Aisaya 40:2 - Anatunya Buku Baepole Ole Testamene Pii Lapo dee Nuu Tesamene

² Jerusaleme wambu dupwa nyiso mona porainyi pyambuo karape. Nakama lamaiyuo, Randa doko yuu andarele kapa napelyaminyi. Epapu nakamana koo dupwa kame sisi silyamo, lao lamaipi. Doko nambame nakamana yulu koo dupwana manda manjo randa doko maiyuo kaepu.

Aisaya 40:2 ပူးပေါင်းရင်းမြစ်များ

Jenesese 34:3

Dopa pipala baamewanake kando mona reteyamo dokome yako lao pii anjiki pyuo lamaiyuo mona minyarambwaya.

Samu 32:1

Mendena koo dupwa nyuo yambe pyao kame sakao kaeyasi seramodokona raeme kumuo pena. Akali mendena koo dupwana Kamongo Anatumi nyuo yaka lao reta nao kame sakamira doko raeme kumuo karara.

Ekelesiyastisi 3:4

Anjokorape mona rando karope dee rae maiyuo karope dee kumanda ee lao pisope dee rae maiyuo malya pyao kararami dusipape baame rombo palyingi.

Aisaya 33:24

Dee namwana yuu dokona palirami dupwa peparae anga pilyamo lao mumu laa narami ingyara. Dee koo peparae nyuo kame sisi sera.

Aisaya 35:4

Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

Aisaya 43:25

Dopa pyuo kareyaminyipape namba Anatu dokome nakamana koo renge dupwa nyuo kame sakao karo. Doo pilyu doko nambaŋa lao sepala dopa piru, leya. Nakamana koo dupwana suu pingi nyepala minyuo karo nakama pipya yanda pimwaiyuo yango palya naro.

Aisaya 44:22

Nambame nakamana koo dupwa kopa apupi pyao nembele lao kwuanyi nembakayoŋo. Nambame nakama lete wai pyao nyilyuŋu. Namba range karo dakena ipupwape.

Aisaya 49:25

Kamongo dokome isingi lao, Doo leto doko nambame pirowaleŋe. Yanda singinya karapusi wambu palyarami dupwa nyuo lanyuo pao dee yanda singimi yanda pimwainya pinji bange nyuo soo parami. Dupwa nyuo nembo pipala mendeme nakama pyalana piramo doko nambame yanda pimwaiyuo pyalana pyuo nakamana wane wanakepe dupwa kiiramo nyakaro.

Aisaya 53:5

Dopa pyuo peyamopape namwana koo pingi dupwana lao baa randa maiyuo pyaroko piyami. Baa yanenge poro lao randa nyiyamo dokome namwa pyuo lete nyiya.

Aisaya 53:6

Doko namwa peparae mena sipisipi pana nange dopale ingyuo kareyama. Karapala namwa rangena suu piyamano kata dupwana iki pao kareyama. Dopa piyamopape namwa peparaeme koo piyamano randa nyerama ingiya doko Kamongo dokome baa keta kulimbuo palena lao maiya.

Aisaya 54:15

Mendeme emba nyuo kuinya palyuo pyalana piramo doko Nambame suu pyaa naro dokona rangeme suu pilyu ote lao pira. Mendeme baa emba yanda pimwaiyuo kararamo doko isa para ingilyamo.

Aisaya 54:17

Dopa pyuo piyunu kaku dokona mendeme emba keta yalya nara lyakande. Emba koo keta palyuo larami dupwa lao rolakamyuo karare. Nambana kendemande dupwa arapunya palyuo reto kararonopa nakamana yanda pimwai anamasi minyuo kararami, pii doko Kamongome letamo.

Aisaya 55:7

Wambu koo pilyaminyi dupwame nakamana yulu koo dupwa yaki nyuo kaena. Pipala nakamana suu pingi koo dupwa alowa pinya. Nakama namwana Kamongo Anatu sakame kumuo waiyuo lao nyuo kame sakamingi doko keta kapu kyuo pena.

Aisaya 6:7

Epapala isa lengya rao siya dokome nambana kambu dokona warendapala lao dakepa embena koo dupwa pupyamopa nyuo kame sakao kaeyasi silyamo, leya.

Aisaya 61:7

Nakamana elya nyuo karenge doko mee otara. Nakamana yuu muru range dokona paliraminyipa mena bangepe dupwa mee lama opetaeli konda pyuo seramo kararami. Dopa piraminyipa nakamana rae maingi renge doko soo puu para.

Daniele 9:12

Namwa iso karenge akali dupwape dee namwape keta mende piru leene doko mee pii. Dokona lao yuu taone isa yuu dakena silyaminyi dupwa pyao kokwa soo nembenepape embame Jerusaleme kamame wakasako ingyuo randa maiyuo pyao kokwa sinyi nembee.

Daniele 9:2

Ee kana mupwa dokona akali baa kiŋi ingyuo kareyamo dokopa namba Danieleme buku poo pyasi dokona mana nyuo kareyo. Doko ee kana akalisa yanda ipingi dusipana yuu Jerusaleme doko kwaeyo momo nao paraŋa lao poropeta Jeremaya lamaiyamuli pyuo mana nyiyu.

Osia 2:14

Dokona lao nambame enda baa lanyuo yuu muiyane nenge see nange dokona dee papala mona retenge piindeme range lao laku nyero.

Osia 2:16

Epapala enda baame namba kando kingi Bealo lao karalu kara nara. Dee kamba namba banya akalingi, lara.

Apakuku 2:3

Pii langiru doko aopa pyaka see nara ingilyamo dokona lao pepa pyao retare. Angi yulu pira lao lasaka pirunu doko waiya lao pira. Piramo doko mona palyuwale epelyamo lao masere. Maserenepape kaeya napala isaro karare. Nambame yuu gii retelyo dokona pira. Yuu gii retelyo dokona ama papu pii nara.

Sekaraya 9:12

Nakama karapusi palyuo kareyaminyi dupwa epapu keyange mende epara lao silyaminyi dokona kapu kyuo anda ipupwape. Nakama yuu kapa manda rao kararaminyi dokona kapu kyuo ipupwape. Kama yasuko naminyi dokona lao nambame nakama elyape keta pyambuo yano pyao dee konda pyuo nyiso piru lao langilyu.

APOSELENA YULU 1:7

Dopa leyaminyi dokopa baame nakama dopa lamaiya. Yulu andake dupwa anjokorape pira lao Rakane baa renge palyuo leyamo dokona yuu gii doko nakama kapa see narami.

Galasia 4:4

Dopa piyamanopape yuu gii angi rolae epeya dokopa Anatumi banya Ikinyingi doko epena leya. Baa isa wane ingyuo Juu wambunya Lowa doko moko minyuo pyuo kareya.

Orepalaisane 18:6

Baa wambu malu kwaenyi nembeyamo dokona makande minyuo baa ama kamba soo kaeyo kwaoko penale. Baame waene porai dupwa kapona keyano pilya kande dokona nakamame porai doko minyuo komondo kata palyapala baa kaumi kumuo nena lao mairaminyi nara leya.