Aisaya 30:9 - Anatunya Buku Baepole Ole Testamene Pii Lapo dee Nuu Tesamene

⁹ Nakamame yuu peparae Anatu kyambo lao banya mana pii dupwana mondo lao see nao kamba lao mata maiyuo karenge.

Aisaya 30:9 ပူးပေါင်းရင်းမြစ်များ

Aisaya 1:10

Jerusaleme akali kanjili komiti lowa minyingi dee nakamana wambupi dupwa yuu Sotoma Gomora wambu peteyaminyi dopaleko ingyuo pelyaminyi. Dupwa Kamongome nakama kando apa langilyamo lao selapa. Banya mana letamo dokona doko mende lalyamo lao wangu lakapala selapape.

Aisaya 1:2

Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Aisaya 1:4

Nakama mena kuiyalana pilyaminyi anda epenge dopale ingyuo karaminyi. Nakama yuu dakena wambu dupwa mona pali napyamo koona para pyasi wambu ingyuo pelyaminyi. Embena Isaraele wambunya Kamongo Poo Pyasi Anatu doko embame mata maiyuo kaelene. Koo pilini dokome emba nyuo isa pyakalopyamolamo lao silyu.

Aisaya 28:15

Nakamame kumungi renge dokopa wato lao kana minyamaŋa kuma narami lao rangena kingi dokona lakanda minya minya pyuo lao karaminyi. Nakama kyambo doko kinyi inginyi pyambuo lao nakama mee kyawa minyuo lete karamwali aiya lao lao karamisa pilyamo. Dokona randa eparamo dokopa kapa wanja narama ingilyamo, letaminyi.

Aisaya 30:1

Kamongome dopa letamo. Akali lapo yuu Juta iso karaminyi dupwa nambamoo kamba lao mata joo karaminyi dokona nakama kokwa soo nembaro ingilyamo. Nambame kata lapo waso reta nayono dupwana nakamame papala rara wakale dupwa pipya pii palyuo lao nambamoo leyono dupwana isa palyiyami. Yulu koo wambo piyaminyi dupwana kamba ketae pukwai pyuo pyuoko pelyaminyi.

Aisaya 63:8

Kamongo dokome lao, Nakama nambana wambuŋu. Namba minyako pii narami, leya. Dopa lapala baame nakamana randa dupwana kyawa lete nyiya.

Aisaya 65:2

Nambame nambana wambu mona kana pokapala rangena suu pilyu ote lao rangena kata wapuo pelyaminyi dupwa yuu peparae nyisarowale lao rapa rapa piru karenge.

Jeremaya 7:13

Nakamame yulu koo peparae nambame kingi lalono kandape dusipa pingi. Dopa piminyisa nambame nakama kamba kamba langyuo kareyonopape kamba lenge. Lapala nambame kee leyono dokona isingi yano pyaa nange.

Jeremaya 7:28

Embame nakama lamaiyuo, Nakamana rara dupwame nakamana Kamongo Anatu doko namba kando warombo see nao dee nakamana randa epeyamo dupwana mana nyuo kando soo gisa nangeko lare. Anatu kando mondo lao suu pingi doko kumuo pelyamo. Nakamame renge doko dee arome pyao see narami ingilyamo, lare leya.

Osia 4:2

Dopa pipala wambu dupwame pii lalu lao lenge doko lapala dee yalelyaminyi. Nakama pii kyambo lao wambu yango pyao kumakao waa nyuo enda kepo pyuo pyuo karaminyi. Nakamana yulu koo dupwa ando pelyamo dee nakama wambu pyasu makao pyao kumakalyaminyi.

APOSELENA YULU 7:51

Sitipename lao, Dopa lao palipyamopa nakama wambu mata enokwaro piso monarena simbi simbi pyuo kalena palyuo see narama lao Imambu Poo Pyasi dokopa sisi nyuo karaminyi leya. Nakamana rora ambusipi pyuo kareyaminyili pyuo karaminyi.

Dutaronome 32:20

Anatumi lao dokopa, Wambu mona kana poko namba yaki nyuo kaelyaminyi dupwa nambame nakama kamame nyisa naro. Dopa piru dokopa nakama apa pyuo kararamipi lao lenge makande pyuo kando kararole.

Orepalaisane 21:8

Dopa piramopape pakapala iki iki lao parami dupwape panga soo lenge dupwape yulu koona wangu lakapala pingipi wambu yango pyao kumakaengepe kepo pyuo pamuku yulu pingipi wambu yango mauli minyuo pingipi Anatu kaepala mee bange dupwana mona andengepe pii kyarepa pyuo kyambo pii lengepe dupwa nakamana yuu doko yuu kyuwande isare rao lulya kaso karenge dokona parami. Dokona papala dee kambako lapo pyuo kumarami leya.

Orepalaisane 22:15

Kame netarename karaminyi dupwa pasendiya yulu pingipi mauli pee minyingipi wambu kepo pingipi wambu yango pingipi kyambo lalana wangu lakangepe mata kando pii lenge dupwa rae maingipi Anatu kaepala mee wakale dupwa mona nyingi dupwana pyuo karaminyi.