole Ole Testamene Pii Lapo dee Nuu Tesamene

¹¹ Wambu lapome nakama pipya imbu singi manjarami dupwa kingi isa paramopa pyao anamasi minyaraminyi renge doko soo nyerami. Dee dopako pyuo lapome nakama pipya yanda pimwairami dupwa kumarami.

Aisaya 41:11 ပူးပေါင်းရင်းမြစ်များ

Ekesetase 11:8

Lapala Moseseme pii lao oto lumwa pyuo lao, Embena yulu pingi akali mupwa dupwa isale pao palipala namba mupwalyamo lapala nambape nambana wambu dupwape kala lanyuo puu larami lyakande. Dopa laraminyi dokopa namwa kapa yaki nyuo parama, leya. Dopa lapala Mosese imbumi kumapala Perao yaki nyuo peya.

Ekesetase 12:29

Anda sukulya dokopa Kamongome Isipi wane kyawa dupwa pyao kumakao karo dokopa kiŋinya ikinyingi banya panda nyeramo wane doko pyao dee karapusi yuu anda koona paleyamo dokona ikinyingi mupwa doko opetae palepale pyao kumakaya. Dopa pyuo pyao karo dokopa mena wambo mandenge dupwa pyao kumakaoko piya.

Aisaya 40:17

Yuu muu peparaena wambu malu petamano lao suu pilyaminyi dupwa Anatunya lenge kambu dokona angi mende daa ingilyamo.

Aisaya 40:2

Jerusaleme wambu dupwa nyiso mona porainyi pyambuo karape. Nakama lamaiyuo, Randa doko yuu andarele kapa napelyaminyi. Epapu nakamana koo dupwa kame sisi silyamo, lao lamaipi. Doko nambame nakamana yulu koo dupwana manda manjo randa doko maiyuo kaepu.

Aisaya 41:24

Lapala lao, Nakamape nakamame yulu pilyaminyi dupwa angi mende ingya napala mee ingyuo pelyamo. Dee wambu lapome nakama kingi wapambupi lakao jilyaminyi dupwa kando ipyuo miku kasilyu.

Aisaya 41:29

Bange anatuŋu letaminyi dupwa mee ingyuo pelyamo. Nakamame yulu mendepe pirami ingya nalyamo. Mee bange isa kanapeme wasisi dapwa pyuku lasi nakama keta porainya renge mende pali nalyamoko, leya.

Aisaya 45:24

Nakamame lao namba keta iki anamasi minyuo wini pingi rengepe dee porainya rengepe dupwa kando nyerama ingilyamo larami. Dopa piraminyipape wambu lapo namba kando epe kanda nalyaminyi dupwa randa andake nyuo elyame kumuo kararami.

Aisaya 49:25

Kamongo dokome isingi lao, Doo leto doko nambame pirowaleŋe. Yanda singinya karapusi wambu palyarami dupwa nyuo lanyuo pao dee yanda singimi yanda pimwainya pinji bange nyuo soo parami. Dupwa nyuo nembo pipala mendeme nakama pyalana piramo doko nambame yanda pimwaiyuo pyalana pyuo nakamana wane wanakepe dupwa kiiramo nyakaro.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 54:15

Mendeme emba nyuo kuinya palyuo pyalana piramo doko Nambame suu pyaa naro dokona rangeme suu pilyu ote lao pira. Mendeme baa emba yanda pimwaiyuo kararamo doko isa para ingilyamo.

Aisaya 54:17

Dopa pyuo piyunu kaku dokona mendeme emba keta yalya nara lyakande. Emba koo keta palyuo larami dupwa lao rolakamyuo karare. Nambana kendemande dupwa arapunya palyuo reto kararonopa nakamana yanda pimwai anamasi minyuo kararami, pii doko Kamongome letamo.

Jeremaya 2:3

Isaraele wambu nakama nambana iki yapasi ingyuo wanyi wanyi pyuo peteyami. Wambumi nakama randa jiyami dupwa keta nambane lekeleke koo rao randa nyinya lao maingi. Namba Kamongo dokome leto, leya.

Daniele 4:35

Wambu isa yuu dakena palaminyi dupwa angi mende daaŋa lao kandanyi nembelyamo. Aŋala yake panda dokona karenge dupwape wambu isa yunya palaminyi dupwape baa isarena karaminyi. Mendemepe banya yulu pilyamo dupwana yango palya nao dee baame yulu aki pilyamo dupwa piso see narami ingilyamo, leya.

APOSELENA YULU 16:39

Pako epo nakamba kando yulu kopetame pimwalyamo lapala kondalyamano lamaiyami. Lamaipala kamanda lanyuo papala taone doko yaki nyuo pumbili lapala lamaiyami.

Orepalaisane 3:9

Lapome kyambo lao Juu wambuŋu letaminyi dupwa nakamba Juu wambu angi ingya napala Satanena wambu ingyuo petaminyi. Kandalapa. Nakamba nakamana kimbu yukuna dorena pongwa naro petena laronopa nakama nambana arapu dokona karaminyi doko soo gisarami.