Aisaya 11:3 - Anatunya Buku Baepole Ole Testamene Pii Lapo dee Nuu Tesamene

³ banya yulu dupwa rae maiyuo pira. Baame yanengena ketae kandapalape lasi pii iki soope kote laa nara ingyara.

Aisaya 11:3 ပူးပေါင်းရင်းမြစ်များ

1 Kiŋi 3:28

Isaraele wambu dupwame Solomonena yulu nyuo rolo piyamo doko sepala dopa pyuo kapa ingya nao apyanda pisi seramo dupwa Kamongome rolena lao singinya renge maiyalyamo lao soo nyiyami. Dopa pipala nakama peparae baa ketae pyambuo kareyami.

1 Kiŋi 3:9

Dokona lao keyange koopena wakale wakale doko anjuku lao soo nyuo dee kata rolae dokona soo rolo piru ingilyamo dokona embena mona palenge singinya renge doko namba jepe. Jii nare ramo doko embena wambu malu dapwa nambame apa pyuo reto karo rapu pyakarose? leya.

Aisaya 33:6

Dopa pyuo simbunya lapala wambu peparae porai ingyuo kame piru karena lara. Baame banya wambu dupwa kyawa minyapala mona angi palyuo singinya renge soo nyinginya rengepe maingi. Nakamana bange kulisa andake ingyuo retenge doko Kamongo baa wakasa lao suu pingi doko retenge.

Maeka 4:3

Baame wambu yuu muu ree lao bange arete pyuo akema lao langa lao karaminyi dupwa nyuo kui lao karara. Karapala wambu porai wakasa Isaraele role pyaa nao naneta karaminyi dupwape repeta dupwape kote lao yapalya yapana pira. Dokopa nakamana wua gela dupwa amame pyao rakyuo yuu apu renge ane isa inginyi pyambwapala kaku duwpa rakyapala kope pyakepenge bange waso pirami. Yuu muu wakale wambu dupwa dee kamba yanda pela paa nalu nao napala nakama yanda pela panya rapa rapape pii naramiko.

Luku 2:52

Dokopa Yesu konda konda pyuo soo giso karo pao ando kaeya. Dokopa Anatumoo mee akali opetaeme baa kando ama rae maiyuo kareyami.

Jone 2:25

Baame isa wambunya monarena soo gisingi dokome mendeme isa akali dopa pyuo pingiŋi lao baa lamairami ingya naya.

Jone 7:24

Yanengena ketae yulu doko kando yapalya yapana pyuo suu pyao kara napala renge angi rolae yapo nyuo suu pyao karalapape leya.

Ipuru 5:14

Wambu angimi koo keyangepe pakana palyuo soo karenge dupwa nenge angi porai kapa nenge kandale.

1 Samyuele 16:7

Suu piyamopape Kamongome baa lamaiyuo, Yanengena au pingi dupwana suu pyaa napipi. Mee wambumi yapalya yapana pyuo lenge dopa pyuo nambame lengende daa. Wambu dupwame yongona ketae pingi doko mee kandenge nambame monarena kandenge, leya.