Aisaya 31:3 - Anatunya Buku Baepole Ole Testamene Pii Lapo dee Nuu Tesamene

³ Isipi wambu dupwa nakama anatunde daa. Nakama mee wambu dokoreko. Nakamana mena ose dupwa imambu palengende daa. Anatumi lenge angimi kandaramo dokopa wambu rara porai dupwa kalyuo sinjimu ingyuo nakamame wambu rara porai daa nyisiyami dupwa opetae isa palyara. Dopa pipala dolapo laparae pyao kokwa sinyi nembara.

Aisaya 31:3 ပူးပေါင်းရင်းမြစ်များ

Samu 118:8

Kamongo keta mona pyamalyaro kararamo doko suu pyao wambu keta mona pyamalyaro kararamo doko kapa ingya nara.

Samu 33:17

Yanda pela penge mena ose dupwa wua rombasi ingyuo paramosa kapa pyuo wini laa narami. Nakamana porai renge dokome angi mende pii nara.

Aisaya 30:16

Nakamame namba keta pyamalyeramili doko kaepala nakamana mena ose kata makandenge dupwa nyepala piso pao nakamana yanda pimwai dupwa wanjinyi nembarama lao suu pyao rapa rapa pilyaminyi. Doko nakama wanjinyi nembaramaŋa lao suu pilyaminyi doko rolaeko doŋo nakamana mena ose dupwa kapa puu lao makandenge lao suu pilyaminyi. Dopa pyuo suu pyaminyipape wambu lapome nakama minyaro nyuo pyala eparaminyi dupwa kamame puu wakasa lao makandarami.

Aisaya 30:5

wambu dupwame nakama angi nyisa narami dupwa keta mona maiminyi dokome Juu wambu dupwa mona rando kando kararami. Juu wambu dupwame rara mendeme nakama nyisakamili lao suu pyaraminyi dupwame nyisalana yakara pira.

Aisaya 30:7

Isipi wambu dupwame nyisaminyi doko kapa ingya napya. Dokona Isipi baa kingi wakale lapu doko Kau Pambeya Angi Dokome Wambu Pyalana Saka Nange dopaleŋe lapu.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Emosa 2:15

Yanda pingi akali dupwa nakamana panda isa para. Akali makando penge dupwa makando panya saka narami. Mena osena piso penge dupwa kata mende serandena papa narami.

Matyu 15:14

Nakama lao karenale kaeyalapa. Nakamame lenge koo ingyuo karo akali lenge koo yango lapo lanyuo pelyaminyi. Lenge koo mendeme lenge koo yango lanyuo para ramo doko laparae suu mendena rukyala pao palirambi leya.