Aisaya 11:9 - Anatunya Buku Baepole Ole Testamene Pii Lapo dee Nuu Tesamene

⁹ Yuu Sayone Anatunya yuu kyau poo pyasi dokona randape Satane yulupi sepa nara ingyara. Ipwa kota soo simbuo eparamo dokonako palyuo yuu dokona Anatunya soo nyinginya renge dokome soo simbuo rangu para.

Aisaya 11:9 ပူးပေါင်းရင်းမြစ်များ

Jopo 5:23

Yulu pirinyi panda dupwana yuu kapa doko iki seramopa mena rae lenge dupwame emba mona jeraminyi karare.

Samu 72:19

Banya kingi neta renge ingyuo karamo doko lakando karalu kararaminyipa banya neta renge yulu dokome yuu pinjingi dolapona kapa kapa pinyale.

Aisaya 11:8

Dopako pyuo wane wanakepe kau kyalende sera mare dokona nyuo male laraminyipape nao kumaka nara ingyara.

Aisaya 2:4

Baame yuu muu andake dupwana apiyanda pyuo lao kararami dupwa kooso karena lao rolara. Nakamana wua gela dupwa yanda kaepala yuu apu renge ane isa ingyuo wasarami. Nakamana kaku dupwame kope pyakepenge wua ingyuo wasarami. Yuu muu andake dupwa dee yanda pela pelyamano lao paminyili pyuo paa nao dee yanda pingya mata wara pyuo karo puminyili pyuo paraminde daa.

Aisaya 32:16

Yuu dupwa peparaena kapa kapa pyuo wambu peparaeme rolae doko anjuku lao pyuo dee kote pii soo rolo pirami.

Aisaya 33:6

Dopa pyuo simbunya lapala wambu peparae porai ingyuo kame piru karena lara. Baame banya wambu dupwa kyawa minyapala mona angi palyuo singinya renge soo nyinginya rengepe maingi. Nakamana bange kulisa andake ingyuo retenge doko Kamongo baa wakasa lao suu pingi doko retenge.

Aisaya 35:9

Mena nalana pingi dee mena laenepe dupwa kata dokona papya naraminyipa Anatumi kiiramo nyisi wambu dupwa iki anda kata dokona parami.

Aisaya 45:6

Wambu peparae yuu muu pinjingi paki piso pao paki suu lao dupwame anatu wakale mende kara nange. Namba iki Kamongo lao soo nyerami lao dopa piru.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Aisaya 52:10

Kamongome banya porai renge poo pyasi dokome banya wambu lete wai pyao nyeramopa yuu muu peparaeme kandarami ingilyamo.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Aisaya 65:25

Yana suwa kararope sipisipi yakane dupwape nenge mendakinya narami. Mena laene dupwame bulamakao nenge rambi yanda dupwa nengenyili pyuo nao kararami. Kau dupwa wambu nalanako pinginyili pyuo paa napala anjiki pyuo serami. Sayone nambana yuu kyau poo pyasi dokona koo renge dee randa nyingi rengepe mende see nara.

Jeremaya 31:23

Isaraele wambunya Kamongo Anatu Porai Wakasa dokome lao, Nambame wambu dupwa nakamana yuu palenge dokona kamba palyuo karo pinya laro dokopa yuu Juta dokonape dee dokona yuu taone dupwanape nakama dee kamba lao, Kamongo dokome Jerusaleme yuu kyau yapasi panda poo pyasi baa palu karenge doko elyape keta pisinya larami.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Isikiolo 34:25

Mona seramopa koo keta pali nao kararami lao namba nakama pipya lao kana minayro. Mena suwape wambu nalana pingi dupwa yuu dokona pali nana lao pyao ralinyi nembaro dokopa nambana sipisipi dupwa yuu dokonape imwa dupwanape mondo lao palyuo kararami.

Osia 2:18

Yuu gii dokopa mena suwa rae lenge dupwa pipyape dee wii saa yaka dupwa nambamoo pipya lalu lao lapala nambana wambu dupwa randa maiyaka nana laro. Yuu dokona yanda pingi bange wua gela yandape dupwa peparae nyuo nembaro. Nembaronopa nambana wambu dupwa mona seramopa manda rao palena lao piru.

Joele 3:17

Dokopa Isaraele wambu dupwame namba nakamana Kamongo Anatulyamo lao soo nyerami. Yuu kyau yapasi Sayone lenge dokona namba palenge. Dokopa yuu taone Jerusaleme doko poo pyasi ingyuo andake seramopa wambu rara wakale dupwame kamba nyuo isa palya narami.

Apakuku 2:14

Kota pete doko ipwame soo simbwange doko suu pyao Anatunya soo nyinginya renge yanga paupau lenge dokome isa yuu dokona soo simbwara.

1 Tesalonaika 5:15

Mendeme baa kando koo piya kande koo yangome yano pyaa nana lamailapape. Yuu peparae keyange dokome nyuo rolo nakama yango dupwape wambu menge dupwape kondo kondo lao karalapape.

Orepalaisane 21:27

Dopa pyuo eparaminyipape yulu kwao karengepe dee elya nao koo pingipi kyambo lao karengepe dupwa taone dokona epa narami. Sipisipi Ikyanena lete palenge buku dokopa nakamana kingi silyamo dupwa iki taone dokona eparami.