Aisaya 1:16 - Anatunya Buku Baepole Ole Testamene Pii Lapo dee Nuu Tesamene

¹⁶ Nakama range wate pyuokondali pipala rolae ingyuo seramo karalapape. Renge koo nakama pipya nambana lenge kambu sipyamo darena silyamo dusipa ramanyi nembapala

Aisaya 1:16 ပူးပေါင်းရင်းမြစ်များ

Samu 34:14

Koo dupwa mata maiyuo kaeyo keyange pipi. Mona kyuu lao singi renge dokona reoe lao yulu poraiyuo pipala koto nyere.

Samu 37:27

Yulu koo dupwa yaki nyuo kaepala keyange pyuo karape. Dopa pyuo karapala dokopa embena para pyarinyi dupwa yuu dokona mondo lao nao palyuo kararami.

Samu 51:2

Nambana koo dupwa peparae nyuo wate pipala elya pyuo nembakare.

Aisaya 52:11

Nakama tembole anda dokona bange singi nyuo penge dupwa yuu Bapilone yaki nyuo kandokondali pyuo ipupwape. Dopa pipala bange koo palenge dupwa minyandasaramano kando lao waso karo nakama range poo pyasi ingyuo karapala yaki nyuo ipupwape.

Jeremaya 18:11

Dokona lao embame Juta wambupi Jerusaleme palaminyi dupwape randa mainya pipunu dokona dakepa oo randa mainya rapa rapa pyuo kaelyo letamo lao lamaipala koo pilyaminyi dupwa yaki nyuo kata koo papilyaminyi dupwa alowa pyuo kaena lao lamaipi, leya.

Jeremaya 26:3

Wambu dupwame pii doko sepala nakamana yulu koo dupwa kame soo yaki nyerami rapisi. Nakamana yulu koo dupwa peparaena nambame nakama keta randa mairu lao rapa rapa piyu doko nambana suu pingi alowa pyuo kaeyaro.

Emosa 5:15

Yulu koo dupwa epe kanda nao karapala yulu rolae dupwana mona nyuo pyuo karalapape. Nakamame kote pii dupwa rolae angi dokona palyuo lao karalapape. Dopa pyuo kararami ramo dokopa Kamongo dokome nakamana rara dokona mee kyaka petaminyi dupwa sakame kumuo karara rapisi.

Jona 3:8

Dokopa enda akalipi dee mena rara dupwa peparae komau nakamana koo pipala kondome kumuo wapungi doko wapupala nakama Anatu poraiyuo suu pyao ateŋa lao dee enda akalipi dupwa peparae randa nao yulu koo pyuo karaminyi dupwa yaki nyuo kaeyalapape.

Matyu 3:8

Nakama mona enenge palyapala karaminyi doko panena lao yulu keyange pyuo karalapape.

APOSELENA YULU 22:16

Dokoŋo epapu emba akipamo mee isaro petene? Sipurapala bapitisimo nyii. Dokopa banya kingi lao embena koo dupwa wate pinyi nemba leya.

Orome 12:9

Mona retarami ramo dokopa mee mona retele lao kara napala angi mona retalapape. Yulu koo dupwa epekanda nao karalapape. Keyange dokona pinya rungi rungi pyao pipape.

2 Korina 7:1

Yangonemoo Anatumi kinyi lalu lao leyamo renge keyange dupwa peparae namwa keta palamo. Dokona yulu mendeme namwana yongope imambupi karo pisinyi pyambungi doko rekya lao liti pimana. Yulu poo pyasi iki moko minyuo pyuo karo Anatu pako karo baa yeelyo poraiyuo suu pyao karamanale.

Jemesa 4:8

Anatu karamo dokona repetale ipupwape. Dokopa baa nakama keta repetale epara. Nakama akali koo pingi dupwa nakamana kingi dupwa wate pipape. Nakama suu pingi lama mandenge dupwa monarena pyuo poo pyalapape.

1 Pita 2:1

Yulu koo kyambo lengepe pii lamana palyuo lengepe yango palyuo lengepe kilya kando lengepe dupwa rekya lao yaki nyelapape.

1 Pita 3:11

Baa yulu koo dupwa mata maipala mona kyuu lao singinya kata koto nyepala wailyaro soo pirasa pira.

Orepalaisane 7:14

Nambame isingi lao, Kamongo namba see nalyo, embame silinyi leyo. Dokopa baame langyuo, Kurisene wambu randa andake nyiyami. Randa andake nyepala karo Sipisipi Ikyanena ranjama dokome nakamana komau wate pyuo kyewa lapala nyiyamo karaminyi dupwaŋa leya.