Aisaya 32:7 - Anatunya Buku Baepole Ole Testamene Pii Lapo dee Nuu Tesamene

⁷ Wambu mona pali nange kopyali dokome yulu kopetame dupwako pingi. Baame wambu pendewa dupwa kando kyambo panga soo pii lapo lamaipala koo ingyuo kokwa sinyi nembalana lao pyuo dee bange angi rolae nyeramili dupwa nyii nana lao kata rokwamingi.

Aisaya 32:7 ပူးပေါင်းရင်းမြစ်များ

Aisaya 1:23

Nakamanana lita akali dupwa mendale isa palyili palyili lao waa nyingi dupwana puu kulisa ingilyaminyi. Nakama karena lakaro bange sinya lao diriki pyuo nyuo lao karaminyi. Dopako pyuo dee muiyane wambu enda waiyape dupwana moŋo ipyamo minyuo kotena iminyi dupwa mondo lao lakami nalyaminyi.

Aisaya 11:4

Baame pendewa dupwa angi rolae dokonako palyuo lao rolara. Baame range kapa nyiso laa naramili dupwana rolae pingi renge dupwa kame see nao paka pyao sakamyuo lara. Banya laramo dokona palyuo wambu dupwa moŋo maiyuo koo pingi dupwa kumuo pirami.

Aisaya 55:7

Wambu koo pilyaminyi dupwame nakamana yulu koo dupwa yaki nyuo kaena. Pipala nakamana suu pingi koo dupwa alowa pinya. Nakama namwana Kamongo Anatu sakame kumuo waiyuo lao nyuo kame sakamingi doko keta kapu kyuo pena.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Maeka 2:1

Wambu luu palenge rate dokona piso yulu koo dopa pirama lao lao palyuo piso pilyaminyi dupwa nakama ingi rando pakarami. Yuu yangaramo dokopa nakama mende pirama lao lao palyaminyi dokona pilyaminyi.

Maeka 2:11

Akali mende dupwana papyuo poropeta karo angi mende pira ingyapyamo kando lete lao kyambo malu lao nakama keta waene biyape mee soo kakana para lapyamo poropeta doko kando wambu dupwame rae mailyaminyi.

Matyu 26:4

Pipala, Yesu apa pipala yalu pyuo puu maipala pyarama, lao wato leyami.