Aisaya 11:6 - Anatunya Buku Baepole Ole Testamene Pii Lapo dee Nuu Tesamene

⁶ Yana suwa kararope dee mena sipisipipi mendakinya mona seramo piso karo pirami. Mena lepete dupwa mena meme ene dupwa pipya mendare palyuo serami ingyara. Bulamakao ikyane mena laene ikyanepe pipa pakao nenge nao kararami. Dokopa wane wanakepeme rapu pyuo kararami.

Aisaya 11:6 ပူးပေါင်းရင်းမြစ်များ

Jopo 5:23

Yulu pirinyi panda dupwana yuu kapa doko iki seramopa mena rae lenge dupwame emba mona jeraminyi karare.

Aisaya 2:4

Baame yuu muu andake dupwana apiyanda pyuo lao kararami dupwa kooso karena lao rolara. Nakamana wua gela dupwa yanda kaepala yuu apu renge ane isa ingyuo wasarami. Nakamana kaku dupwame kope pyakepenge wua ingyuo wasarami. Yuu muu andake dupwa dee yanda pela pelyamano lao paminyili pyuo paa nao dee yanda pingya mata wara pyuo karo puminyili pyuo paraminde daa.

Aisaya 65:25

Yana suwa kararope sipisipi yakane dupwape nenge mendakinya narami. Mena laene dupwame bulamakao nenge rambi yanda dupwa nengenyili pyuo nao kararami. Kau dupwa wambu nalanako pinginyili pyuo paa napala anjiki pyuo serami. Sayone nambana yuu kyau poo pyasi dokona koo renge dee randa nyingi rengepe mende see nara.

Isikiolo 34:25

Mona seramopa koo keta pali nao kararami lao namba nakama pipya lao kana minayro. Mena suwape wambu nalana pingi dupwa yuu dokona pali nana lao pyao ralinyi nembaro dokopa nambana sipisipi dupwa yuu dokonape imwa dupwanape mondo lao palyuo kararami.

Osia 2:18

Yuu gii dokopa mena suwa rae lenge dupwa pipyape dee wii saa yaka dupwa nambamoo pipya lalu lao lapala nambana wambu dupwa randa maiyaka nana laro. Yuu dokona yanda pingi bange wua gela yandape dupwa peparae nyuo nembaro. Nembaronopa nambana wambu dupwa mona seramopa manda rao palena lao piru.

Orome 14:17

Pii doko Anatunya isingi yulu doko nenge nao ipwa nao pirami dopale daa. Isingi yulu doko rolae pingi yulupi mona kyuu lao singipi rae maingi rengepe dusipa Imambu Poo Pyasimi jingi.