Aisaya 41:10 - Anatunya Buku Baepole Ole Testamene Pii Lapo dee Nuu Tesamene

¹⁰ Namba nakama pipya role karapunu pilyamoŋo pakame kumuo kara nalapape. Namba nakamana Anatuŋu bange mendemepe nakama keta paka mona palyinyi pyambwa nanale. Nambame nakama porainyi pyambuo nyiso kararo. Namba konambena mendeke alya isa ingyuo kyawa lete nyuo nyiso kararo.

Aisaya 41:10 ပူးပေါင်းရင်းမြစ်များ

Jenesese 15:1

Yuumange lama papeyamopa Kamongome Aporame keta pii repa repa pyuo lamaiyuo lao, Aporame emba paka napipi. Namba embena konambe ingyuo karo. Embena yole andake ingyuo paramo nyere, leya.

Jenesese 26:24

Peyamo dokopako kukwa Kamongo baa keta epapala lamaiyuo lao, Namba embena rakane Aporakamena Anatu. Dokona papa lao paka napipi. Namba embapa role pyao karoŋo. Nambana kendemande Aporakame kando lalu lao leyo dokona nambame emba elyape keta pisinyi pyambuo emba jingi para pyao manjirinyi dupwa andake inginyi pyambwakaro, leya.

Jenesese 31:5

Epeyambinyi dokopa lamaiyuo lao, Namba kandapu dokopa nakambana rakane dokome nambapa wamba mona reto au pyuo piyamuli pyuo pyaka napya. Dopa pipyamopape nambana rakanena Anatu dokome nambapa role pyao karapya, leya.

Jenesese 49:24

Pyalana peyaminyipape yanda ipyuo pyalana saka nayami. Rakane Jekopena Anatu Porai Wakasa dokome nyisiyasa piya. Isaraelena Rapu Pingi Kanana Porai dokome baa nyisiyasa piya.

2 Samyuele 22:19

Namba randa nyuo kareyono dokopa nakamame namba minyarapala nyiyami. Dopa piyaminyipape Kamongo dokome namba alya isa ingyuo kyawa lete nyiya.

Samu 145:14

Baame randa nyerami dupwa nyiso dee isa parami dupwa nyuo minyalyuo pira.

Samu 27:1

Kamongo doko nambana pyuo nyingi kendalinya mendeke karamo dokona kupwa sipyamo karonde daa. Kamongo doko nambana matarena konambe mendeke ingyaro karapyamo karoŋo wambu pakaro doko angi api karase?

Samu 33:12

Yuu liti andake mende Anatu Kamongo ingyuo pelyamo lao suu pilyaminyi dupwa rae maiyuo parami. Wambu baa rangena lao rombo palyuo nyiya ingilyamo dupwa rae maiyuo parami.

Samu 37:17

Kamongome koo pingi dupwana porai renge doko pyao bembai lanyi nembapala yulu keyange pingi dupwa yapo kame pyuo minyakamira.

Samu 37:24

Isa penge ramo dokopa Kamongome nyisilyasa isa puu pao paa nange.

Samu 46:11

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 46:7

Kamongo Porai Wakasa doko namwa pipya role pyao karapyamo pilyamo. Jekopena Anatu doko namwana yalu pingi panda ingyuo karamo.

Samu 63:8

Nambame emba poraiyuo minyaro soo pelyo. Dokona namba kyawa minyuo karene kande.

Samu 65:5

Embame namwana ateŋa lenge dupwa yano pyakao namwa keta yulu keyange pyuo kyawa lete nyuo karenge. Wambu yuumuu dupwana palaminyi dupwamepe dee ipwa kota yalo yuu nanesa range dupwamepe emba mupwa kapa pira lao suu pyao karaminyi.

Ekesetase 14:13

Leyamisa Moseseme isingi lamaiyuo, Paka napala Kamongome apa pyuo nakama epapu kyawa lete nyilyape lao mee karalapa. Nakamame Isipi range dupwa dee kandaraminde daa.

