2 Samyuele 5:6 - Anatunya Buku Baepole Ole Testamene Pii Lapo dee Nuu Tesamene

⁶ Kiŋi Dapitimi banya akali dupwa pipya yuu taone Jerusaleme doko pyao nyela parami yuu gii doko pyaka siya. Yuu taone dokona Jepusi rara dupwa palenge dupwame Dapiti baame kapa pyuo yuu taone doko pyao wini pyuo nyii nara lao suu piyami. Dokona lao nakamame Dapiti lamaiyuo lao, Nakama yuu dakena epa nalu narami. Dee kamame wambu lenge koope kimbu kwaengepe dupwame kata rokwarami ingilyamo, leyami.

2 Samyuele 5:6 ပူးပေါင်းရင်းမြစ်များ

Jenesese 14:18

Dokopa yuu Saleme kiŋi akali Melekiseteke baa Anatu Ama Ketae dokona purisi ingyuo karengeko dokome borete waenepe lapo Aporamena minyakamyuo epeya.

2 Samyuele 22:30

Embame nambana nyisu petenge dupwa pyaa lao namba porainya renge jingi. Dee embame namba porainya renge jingi dokopa nyisu petenge dupwana yuu taone dupwana kana kame dupwa mee pyao lalyuo kokwa soo nembenge.

Jeremaya 37:10

Kamame nakamame yuu Bapilone ami yanda singi dupwa peparae pyao isa palyuo winimi piparaminyipape akali lapo nakama yanenge poro lao ranjama eparamo nakamana komau anda dokona luu palyuo seraminyi dupwame sowale pyuo karo sipurapala yuu taone dake pyao kiso isa palyarami ingilyamo. Kamongo dokome nambame Setekaya lamaipi lao langiya.

Ipuru 7:1

Melekiseteke baa yuu Seleme dokona kiŋi ingyuo karo Anatu wakasa karenge dokona purisi ingyuo kareya. Aporakameme yanda pyuo kiŋi dupwa pyao wini lapala epeyamopa Melekiseteke baa kando nyepala Anatunya kingi lao elyape keta pena leya.

Josua 10:3

Dokona lao akali Atonisetekeme pii nembo akali Oyame yuu Eperonena kiŋi dokope akali Pirame yuu Jamurana kiŋi dokope akali Japia yuu Lakisinya kiŋi dokope dee akali Depa yuu Ekelonena kiŋi dokope dopa lamaiya.