Aisaya 41:1 - Anatunya Buku Baepole Ole Testamene Pii Lapo dee Nuu Tesamene

¹ Anatumi lao dopa leya. Nakama yuu nanesa palaminyi dupwa nambana pii soo elya kalo karalapape. Kote pii dupwana lalapale rapa rapa pyuo karalapape. Nakamana pii laraminyi yuu gii doko sera ingilyamo dokona api doko angi rolae larape lao lao semanale.

Aisaya 41:1 ပူးပေါင်းရင်းမြစ်များ

Jopo 38:3

Angi akali karenge doko suu pyao roya karapala nambame piso singi pii pisaro dokopa isingi yano pyape.

Samu 46:10

Yanda pilyaminyi dupwa kaepala namba doko Anatu ingyuo karapunu pilyamoŋo doko soo nyelapape. Yuu liti dupwanape dee yuu muu ree lao dupwanape mupwa ingyuo karoŋo letamo.

Aisaya 1:18

Kamongome dopa letamo. Dakepa kwaelyamo dupwana rolo lamanale. Nakama koo dokome ranga yuku napyasa koo pilyaminyi dopa pilyaminyiko doŋo dopa piraminyipape nambame nakamana koo dupwa wate pyuo kewa lanyi nembakaronopa maa bilima kapa ingyuo kewa lao rao karenale. Nakamana koo dupwa kamame pingi pyao silyamo doko kaepala kwuala pao kewa lenale.

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

Aisaya 41:5

Yuu nanesa palenge wambu dupwame nambana yulu piyunu doko kando kaeyami. Kando pakapala nakama walu walu lao pakame kumulyaminyi. Dokona lao nakama nyuo malu palyapala imi.

Aisaya 43:26

Nakamana pii larami dupwa minyuo epo dokopa kotena minyuo pao lamanale. Embena pii angi palamo doko lamairinyi dokopa emba rolae doko panenale.

Aisaya 43:9

Yuu muu peparaena rara dupwa api mende porailyamo doko makande pyuo kandala epena lare. Dopa pirinyi dokopa nakamana mee bange anatu dupwana api mendeme rengya piramo dupwana larase? Dee nakama dupwa anjuku mendeme dakepa pyaka silyamo dupwa dopa piraŋa lao leyase? Mee bange anatu dapwame nakama kinyi angi rolae leyamiŋi lao lakarami usinisi dupwa lanyuo epena.

Aisaya 49:1

Wambu yuu muu ree lao nanesa palyuo pelyaminyi dupwame nambana pii dake selapape. Doko yuu wamba namba manjipa nayaminyi dokopa Kamongo dokome namba banya kendemande ingyuo karareŋe lao rombo palyiya.

Aisaya 50:8

Anatu dae repeta karamo dokome namba keta koo mende pali nalyamo lao pano lara. Mendeme namba kando koo piiŋi lao kote larase? Dopa laramo wambu dokopa kote lambanale. Banya pii angi palamo doko minyuo epena.

Apakuku 2:20

Kamongo baa banya misi anda poo pyasi dokona karenge. Dokona isa wambu peparaeme banya lenge kambu dokona koo pyuku pyuku paramo karena.