Aisaya 1:29 - Anatunya Buku Baepole Ole Testamene Pii Lapo dee Nuu Tesamene

²⁹ Dopa piramo dokopa isako waingi kemali pingi lapo wara pipalape isa renge kemali pingi laponape moname nyinyi nembo kingi lao petenge lamo dupwa yamarangyuo yaki nyuo kaeyarami ingilyamo, leya.

Aisaya 1:29 ပူးပေါင်းရင်းမြစ်များ

Aisaya 31:7

Yuu gii mende epara ingilyamo. Dokopa nakama peparaeme kana golomepe kana kulingimipi yulu koo bange anatuŋu lao kingimi wasiyaminyi dupwa nembarami.

Aisaya 42:17

Wambu lapo mee bange anatu dupwa mona maiyuo dee isa kanapeme anatu yale ingyuo wasapala nakamana anatuŋu letaminyi dupwape peparae isale ingyuo karo elya renge nyerami.

Aisaya 45:16

Wambu isa kanapeme anatuŋu lao wasilyaminyi dupwa mende neta paa nao elya nyerami.

Aisaya 65:3

Nakama elya pali napala namba imbu singi nyakao pyuowako karaminyi. Nakamame semango imambu suu pyapala mena yakape yaonge mare dupwana yao maiyuo karaminyi. Dopa pyuo dokopa loma soo semango yao maingi kana pyare lasi dupwana rendamu pingi dupwa kiso maiyuo karaminyi.

Jeremaya 2:20

Kamongo Mupwa Andake Wakasa dokome lao, Isaraele wambu dupwa nakamame yuu wamba nambana porainya renge doko kilya kandeyami. Nakamame namba kamba lao warombo soo lakanda nayami. Lapala yuu kyau ketae dupwanape dee isa renge isarena dupwana anatu angi daa dupwame namwana ee nengepe menape ree palupi dupwa kapa andanyi pyambungi lao lakandeyami.

Isikiolo 36:31

Dokopa nakamana yulu koo piyaminyi dupwa suu pyao lao karapala akipamo piyama lao elyame kumarami.

Osia 14:3

Asiria wambu dupwame namwa nyisa naraminyipa dee yanda pingi mena ose dupwame kyawa minya naramiko. Namwame namwana isa kanapeme wasisi dupwa nakama namwana anatuŋu lao laa naramako. O Kamongo, embame wambu mendalimi nyisara ingya napyamo karaminyi dupwa sakame kumuo nyiso karenge.

Osia 14:8

Isaraele wambu dupwa nakamana isa kanapeme wasisi dupwana lao mende piraminde daa. Nambame nakamana ateŋa dupwana isingi yano pyakao nakama rapu pyuo piru. Pipala nambame isa yoko kyako ando karalu karenge dopale ingyuo nakama keta sinyinyi peyakaro. Namba nakamana bange elyape dupwana ipwa ingyuo guu lao karakalyo.

Osia 4:13

Papala yuu kyau ketae kemali pingi dupwana mena pyao kiso mailyaminyi dee yuu kyau kuki isa palu isarena pau lenge dupwana manda rao piso rende kyaa pingi dupwa kiso maiyuo petaminyi. Dopa pilyaminyi renge dokona nakamana wanenge dupwa pamuku ingyuo puminyipa nakamana ikinyi dupwana etenge dupwa kepo pyuo pilyaminyi.

Osia 4:19

Nakama mee kalendakuna porakanale lapo mee papyuo karaminyi. Mee bange dupwa anatuŋu lao lakandelyaminyi dokona elya nyerami.

Orome 6:21

Nakama suu pyalapape. Yulu koo dokore dakepa pipala elyange dokona wamba piyami dokopa aki keyange mende epeyase? Kumunginya renge doko epeya.