Aisaya 1:4 - Anatunya Buku Baepole Ole Testamene Pii Lapo dee Nuu Tesamene

⁴ Nakama mena kuiyalana pilyaminyi anda epenge dopale ingyuo karaminyi. Nakama yuu dakena wambu dupwa mona pali napyamo koona para pyasi wambu ingyuo pelyaminyi. Embena Isaraele wambunya Kamongo Poo Pyasi Anatu doko embame mata maiyuo kaelene. Koo pilini dokome emba nyuo isa pyakalopyamolamo lao silyu.

Aisaya 1:4 ပူးပေါင်းရင်းမြစ်များ

Jenesese 13:13

Dokopa akali yuu Sotoma range dupwame kopetame pyuo Kamongona yulu dupwa uki palyuo kareyami.

Niyamaya 1:7

Lamaipala dokopa embena kendemande akali Mosese keta mawa pii jiinyi dupwape moko minyuo pyuo kara nalyamano. Dopa pyuo karo embame namwa pelapa langiinyi dupwa kamba lao yulu kopetame pyuo karamano.

Samu 89:18

Kamongo embame namwa kyawa minyara doko rombo palyiipya. Emba doko Isaraele wambunya Anatu Poo Pyasi dokome namwa kiŋi doko jiipya.

Ekesetase 32:7

Dopa piyaminyisa Kamongo dokome Mosese lamaiyuo lao, Embena wambu yuu Isipi yaki nyuo lanyuo epee kande dupwame namba mata joo yulu koo pilyaminyi dokona dakepa aopa waiya lao lupyuo puu, leya.

Aisaya 1:23

Nakamanana lita akali dupwa mendale isa palyili palyili lao waa nyingi dupwana puu kulisa ingilyaminyi. Nakama karena lakaro bange sinya lao diriki pyuo nyuo lao karaminyi. Dopako pyuo dee muiyane wambu enda waiyape dupwana moŋo ipyamo minyuo kotena iminyi dupwa mondo lao lakami nalyaminyi.

Aisaya 1:28

Dopa pyuoko dee mendeme baapa yanda pimwairaminyi dupwa minyuo poo poo lao pyanyi reto banya kingi dokona yaki nyeramo wambu doko pyao kumakao pira ingilyamo.

Aisaya 30:1

Kamongome dopa letamo. Akali lapo yuu Juta iso karaminyi dupwa nambamoo kamba lao mata joo karaminyi dokona nakama kokwa soo nembaro ingilyamo. Nambame kata lapo waso reta nayono dupwana nakamame papala rara wakale dupwa pipya pii palyuo lao nambamoo leyono dupwana isa palyiyami. Yulu koo wambo piyaminyi dupwana kamba ketae pukwai pyuo pyuoko pelyaminyi.

Aisaya 30:15

Kamongo Mupwa Andake Wakasa Isaraele wambunya Anatu poo pyasi dokome wambu dupwa lamaiyuo lao, Nakama kapu kyuo epo kui lao namba keta pyamalyuo karalapa. Dokopa nakama porai ingyuo randa dupwana kapa namba alya minyapala kararami. Dopa pipwa lapunupape nakama dopa pinya kamba letaminyi, letamo.

Aisaya 30:9

Nakamame yuu peparae Anatu kyambo lao banya mana pii dupwana mondo lao see nao kamba lao mata maiyuo karenge.

Aisaya 31:2

Baa akinde pilyu lao doko range singi. Sepala baame randa dupwa peenge. Peyapala wambu koo pingi dupwape dee wambu lapome koo dokona nyisingipi dupwa keta randa mailana lao rapa rapa pingi doko maipala kaenge.

Aisaya 41:14

Kamongo dokome lao, Isaraele wambu dupwa nakama kuki ingyapala porai ingya napyamopape namba nakama nyisaroŋo paka nalapape. Namba Isaraele wambunya Anatu poo pyasi dokome nakama kyawa lete nyuo nyisiyu kande.

Aisaya 41:16

Dopa pipala pyao yake dulunya nembaraminyipa porambaiyeme soo pao kopa apupi dokona raeyara. Dokopa namba nakamana Anatu dokona nakama rae mairami. Nakamame namba Isaraele wambunya Anatu poo pyasi doko lakandarami ingilyamo.

Aisaya 41:20

Wambu dupwame doko kandapala namba Kamongo Anatu dokome piilyamo lao soo nyerami. Isaraele wambunya Anatu poo pyasi dokome dopa pinya lao piyasa piyalyamo lao nakama soo gisarami.

Aisaya 58:2

Nakamame namba yuu peparae kingi wapambupi lakao kingi letaminyi. Lapala lao nakamame nambana yulu dupwa soo wangu lakao nambana mawa pii rape rape lao rolae dokona palyuo pimwali lao letaminyi. Lapala nambame nakama mawa pii rolae dupwa jipiliŋi lao namba rae maiyuo lakandelyamano, letaminyi.

Aisaya 65:3

Nakama elya pali napala namba imbu singi nyakao pyuowako karaminyi. Nakamame semango imambu suu pyapala mena yakape yaonge mare dupwana yao maiyuo karaminyi. Dopa pyuo dokopa loma soo semango yao maingi kana pyare lasi dupwana rendamu pingi dupwa kiso maiyuo karaminyi.

Jeremaya 15:6

Wambu nakamame namba yaki nyuo kaeyo mata jiminyi dokona nambana imbu singi doko kame pyuo minyuo makapu dokome nambana kingi pyasinju lapala nakama pyao kokwa sinyi nembapu.

