2 Timoti 4:3 - Anatunya Buku Baepole Ole Testamene Pii Lapo dee Nuu Tesamene

³ Renge pii kinyi doko kale yukupala see narami lyakande. Nakama pii angi kinyi doko soo nyii napala rangena suu pingi dokona moko minyuo mana lenge akali rangeme rombo palyapala pii wakale wakale dupwa mana langinya lao kararami.

2 Timoti 4:3 ပူးပေါင်းရင်းမြစ်များ

1 Kiŋi 18:22

Dokopa Ilainjame lao, Nakama mee bange anatu lao lakandenge kingi Bealo lenge poropeta akali malu (450) karaminyi. Dopa pipyamopape Kamongona poropeta dokona namba iki pyarepala pupyamo karo, leya.

1 Kiŋi 22:18

Dokopa Ayapeme Jiosapata lamaiyuo, Baame namba keta keyange piraŋa lao langi napala yuu peparae koo dokonako langingiŋi lao emba langya napu kandapisi? leya.

1 Kiŋi 22:8

Dokopa Ayapeme isingi lao, Imilana ikinyingi poropeta Maekaya karamo. Karapyamopape baame namba rengya mende pira lao keyange dokona langya napala yuu peparae koo dupwanako langingi dokona nambame baa awa nalyo, leya. Jiosapatame isingi lao, Emba dopa laa nare ingilyamo, leya.

Ekesetase 32:33

Leyamo dokopa Kamongo dokome isingi lao, Doko wambu namba kando koo piminyi dupwana kingi dupwa nambana buku dokona pali nana lao kwuanyi nembaro, leya.

Aisaya 28:12

Baame nakama peparae imambu selapa lao mona minyarambu piyamopa nakamame selana makayami.

Aisaya 30:10

Nakamame poropeta akali dupwa pii laa kaena lao pyalana pingi. Dopa pipala nakamame lao, Yulu rolae dupwana lao namwa langya kaena lenge. Lapala, Namwa mende rae maiyuo selana suu pilyamano dupwa langinya lenge. Namwame bange angi kapa pali nara doko mee rae maipala mende pira lapala suu pilyamano doko minyaro karalapa lena, lenge.

Jeremaya 18:18

Sepala dokopa wambu dupwame lao, Jeremaya randa maiyuo pyao ralinyi nembamanale, leyami. Lapala dee lao purisi akali lowa mana lengepe dopa pipa dapa pipa lao mana langingi akalipi poropeta akali pii nolako lenge dusipa lao karalu kararami. Dokona lao Jeremaya banya pii laramo doko sakame naramaŋa randa maiyuo kote lamanale, leyami.

Maeka 2:11

Akali mende dupwana papyuo poropeta karo angi mende pira ingyapyamo kando lete lao kyambo malu lao nakama keta waene biyape mee soo kakana para lapyamo poropeta doko kando wambu dupwame rae mailyaminyi.

Luku 20:19

Yuu gii dokopako Mawa Pii mana lenge dupwape purisi akali mupwa dupwapeme baa puu maiyalana pyuo karo mee wambu dupwa kando pakao kareyami. Baame nakamasa kando kongwalu pii doko lapyalyamo lao sepala baa puu maiyalana piyami.

Luku 6:26

Nakamana rakange kyawa dupwame poropeta angi daa kyambo lenge dupwa kando lakandeyami. Dokona suu pyao akali dupwa peparaeme nakambasa kando lakandarami ramo doko nakamba randa nao kararami ingilyamo.

Jone 8:45

Dopa pipyamopape nambame nakama pii kinyi langilyu dokona pii kinyilyamo lao suu pyaa nalyaminyi.

APOSELENA YULU 17:21

(Yuu Atenesa range dupwape nanesa wambu dokona palenge dupwape nakama peparae pii enenge wakale wakale rae maiyuo koto pyuo kareyami.)

1 Korina 2:1

Yangonemoo namba Anatunya waili pii angi polo langyalana epeyo yuu gii dokopa namba pii londe singinya renge dokomepe langyalana epa nayo.

1 Korina 2:4

Elya piyamopape nambame waili pii leyono dokona wambunya singinya renge pii kendepuli dokome wasapala laa nayo. Dopa piyunu dokopa Anatunya Imambu porainya renge dokome minyuo namba angi leyono doko ando paneya.

Galasia 4:16

Dopa pyuo piyami kandeyo doko dakepa pii kinyi rolae dupwa lao karo dokona namba nakama pipya yanda pimwai ingyuo karope?

1 Timoti 1:10

Dopako pyuo wambu pundange yulu pingipi wambu kepo pingipi wane wanake nyaŋa waa nyingipi wambu kyambo lengepe wambu pii kyarepa pingipi wambu angi rolae pii nangepe Anatumi nakamana lao suu pyao lowa pii dupwa wasiya.

2 Timoti 1:13

Pii langiyunuli pyuo piri lao pii angi langiyu dupwa minyuo karape. Koraisa Yesupa pakaro karaminyi dokona Anatu kapa ingingi lao suu pingipi mona retengepe dolapo poraiyuo minyuo pyuo karalu karare.

Juti 1:18

Nakamame nakama langyuo, Yuu gii lumwa piramo dokopa akali lapo nakama kando giyalya giyana pyuo lao eparami. Lao eparami akali dupwa nakama rangena suu pingi koo suu pyaraminyili pyuo pyuo kararami.