Aisaya 2:3 - Anatunya Buku Baepole Ole Testamene Pii Lapo dee Nuu Tesamene

³ Yuu dupwana wambu dupwame lao dokopa Isaraele wambunya Kamongo Anatunya yuu kyau tembole anda dokona monako lao parami ingyara. Namwa baame apa pimili lao suu pilyamo dokona mana nyuo baame kata parama doko wapwakao otapya dokona pao pimanale. Kamongona mana pii doko yuu Jerusaleme dokona piso epara yuu Sayone dokona piso banya wambu dupwa lamailyamo.

Aisaya 2:3 ပူးပေါင်းရင်းမြစ်များ

Samu 110:2

Yuu Sayone dokona piso Kamongome embena kiŋinya yulu doko nyuo andakyanyi pyambwakaro. Dopa pipala embena yanda pimwai dupwa iso karalase lao piru, letamo.

Samu 122:1

Nakamame namba langyuo, Kamongona anda dokona mwua leyaminyi dokopa namba rae maiyu.

Aisaya 1:26

Nambame nakama akali kyawa wamba kareyami dopale lapope mende pinya dokopa banya pii sepala piyami dopale lapope wakale jero. Dopa pirunu dokopa Jerusaleme taone doko taone keyange yulu mondo lao piminyi rolae silyamo lao larami ingyara.

Aisaya 28:9

Nambapa kando suku lao dopa letaminyi. Baame akali api mana letoŋo lao letase? letaminyi. Apimi banya pii doko yano pipyamo karase? Wane ene anju pyakasi dupwa serami ingilyamo.

Aisaya 44:5

Dokopa mendaki mendaki lao wambu dupwame lao, Namba Kamongona wambu karo lao epo Isaraele wambu pipya konda konda pirami. Dopa pipala wambu mendaki mendaki lao nakamana kingi sukuli dokona Kamongona kingi pyanyi palyarami. Palyapala baa range Anatunya wambu dokona mende karo, larami.

Aisaya 60:3

Dokopa wambu rara wakale dupwa nakamana yanga paupau lenge dokona eparami. Dee kiŋi dupwa nakamana yuu gii enenge yangaramo dokona eparami.

Jeremaya 26:18

Akali Esakaya baa Juta wambunya kiŋi ingyuo kareyamo dokopa poropeta akali Maeka yuu Moresete range dokome Kamongo Porai Wakasa dokome leyamo pii dupwa wambu peparae lamaiya. Yuu Sayone doko kwai mapu lapo pyasi sili lao yuu Jerusaleme doko ama pyao kokwa sinyi nembo dee tembole anda karenge dokona imwa palyuo pira.

Jeremaya 31:6

Waa. Yuu kyau Eporaime dokona karo isingi akali dupwame lao lao, Yuu kyau Sayone namwana Kamongo Anatu petamo dokona monale kee larami yuu gii doko epelyamo.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Osia 6:3

Dokopa Kamongo baa soo nyimwali lao suu pyao karamana. Dokona lao baa yuu rombe lao apunda epenge yuu gii dokopa epapala kaenge dee yuu yangenge gii dokopa yangapala kaenge doko suu pyao baa epapala kaeyara doko silyamano.

Maeka 4:2

Dokopa nakamana wambu dupwame lao, Kamongona yuu kyau ketae dokona mwua. Isaraele wambunya Anatu banya tembole anda dokona mwua. Namwa baame yulu pimili lao suu pilyamo dupwa mana langira. Baame namwa kata parami lao rombo palyakayamo dupwana parama. Kamongona mana pii dupwa yuu Jerusaleme piso epelyamo. Yuu Sayone piso banya wambu dupwa pii lamailyamo.

Matyu 7:24

Wambu nambana pii dusipa warombo serami dupwa peparae akali mona palenge banya anda kana dokona ketae piya dopale ingyarami.

Luku 11:28

Leyamopape baa dopa lamaiya. Pii letene doko rolae daa. Wambu Anatunya pii warombo soo pisipala pyuo karaminyi dupwa keta renge keyange palamo leya.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

Jone 7:17

Akali mende baa laramuli pyuo pyuo karapuli lao suu pyara ramo doko mana pii doko Anatunya panda nambame iki sisu lao letepe lao soo gisara.

APOSELENA YULU 1:8

Kapa see naraminyipape Imambu Poo Pyasi nakama keta epo maralyiya kande dokopa porainya renge nyerami. Nyepala nambana yulu dokona lao yuu Jerusaleme dokonape Jutia peparae dupwanape Samaria dupwanape isa yuu pinjingi dupwanape lamaiyakao kapa kapa pirami leya.

APOSELENA YULU 10:33

Leyamo dokona aopa emba nyela pena leyonopa emba anjiki pipala ipilyamo. Epapu namwa Anatunya lenge kambu dakena Kamongome pii lalale lao langipyamo dupwa larene semana lao petamano leya.

Orome 10:18

Dopa pyuo pupyamopape nakama piso serowale. Juu wambu waili pii see nayami doko kinyisi? Doko ama kinyi siyami. Pii pyasi dokona lao dokopa, Pii minyuo papingi akalinya pii lasi doko yuu mure lao pao kapa pyuo nakamana pii doko yake yuupa rambungi dolapona peya letamo.

Dutaronome 33:19

Nakamame wambu yuu muu wakale range dupwa nakamana yuu kyau dokona epena lapala bange Kamongome letamuli pyuo pyao kiso maiyuo ipwa kota dokonape kee kama dupwanape bange seramo nyuo kamongarami, leya.

Dutaronome 6:1

Nakamana Kamongo Anatu dokome mawa pii dapwa peparae nambame nakama mana lamaipi lao namba langiya. Nakama palyuo kararami yuu pyaka soo panya pilyaminyi dokona karo warombo soo karalapape.

Jemesa 1:25

Akali mendeme lowa keyange yapasi wambu kiiramo nyingi dokona poraiyuo sepala karo mee kalena ketae angi sepa nae naepe, waiya lao kame soo kara nangende ramo doko Anatumi nyisaramopa raeme kumuo para.