Aisaya 1:24 - Anatunya Buku Baepole Ole Testamene Pii Lapo dee Nuu Tesamene

²⁴ Dokona lao dakepa Anatu Isaraele wambunya Kamongo Porai Wakasa dokome apa letamo lao selapa. Nambana yanda pimwai dupwa nakamana koo dupwana bekeme pyakaronopa dokona nakamame namba isingi randa dee jeraminde daa lao silyu.

Aisaya 1:24 ပူးပေါင်းရင်းမြစ်များ

Jenesese 49:24

Pyalana peyaminyipape yanda ipyuo pyalana saka nayami. Rakane Jekopena Anatu Porai Wakasa dokome nyisiyasa piya. Isaraelena Rapu Pingi Kanana Porai dokome baa nyisiyasa piya.

Samu 132:2

Baame embapa lao kana minyuo Isaraele wambunya Anatu Porai dokome pii porai leyamo doko suu pyao karape.

Aisaya 35:4

Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Aisaya 60:16

Dokopa endangimi dokome banya wane rapu pinginyili pyuo wambu rara dupwamepe kiŋi dupwamepe nakama rapu pirami. Dokopa namba Kamongo Isaraele wambunya Anatu porai dokome nakama kyawa lete nyuo kiiramo nyiilyamo lao serami.

Aisaya 61:2

Kamongome banya wambu lete wai pyao nyuo nakamana yanda pimwai dupwa anamasi minyara ee kana pyaka seramo yuu gii doko boo pyala pupi lapyasa epelyo leya. Dee wambu lapo ee lao kumanda petaminyi dupwa mona minyarambu puu lao peyapyasa epelyo.

Aisaya 63:4

Nambana wambu lete wai pyao nyerono yuu gii doko ipwamo lao soo manjo oteyo. Gii dokopa nakamana yanda pimwai dupwa pyao randa mairu doko pyaka sepelyamo lao soo nyiyu.

Maeka 5:15

Namba ama imbumi kumuo karo wambu rara nambana pii rape rape lao pii nalyaminyi dupwa pyapala yano nyero, letamo.

Dutaronome 32:43

Dokona yuu mure lao Kamongona wambu dupwa lakandarami ingilyamo. Kamongome banya wambu pyao kumakaelyaminyi dupwa isingi pyao randa maira ingilyamo. Dokopa baame banya yanda pimwai dupwa keta yano nyuo banya wambu dupwana koo dupwa nyuo kame sakamyuo pingi, leya.

Ipuru 10:13

Pao pisipala Anatumi Yesu banya nyisu petenge dupwa banya kimbu yukuna isarena nyuo kalyinya laramo mange doko isaro karamo.

Orepalaisane 18:8

Dopa pyuo laramosa koo wakale wakale dupwa enda baa keta yuu gii mendaki dokonako mee komondo kata palyuo epara. Epara dokome yuu andake doko anga ikyane kiso maiyuo lopo andake soo mona rando papala rao muku sera. Doko Kamongo Anatu Porai dokome baa kote laramosa pira leya.