2 Samyuele 9:7 - Anatunya Buku Baepole Ole Testamene Pii Lapo dee Nuu Tesamene

⁷ Dapitimi isingi lao, Emba paka napipi. Embena rakane Jonatane doko nambame kame see nao suu pyao karo banya reke lao nambame emba anjiki pyuo nyisaro. Nambame embena kauwane Sole dokona yuu dupwa peparae emba range jero. Dee emba yuu peparae nambapa nenge role pyao nala epare, leya.

2 Samyuele 9:7 ပူးပေါင်းရင်းမြစ်များ

Jenesese 43:18

Josepena anda nakama lanyuo peyamisa mone wambodupwa nyuunya paleyamo anda manjo peyamapya renge dokona namwa dae anda lanyuo epelyaminyi rapisi lao suu piyami. Pyapala karapusi pyuo mena donge dupwa nyakaopinya pyaminyi lao suu pyapala pakayami.

Jenesese 43:23

Kendemande dokome lao, Monanembo paka nalapape. Nakambanape nakama rakanena Anatu baame byake dokona yole retakaya. Wambo ropo piyaminyi mone doko namba keta piyami kande lapala Simione nakama kareyami dokona lanyuo epeya.

2 Samyuele 12:8

Nambame banya kiŋi yulupi dee banya endape dupwa nyuo jiyu. Jepala Isaraele peparaepe dee Juta peparaepena emba kiŋi ingyuo nambame rombo palyiyu. Doko jiyunu dusipa kapa ingya napyali doko lama konda pyuo jipuli.

2 Samyuele 19:28

Emba kiŋi andake doko. Nambana rakanena ree palu dupwa peparae kokwa soo kumunginya pyambuili doko rolae ingiyali. Dopa piyamopape embame embena rate dokona nenge nala ipu lee kande. Emba kiŋi andake doko. Nambame emba keta anjiki pyuo nyisa laope bange mendepe jii lao piso serono kata mende see nalyamo, leya.

2 Samyuele 19:29

Dokopa kiŋi dokome isingi lao, Emba dee kamba lama konda pyuo laa nare ingilyamo. Embapa Sipapa Solena bange dupwape dee yuu dupwape mokwa soo nyerambi lao suu pyao otapu, leya.

2 Samyuele 19:33

Epeyamo dokopa kiŋi dokome baa lamaiyuo lao, Nambame emba rapu piruŋu Jerusaleme namba role pyao bona epena leya.

2 Samyuele 9:1

Yuu mendepa Dapitimi piso soo lao, Akali Solena ree palu dokona wambu pyarepala peya mende karase? Mendali karara ramo doko Jonatanena reke lao nambame baa anjiki pyuo nyisalana, leya.

2 Samyuele 9:10

Dokona embape embena wane dupwape dee kendemande akali dupwapeme embena akali mupwa Solena ree palu dupwana lao yuu dokona yulu pyuo nenge wara pyakamirami. Dopa pipala nenge wambu piramo dupwa minyuo epo Solena wambu ree palu dupwa mairami. Dopa piraminyipape Mipiposeta baa yuu peparae nambapa role pyao nenge nala epara, leya. Akali Sipa banya ikinyingi akalisa ipisu kingi paki (15) dee banya kendemande akali akalisa lama (20) karenge.

2 Samyuele 9:11

Sipame isingi lao, Emba kiŋi andake dokome pipi letenele pyuo nambame peparae piru, leya. Mipiposeta baa kiŋinya ikinyingi angiko ingyuo kiŋi role piso nenge neya.

2 Samyuele 9:13

Dokopa akali Mipiposeta kimbu laparae kwaeyasi doko yuu Jerusaleme paleya. Palipala baa kwuara yangara peparae lao kiŋi role pyao nenge nao kareya.

2 Samyuele 9:3

Dokopa kiŋi dokome kambako piso soo, Nambame Kamongo Anatu kando lalu lao lao anjiki pyuo nyisaro leyo dokona kiŋi Solena ree palu dokona wambu lapo pyarepala pao karamisi? leya. Dokopa Sipame isingi lao, Jonatanena ikinyingi mendeko iki pyarepala peyamo karamo doko baa kimbu kooŋo, leya.

1 Kiŋi 2:7

Namba embena yangone Epesalomeme pyalana piyamo pakao ralo peyono dokopa nakamame namba anjiki pyuo nyisiyamiŋi. Dokona yuu Giliate range akali Basilainya ikinyingi dupwa embame kando anjiki pyuo nyiso karape.

2 Kiŋi 25:29

Dokona lao Jiyoakini banya karapusi komau alowa pipala kiŋinya nenge nenge dokona nao yuu gii lete kareyamo peparae palyuo karo piya.

Jeremaya 52:33

Dopa piyamo dokopa Jiyoakini banya karapusi komau dupwa alowa pipala baa lete palyuo karo piyamo yuu gii dusipana kiŋinya nenge nenge rate dokona yuu peparae role pyao piso nao kareya.

Matyu 6:11

Yuu peparae namwa nenge napengele doko joo karape.

Luku 22:30

Nambana isingi yulu paliramo dokona nambana taepo dokona nengepe waene ipwangepe nao piso Isaraele rara akalisa ipisu lama dupwa kando kote lao kararami lao rombo palyilyu.

Orepalaisane 3:20

Selapape. Nambame nakamana anda kambu dowa dokona kapakapa pyuo karo. Wambu mendeme sepala kambu dowa lumbwaramo dokopa namba andakare kolando eparonopa nakama pipya yalya kando nenge nao pisarama.

1 Samyuele 12:24

Dokopa Kamongo kando warombo soo nakama mona maipala banya yulu dokona poraiyuo pyamalyapala yaki nyii nao pyakamirami. Dopa pipala baame nakama keta yulu andake pyakayamo doko suu pyaro karalapape.

1 Samyuele 20:15

nambana ree palu dupwa kando elyape pyuo anjiki pyakao karalu karape. Dee Kamongo dokome embena nyisu petenge dupwa pyao kokwa soo nembalu nembo nembaramo dokopa