Aisaya 1:10 - Anatunya Buku Baepole Ole Testamene Pii Lapo dee Nuu Tesamene

¹⁰ Jerusaleme akali kanjili komiti lowa minyingi dee nakamana wambupi dupwa yuu Sotoma Gomora wambu peteyaminyi dopaleko ingyuo pelyaminyi. Dupwa Kamongome nakama kando apa langilyamo lao selapa. Banya mana letamo dokona doko mende lalyamo lao wangu lakapala selapape.

Aisaya 1:10 ပူးပေါင်းရင်းမြစ်များ

Jenesese 13:13

Dokopa akali yuu Sotoma range dupwame kopetame pyuo Kamongona yulu dupwa uki palyuo kareyami.

Aisaya 28:14

Dakepa nakama akali mupwa yuu Jerusaleme iso karaminyi moŋokyaŋe singi dupwa Kamongome letamo doko apa letamo lao selapa.

Aisaya 30:9

Nakamame yuu peparae Anatu kyambo lao banya mana pii dupwana mondo lao see nao kamba lao mata maiyuo karenge.

Aisaya 33:22

Ipwa sipunya komau porambaiye nyingi dupwa kaolena saka narami dokona komau rongo pipala mee serarami.

Aisaya 8:20

Embame wambu dopale dupwana pii yano pyakamyuo dopa lamairi. Nakama Kamongo Anatumi aki mende mana langyalyamo lao kale yuku selapape. Ropakape pipu lengepe dupwa kale yuku sakami nalapape. Dopale langilyaminyi dokome nakama uki minyara ingilyamo.

Jeremaya 23:14

Dopa piminyipape yuu Jerusaleme dokona poropeta akali karaminyi dupwame yulu koo ai pingi doko piminyi kandelyo. Nakamame enda kepo pipala pii kyambo letaminyi. Wambu dupwa yulu koo pinya lao kata lasaka pyuo karaminyi dokome wambu mendeme yulu koo dupwa yaki nyii narami ingilyamo. Nambame kandapu dokopa yuu Sotoma Gomora dolapona koo piyaminyi dopale manda manjo pelyamo.

Emosa 3:1

Nakama Isaraele wambu dupwa peparae Kamongo dokome Isipi piso nyuo lanyuo epeya. Dokona nakamana lao baame pii dake langilyamo selapape.

Emosa 3:8

Laene juraŋa pokaramo dokopa api mendeme paka nao mona kana pokapala kararase? Kamongo Mupwa Andake Wakasa karenge dokona pii laramo dokopa apimi pii doko nyuo lakami nao kaeyarase?

Emosa 9:7

Kamongo dokome dopa leya. Isaraele wambu dupwa nakama nambame mondo lao suu pyao karenge dopaleko ingyuo Itiopia wambu dupwa suu pyao karapunu pilyamo, leya. Doko nakama yuu Isipi dokona peteyaminyipa nyuo lanyuo epeyo kande dokoko suu pyao nambame Pilisitia wambu dupwa yuu Kirita dokona peteyaminyi lanyuo epo Siria wambu dupwa yuu Kua dokona peteyaminyipa lanyuo epo piyu, leya.

Maeka 3:1

Isaraele lita dupwa nakama pii dake selapape. Nakama yulu rolae yapasi dupwa pepengele doko kaepala

Orome 9:29

Pii doko Aisaya leyamo kata dokonako pelyamo. Kamongo Anatu Porai dokome namwana rakange kyawa dupwa para pyao jii nayali doko namwa yuu Sotoma Gomorapana piyamo dopale ingyuo pupyali.

Dutaronome 32:32

Nakamana yanda pimwai dupwa yuu Sotoma Gomorape koo keta paleyami dopale ingyuo pelyaminyi. Nakama girapo isa jingi kau pingi lyingipi dee jingi napala kumungi lyingipi dopale ingyuo pelyaminyi.

Orepalaisane 11:8

Dokopa taone andake Kamongo Yesu isa mamandona pyao palyiyami dusa ingyuo barete mendena nakambana yanenge mee sera ingiya. Taone doko kongwalu pii palyili lao kingi Sotoma kingi mende Isipi lenge.