Aisaya 1:1 - Anatunya Buku Baepole Ole Testamene Pii Lapo dee Nuu Tesamene

¹ Buku dakeme Juta wambu Jerusaleme paleyami dupwana lao kiŋi Usaya Jotame Easa Esekaya kiŋi yulu pyuo kareyami dokopa Anatumi poropeta Aisaya Emosena ikinyingi keta epo leyamo dokona lasi silyamo.

Aisaya 1:1 ပူးပေါင်းရင်းမြစ်များ

2 Kiŋi 19:2

Papala baame akali Eleakimi kiŋinya anda iso karenge akali mupwa dokope kote singi dupwana pepa pingi akali Sepena lenge dokope dee purisi andapae dupwape akali Amosena ikinyingi poropeta Aisaya lenge kareyamo dokona pena leya. Nakama opetaeko kondome kumuo komau wapungi dupwa wapuyami.

Samu 89:19

Yuu wamba embena kendemande akali yulu mondomondo lao pingi dupwa keta pii repa repa pyuo lao, Nambame ami yanda pyuo mupwa ingiyamo doko kiŋinya kyawa rarange maiyuo namba wambu kareyaminyi dokona rombo palyiyu doko kiŋinya petenge isa doko maiyu.

Aisaya 2:1

Pii dake Anatumi Juta wambu Jerusaleme paleyami dupwana lao Aisaya Emose ikinyingi doko lamaiya.

Aisaya 40:9

Jerusaleme, yuu kyau ketae dokona pulyuo papala waili pii keyange doko lamaipi. Pii ketae palyuo kee lao, Sayone wambu dupwa waili pii keyange doko lamai. Dopa pyuo lao papyuo paka napipi. Yuu Juta taone wambu dupwa lamaiyuo, Nakamana Anatu doko epelyamoŋo, lao lape.

Aisaya 6:1

Ee kana kiŋi Usaya kumuyamo dokopa Kamongo doko kandeyo. Baa kiŋinya petenge isa dokona mupwa ingyuo peteyamo dokopa banya komau londe dokome tembole anda panda dokona soo simbwaya.

Aisaya 7:1

Yuu gii kiŋi Easa Jotamena ikinyingi Usayana kauwange doko Juta wambunya kiŋi yulu pyuo kareyamo dokopa yanda andake sipureya. Siria wambunya kiŋi Oresenepa Isaraele wambunya kiŋi Peka Oremalayana ikinyingi dokopame Jerusaleme pyala epapeyambinyipa kapa ingya nao mee pepe piyambi.

Jeremaya 23:16

Kamongo Porai Wakasa dokome Jerusaleme wambu dupwa lamaiyuo, Poropeta dupwana pii letaminyi dupwa sakami nalapape. Nakamame rengya mende pira lao kekenge pii malu letaminyi. Nambame mende lapunupa langya nalyaminyi. Nakamba range mende pira rapisi lao mee waso nyepala langilyaminyi.

Isikiolo 1:1

Namba purisi akali Isikiolo, Businya ikinyingi doko. Kana kisima yuu gii kingi paki ee kana akalisa ipisu rema dokopa Juu wambu yuu Bapilone karapusi pao kareyaminyi dupwa pipya ipwa Sepa pona dokona peteyama. Dokopa yake kata lumbwapala Anatu pii repa repa mende piyamo kandeyo.

Osia 1:1

Kiŋi Usaya Jotame Easa dee Esekayamoo Juta wambunya kiŋi ingyuo kareyami dee Jeropome Jewasena ikinyingi doko Isaraele wambunya kiŋi ingyuo karo piyamo yuu gii dokopa Berinya ikinyingi Osia keta Kamongo dokome wai pii lamaiyamo dupwana lao buku dakena pyasi palamo.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

Emosa 4:5

Nakama namba kando sangyu lao borete yangao joo nakamame bange matana piso namba jinya minyuo epelyamano lao eparaminyi doko nakama rangena kingi ketae pyambuo pinya mona nyepala pyuo karaminyi.

Maeka 1:1

Akali Jotame Easa Esekayamoo dusipa Juta rara dokona kiŋi yulu pyuo kareyaminyi yuu gii dokopa Kamongo Anatumi akali Maeka yuu Moresete range doko pii lamaiyamo dupwa buku dakena pyasi palamo. Kamongo dokome pii dasipa yuu Samaria Jerusaleme dolapona ingyuo Maeka nolakao lamaiya.

Neyame 1:1

...

Apakuku 2:2

Dokopa Kamogome isingi dopa langiya. Namba emba keta epo nolakaro dupwana lao pepa pyao retare, leya. Retarene dokome awa awa pyuo yaka larami.

Nambase 12:6

Peyambinyi dokopa Kamongome lamaiyuo, Epapu nambana pii doko selapape. Poropeta dupwa nakamba pipya karenge dokopa namba rangeme nakama keta pano epo repa repa pyuo dee kombeyame pii lamaiyuo pingi.

Nambase 24:16

Anatumi pii letamo dupwa namba singi. Nambame soo gisingi renge Anatu Ama Ketae doko keta piso epelyamo doko kando nyingi. Nambame lenge rakaro karo. Anatu Porai Wakasa dokome pii repa repa pilyamo dupwa angi rolae kandenge.

Nambase 24:4

Anatumi pii letamo dupwa namba singi. Nambame lenge rakaro karo. Anatu Porai Wakasa dokome pii repa repa pilyamo dupwa angi rolae kandenge.

Matyu 17:9

Yuu kyau dokona lupyuo epo dokopa Yesumi nakama lamaiyuokondali pyuo lao Ikinyingi Akali ene kumuo palyuo lopo minyalyuo nyepa naramo dokopa pii repa repa pipyamo kandalaminyi kandapi doko dopa pipyaŋa lao wambu mendali lamai nalapape, leya.

APOSELENA YULU 10:17

Pulyo papeyamo dokopa Pita pii repa repa pipyamo kandalono doko aki rengendena pyaano lao suu pyanyi pyano peteyamo dokopa akali Koniliasame dokona pena leyamo dusipa Saimonena anda anja karamo lao wambu piso sepala epo kambu dokona kareyami.

APOSELENA YULU 26:19

O kiŋi Akoripa, dopa leyamo dokopa yake panda piso pii repa repa piyamo doko kandapala kamba laa nayo.

2 Korina 12:1

Rae maiyuo kingi lakandenge yulu dokome mendali nyisa nalyamo. Nyisa napyamopape kata wakale mende see nalyamo dokona mende larowale. Kamongome kombeyame dupwanape pii repa repa pyuo langiyamo dupwape polo langirowale.

2 Pita 1:21

Doko isa wambumi sipurapala lao kareyaminde daa. Imambu Poo Pyasimi wambu maralyiyamopa Anatunya pii doko nolakayamisa piya.