Jeremaya 2:13

Dokona lao nambana wambu dupwame yulu koo lama ingyuo piyami. Nakamame namba ipwa kamuo nenge guu lao epenge doko mata jiyami. Jepala nakamame ipwa pete sinya lao yuwale kyasiyami. Kyasiyaminyipape yuu kipwa kipwa dupwa yando nao poro lao rali pipala ipwa naku pao karo angi see naya.

Jeremaya 2:17

Nambame nakama Isaraele wambunya kata wapwakao pupunu dokopa nakamame namba nakamana Kamongo Anatu doko kame soo yaki nyiyami dokome randa dake nakama range keta nyilyaminyi.

Jeremaya 2:19

Nakama rangena koo dokome nakama randa jera. Dee nakamame namba mata jiyami dokome koo ingyuo karaminyi lao lasaka pirasa pira. Dopa piramo dokopa nakamana Kamongo Anatu namba doko yaki nyuo kaeyamo doko yulu ama koo wakasa lao soo nyerami. Namba Kamongo Mupwa Andake Wakasa Ama Porai dokome lapunu pilyamo.

Jeremaya 2:31

Isaraele wambu dupwa nambame apa letene lao selapape. Nambame nakama kando yuu muiyane dopale ingyuo dee yuu iminjingipi randa sipurengepe yuu dopale ingyuo karose? Namba dopa pii nange dokona akipamo nakama namba karo dokona kapu kyuo epa naramaŋa lao yulu nakama rae mailyamanuli pyuo pinya letamisi?

Jeremaya 2:33

Isaraele wambu dupwa nakama pamuku endame akali anja karaminyi lao pyarako soo nyingi dopale ingyuo palyaminyi. Nakamame kamame koo wakasa pilyaminyi dokona pamuku enda wakale dupwa nakamana yulu koo pilyaminyi doko kando mana nyilyaminyi.

Jeremaya 2:5

Kamongome letamo. Aki yulu koo lapo embena rora ambasu dupwame namba keta kando nyiyamisi? Aki mendeme nakama namba yaki nyuo peyamisi? Nakamame mee bange angi daale dupwa lakando papala nakama kapa palyuo kara nalyaminyi.

Jeremaya 7:19

Dopa piminyipape namba rolae angi doko randa jilyamisi? Daa nakama range keta randa nyuo dee elya renge nakama rangeme nyilyaminyiko.

Jeremaya 7:26

Nakama kamame mendeme pii wangu lakapala soo pii nayami. Dopa pyuo au pyuo karapenge doko kaepala nakamana rora ambasupi kwaeyaminyi dokope daa. Nakama mona kana pokapala mata joo pelyaminyi.

Daniele 9:11

Isaraele wambu peparaeme embena lowa doko kamba lapala embame lapinyi dokona selena wangu laka nayami. Namwame emba kando koo piyamanosa koo keta palena lenge pii dupwa embena kendemande Mosesena lowa dokona pyasi palamo dupwa embame namwa keta palena leene.

Matyu 11:28

Wambu yulu andake kendame kumuo pyuo karaminyi dupwa namba karo dokona ipupwape. Dokopa nambame nakama mata kyakao nyero.

Matyu 23:33

Nakama kau ikyane ingyuo kaparao karaminyi. Anatumi nakama kando kote lao isare pandana yapalya yapana pinyi nembara doko apa pipala wanjinyi nembaramisi?

Matyu 3:7

Dokopa Parisi akalipi Satyusi akalipi malu bapitisimo nyela epeyaminyisa kandapala Joneme nakama kando dopa lamaiya. Nakama kau ikyane ingyuo mendakinya kaparao karaminyi dupwa kote andake palisara ralo pupwa lao apimi repe repe langipyasa epelyamisi?

Orome 8:7

Suu pingi wambarae dokome akalinya yulu pilana suu pingi dupwa baa Anatunya nyisu petenge ingyuo karara. Wambu dopale Anatunya lowa dokona kamba larami dokome dee minyalana yakara pirami.

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 31:16

Panapala dokopa Kamongo dokome Mosese lamaiyuo lao, Emba repeta kumare ingilyamo. Kumaparene dokopa enakana wambu dupwame namba mona jii napala nambana nakama pipya kana minyuo lalu lao leyamo pii dupwa kamba larami. Nakamame namba kame soo kaepala yuu nyuo palya panya pilyaminyi dokona mee bange anatuŋu lao lakandenge dupwa lakandaramilyamo.

Dutaronome 32:19

Kamongome banya ikinyingi wanengepeme dopa pyuo koo piyaminyi doko kandapala imbu singi nyepala nakama mata maiya.

Dutaronome 32:5

Dopa pyuo karapyamopape nakamame baa yaki nyuo kaelyaminyi dokona banya wambu angingyuo kapa kara narami ingilyamo. Nakamame yulu koo pyuo minyako pyuo karaminyi.

Kolosi 1:24

Namba nakama nyisapusa randa nyilyu dokome rae maiyuo nyilyu. Elyambu Pingi doko Koraisana yongo ingilyamo dokona lao baa randa nyiya. Randa nyiyamo pinjingi koko pyasi doko namba nyilyu.

Orepalaisane 18:5

Banya yulu koo pyuoko peteyamo dupwa kyau pyao ama yuu dulu yake dokona pupyamopa Anatu baame enda baa kame see napala suu pyaro karamo.