Ekesetase 20:20

Leyaminyi dokopa Moseseme wambu dupwa isingi lamaiyuo, Paka nalapape. Nakama yuu peparae Anatu baa mupwa lao suu pyao pakame kumuo karapala yulu koo dokona pii narami lao baame nakama makande pilyamo, leya.

Aisaya 35:4

Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

Aisaya 43:5

Namba nakama role karoŋo dokona paka nao karalapape. Nambame neta pyakaenge dorena pisowape dee neta yalyingi dorena pisowape nakamana wambu dupwa range nyuo anda lanyoko eparo.

Aisaya 44:2

Namba Kamongo dokome nakama wasiyu. Nakama ene nyaŋa manjo nyiyami dokona piso nambame nyiso epeyo. Nakama paka nalapape. Nakama nambana kendemande wambu. Namba rangena rombo palyiyu dokona nambame mona retelyo.

Aisaya 49:8

Kamongo dokome banya wambu dupwa lamaiyuo, Yuu gii angi nakama lete wai pyao nyero doko pyaka seramo dokopa nambame nakama anjiki pyuo nyisa lao ee lao karaminyi dokona isingi yano pyakaro. Nambame nakama rapu pyuo karo konambe ingyaro kararonopa nakama keta wambu dupwa peparae kana minyuo lalu lao laro. Nambame nakamana yuu dakepa mee apa soo peelyamo dokona range piso palyuo pipwa, laro.

Aisaya 50:9

Nambana Kamongo Mupwa Andake Wakasa dokome namba kyawa minyuo karenge. Namba koo piiŋi lao lao pakana palyara doko apisi? Nambapa yanda pyuo laraminyi dupwa dusa kata serandena pana narami ingilyamo. Nakama komau pinjingi nakepasi dee kando nyii narami dopale ingilyamo.

Aisaya 52:7

Waili pii minyuo papingi mende yuu kyau dorena piso waili pii keyange mona kyuu lao seramo doko lao epelyamo doko wambu raeme kumuo serami. Baame epo anamasi minyarami lao yuu Sayone wambu dupwa kando lao, Nakamana Anatu doko kiŋi ingyuo karamo, letamo.

Aisaya 60:19

Dopa piramopape kukwa korakamape nakamana neta dee kanape renge panda dokona namba Kamongo doko nakamana yanga paupau lenge kulisa ingyuo rao karalu kararo. Nambana neta renge dokona yanga paupau lenge doko nakama keta ranyi peyara.

Daniele 6:16

Dokopa kiŋi dokome akali dupwa kando lamaiyuo, Daniele baa mena laene palenge yuwale dokona minyuo pao pyambwala pena leya. Lapala baame Daniele kando lao, Embena Anatu, embame yulu rape rape lao pyakamingi dokome emba kyawa lete nyinya leya.

Osia 1:9

Dokopa Kamongo dokome lao, Wane banya kingi doko Nambana Wambu Daa lare, leya. Doko nakama Isaraele wambu dupwa nambana wambu daa dee namba nakamana Anatu daako, leya.

Luku 1:13

Piyamopape aŋala dokome baa dopa lamaiya. Sakaraya, emba paka kae. Emba ateŋa lao karene doko Anatumi soo karamo. Embena etene Ilisapeta baame wane mende manjakara. Banya kingi Jone lare.

Luku 1:30

Dokopa aŋala dokome baa dopa lamaiya. Maria, emba paka kae. Anatumi emba rae maiyuo karamo.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

2 Korina 12:9

Dokopa Yesu baame dopa pyuo yano pyao langyuo, Nambana mona keyange palyuo ipingi renge dokome iki emba kapa pyakara. Emba koo ingyuo papala pinya saka nange dokopa nambame porainya renge dokome emba minyalyingi, leya. Koraisana porainya renge namba keta palira lao namba yakara pipyamopa rae maiyuo pyakalyuo pyao karo.

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.

Jasi 6:16

Leyamo dokopa Kamongo dokome isingi lamaiyuo, Nambame emba nyisaroŋo dokopa embame kapa piri. Embame akali mendaki pyao injinyi nembenge doko suu pyao Mitiane wambu dupwa pyao injinyi nembare, leya.