2 Samyuele 6:14 - Anatunya Buku Baepole Ole Testamene Pii Lapo dee Nuu Tesamene

¹⁴ Dapiti baa komau ama keyange mende bole bale lao wapupala banya porai renge peparaeme Kamongo lakando kenane pyao rae maiyuo wamya lyuo kareya.

2 Samyuele 6:14 ပူးပေါင်းရင်းမြစ်များ

2 Samyuele 6:15

Dopa pyuo Dapiti baape Isaraele wambu peparaepe pii poraiyuo lao rae maiyuo bikuli pii poo lao Kamongona Kana Minyuo Lalu Lao Lenge Pii Palenge Bokote doko nyuo minyuo Jerusaleme peyami.

2 Samyuele 6:20

Dokopa enakana Dapiti baa banya ree palu dupwa yako lao anda peya. Dokopa enda Maikele doko baa Dapiti kandala epeya. Epapala lao, Isaraele wambunya kiŋi doko, epapu baa range kingi ketae nembo karo ipwamo, leya. Banya akali mupwa dupwana kendemande wanake dupwana lenge kambu dokona elya pali nao pyaloko lalya lana pyuo kopyali ingyuo karalamo, leya.

Samu 150:4

Baa laikuli pyao mali lyuo rambyalu kurulupi lao banya kingi lakandamanale.

Samu 87:7

Wambu peparae pyakalyuo pyao dopa laokyaponga pilyaminyi. Yuu Jerusaleme dokona renge keyange dupwa peparae sipurenge lao pilyaminyi.

Ekesetase 15:20

Poropeta enda Miriame Eronena pemalenge doko laikuli kuki mende nyiya. Dokopa enda peparae laikuli kuki lapo nyepala banya matarename pao karo laikuli pyao danjiŋi piyami.

Ekesetase 15:21

Miriame baame nakamana kenane pyakamiya. Koo andake dupwa nyuo anamasi minyapya dokona Kaomongo banya kingi lakando kenane pyamanale. Baame mena ose dupwape osena piso penge akali dupwape ipwa kota dokona sukusa pyao nembapya, leya.

Ekesetase 19:6

Dopa piramopa nakama wambu namba joo otasi dokome purisi ingyuo nambana yulu pyakarami, lao Kamongome leya. Renge dusipana embame Isaraele wambu dupwa lamaipi, lao Anatumi Mosese lamaiya.

Ekelesiyastisi 9:10

Kumunginya yuu dokona emba pare dokona yulu pingipi suu pingipi soo gisinginya rengepe mona palyuo soo nyinginya rengepe dupwa see naramo dokona emba yulu aki mende pinya suu pyao pilini dupwa poraiyuo pepe.

Luku 15:25

Dokopa banya ikinyingi wambo mandeya doko ee dokona yulu pyuo kareya. Karo anda maretale epo dokona lakuli pii lao mali lyuo kareyaminyi siya.

Dutaronome 6:5

Nakamana monape nakamana imambupi nakamana porainya rengepe dupwa peparaeme nakamana Kamongo Anatu doko mona retalapape.

Kolosi 3:23

Yulu mende piyami kande dokona mona nyepala mee akalinya daa Kamongo dokona pyakamipusa pyaamo lao suu pyao poraiyuo pipape.

1 Samyuele 2:18

Wane Samyuele baa komau yapasinde wapwaro karo Kamongona yulu dokona kaeya nao piya.

1 Samyuele 2:28

Isaraele doloma kareyaminyipa banya ree palu doko nambame rombo palyuo purisi wambu ingyuo rendamu pingi kiso maingi kana pyarena kiso yulu pyuo karo purisinya komau wapuo nambana yulu dokona soo karena leyo. Nambame kana pyarena kisiyaminyi rao kareyamo dokona nakama lapo kata rolaena kapa nyinya leyo.