Aisaya 1:2 - Anatunya Buku Baepole Ole Testamene Pii Lapo dee Nuu Tesamene

² Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Aisaya 1:2 ပူးပေါင်းရင်းမြစ်များ

Samu 49:1

Pii dake wambu piso palyuo pelene dupwame kale yukupala selapa.

Aisaya 30:1

Kamongome dopa letamo. Akali lapo yuu Juta iso karaminyi dupwa nambamoo kamba lao mata joo karaminyi dokona nakama kokwa soo nembaro ingilyamo. Nambame kata lapo waso reta nayono dupwana nakamame papala rara wakale dupwa pipya pii palyuo lao nambamoo leyono dupwana isa palyiyami. Yulu koo wambo piyaminyi dupwana kamba ketae pukwai pyuo pyuoko pelyaminyi.

Aisaya 30:9

Nakamame yuu peparae Anatu kyambo lao banya mana pii dupwana mondo lao see nao kamba lao mata maiyuo karenge.

Aisaya 31:6

Kamongome lao, Isaraele wambu dupwa nakamame namba kando koo pipala namba mata rukyuo pilyaminyi. Dopa pilyaminyiko doŋo epapu namba karo dokona range kapu kyuo ipupwape.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Aisaya 65:2

Nambame nambana wambu mona kana pokapala rangena suu pilyu ote lao rangena kata wapuo pelyaminyi dupwa yuu peparae nyisarowale lao rapa rapa piru karenge.

Jeremaya 31:9

Nambana wambu dupwa ee pipya kapu kyuo ateŋa lao range lanyaronopa anda eparami. Nambame ipwa guu dupwana iso lanyuo pao dee nakama lukuma sasaramiŋi lao nambame kata rambe kwuasi dokona lanyuo paro. Dokopa namba Isaraelena rakange dopale ingyaronopa Eporaime nambana wane mupwasa ingyara.

Jeremaya 6:19

Isa yuu dokona palaminyi dupwa selapa. Nakamame koo pimwali yaka lao suu pyao nambana pii warombo see nao dee nambana mana pii dokona kamba lao piminyi dokona wambu dupwa nambame pyao kokwa soo kumuo nembaro, leya.

Isikiolo 36:4

Dokona nakama yuu kyau kuki andakepe ipwa pona kukipi yuu anda lama lamape dee yuu kwaeyasi silyamo dupwape dee taone yuu liti wakale parali maki palenge dupwame pyuo kilya kando kwaeyaminyi dupwa mee apu silyamo dupwape namba Kamongo Mupwa Andake Wakasa karenge dokome apa letene lao selapape.

Emosa 3:1

Nakama Isaraele wambu dupwa peparae Kamongo dokome Isipi piso nyuo lanyuo epeya. Dokona nakamana lao baame pii dake langilyamo selapape.

Maeka 1:1

Akali Jotame Easa Esekayamoo dusipa Juta rara dokona kiŋi yulu pyuo kareyaminyi yuu gii dokopa Kamongo Anatumi akali Maeka yuu Moresete range doko pii lamaiyamo dupwa buku dakena pyasi palamo. Kamongo dokome pii dasipa yuu Samaria Jerusaleme dolapona ingyuo Maeka nolakao lamaiya.

Maeka 1:2

Wambu peparae nakama pii dake selapape. Isa yuu panda karaminyi dupwa peparaeme pii dake selapape. Kamongo Mupwa Andake Wakasa dokome nakama koo pimiŋi lao banya yake panda tembole anda dokona karo, lara.

Maeka 3:8

Saka naraminyipape Kamongo dokome namba banya Imambu dokome paka pyao soo porai renge joo pipya dokome kapa rolelyo lao silyu. Dopa pilyu dokome porayapala Isaraele wambu dupwana koo dupwa pano polo lamaiyakamiru.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

APOSELENA YULU 4:20

Dokona lao nambwame angi kando siyamba dokona laa naramba ingya nalyamo leyambi.

Dutaronome 30:19

Dokona nambame epapu renge kata lama jilyu dolapo lete karenge dokope kumungi dokope dee Anatumi elyape keta pisingi dokope dee koo keta pisingi dokope jilyu. Jepala nambame yake yuupi dolapome nakama angi renge dolapona mende rombo palyuo nyeraminyi dokona usinisi lakana lao kee leto. Lete karenge renge doko rombo palyalapape.

Dutaronome 32:1

Isa yuu yakepe dolapo pii lalopono dupwa selapa. Kale yukupala nambana pii sokondali pipwape.

Dutaronome 4:26

Nambame yake dokopa isa yuu dokopame epapu nakama pipya pii langilyu dokona usinisi ingyuo lakaramiŋi lao kee leto. Nakamame nambana pii warombo see narami ramo doko nakama oo repeta yuu dakena pali nalomene. Doko ipwa Jotane yalo nakama yuu dokona palinya suu pilyaminyi dokona yuu gii andare palyuo kara narami. Nakama pyao kokwa soo nembalu nembo nembaro.