2 Samyuele 23:5 - Anatunya Buku Baepole Ole Testamene Pii Lapo dee Nuu Tesamene

⁵ Kamongome namba kando pii kana minyuo lalu lao leya dokona Anatumi nambana manjirunu dupwa elyape keta pisinyi pyambwakara. Dee pii angi kinyi walengena palyuo yaki nyuo kaeya naro, leya. Pii lalu lao lapala alowa pii nange dokona namba moname nyilyamo. Dokona Anatumi namba dopa pyuo angi pyakaramo dokopa anamasi minyuo kararo.

2 Samyuele 23:5 ပူးပေါင်းရင်းမြစ်များ

Jenesese 9:16

Karapala puiya kopa rakapana seramo kandaro dokome namba Anatumi lee renge bangepe dee isa wambupi pipya kana minyuo leyama kande lao suu pyaro, leya.

2 Samyuele 12:10

Embame namba kando kamba lapala akali Yurayana etenge nyakami dokona epapu embena para pyao manjiraminyi dupwana yaka lao randa andake lapo nyuo pyao kumarapuko pyuo para.

2 Samyuele 18:14

Dokopa Joapeme lao, Yuu gii malu nembo namba embapa pii laa naramba, leya. Lapala Epesalome baa isa oke dokona lete yukwaro kareyamopa kaku rema nyepala Epesalomena kyangali dokona pyao pisiya.

2 Samyuele 7:12

Emba kumarene dokopa embena rora ambasu dupwa pipya role pyao malu pirami. Dokopa nambame embena ikinyi dokona mende kiŋi rombo palyaro. Dopa pirunupa banya kiŋi yulu doko porai ingyuo ando para.

2 Samyuele 7:18

Kiŋi Dapiti baa Kamongona komau anda dokona kolando pao banya lenge kambu dokona isa pisipala ateŋa lao lao, Kamongo Mupwa Andake Wakasa doko, embame wambo nambana lao yulu pipinyi dupwa nambape dee nambana ree palu dupwa yulu keyange pimwandena pipinde daa.

1 Kiŋi 1:5

Dokopa akali Epesalome baa kumuyamo dokopa akali Atonainja lenge Dapiti Akitipana ikinyingi doko wane mupwa doko baa kuma nao mee lete ando kareya ingiya. Baa akali elyape ingyuo ando kareya Dapitimi wane doko pyalana pyuo laa nange. Dokona Atonainja baa kiŋi karapuli lao suu pyao kareya. Baame mename uliuli ipyuo pengepe mena osepe dupwa baa rangena lao reteya. Dee baa rapu pirami akali dupwa akalisa kingi paki karo piyami.

1 Kiŋi 11:38

Embame nambana pii warombo sulu soo soo nambana mana pii minyuo pyuo palyuo karo nambana kendemande akali Dapitimi namba lengenyili pyuo pyuo karapala namba rae mainyi pyambungi doko suu pyao embame piri ramo yuu peparae namba embapa role pyao kararo.

1 Kiŋi 12:14

Akali enye dupwame dopa pinya dapa pinya lena leyaminyili pyuo baame lao, Nambana rakane dokome nakama randa andake jiya. Dopa piyamopape kamame ulipili ingyuo randa jero. Baame nakama lisa marapu dokome piya kande. Nambame nakama mena osena wiki pepona dokome pyaro, leya.

Samu 27:4

Nambame renge mendaki mende Kamongo piso sipu. Renge mendaki iki nyelana suu pilyu. Doko namba lete kararono dokopa Kamongona anda dokona iki palyuo karapuli yaka. Dokona karobaa keyange wakasa ingyuo karamo lao soo nyuo rae maipala nambame baa kata keyange lasaka pinya lao piso soo kararowale.

Samu 89:3

Akali nambana rombo palyisi pipa lao kana minyilyu. Nambana kendemande akali Dapitipa

Aisaya 11:1

Kiŋi Dapitinya kiŋi yulu alonge dokona banya rara dokona mende pulyara. Doko isa pokwasi renge dokona angalu pyakalyingi dopale ingyara.

Aisaya 54:10

Yuu kyau kuki andakepe dupwa poro lao para. Dopa piramopape nambame nakama mona retelyo doko ota nalu nara. Nakama keta mona kyuu lao seraŋa lao lao kana minyuo leto pii doko minyaro. Kamongo nakama mona retelyamo dokome dopa letamo.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Aisaya 61:8

Kamongo dokome lao, Namba kyai rolaepena anjuku lao lao rolenge yulu mona nyepala wambu randa maingi yulupi yulu kopetame pingipi epe kanda nange. Nambame nambana wambu dupwa yaki nyii nao nakama kingi kiso maiyuo nakama pipya kana minyuo lalu lao lenge pii ingyuo laro.

Aisaya 7:14

Dakepa Kamongo baa rangeme emba renge lyakai mende pyuo lasaka piramo doko dopale. Doko enda mapwae mende petamo doko keta wane ingyaramo manjipala dokopa kingi doko Imanuele larami, leya. (Imanuele kingi doko Anatu namwa role pyao karamo dopale.)

Isikiolo 37:26

Nambame nakama pipya pii lalu lao lao kana minyuo laronopa nakama keta mumbwa palyaramopa elyape keta palyuo puu parami. Namba dopa pyuo kanda soo pipala wambu wai kiso andake inginyi pyambwapala nambana tembole anda doko nakamana yuu dokona wasaronopa karalu karara, leya.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.

APOSELENA YULU 13:34

Dee baa dee kumuo rumbya nana lao minyalyuo nyiya dokona lao dopa leya. Dapiti kando yulu yapasi kulisa baa keta pyakaro lamaiyuo, yulu doko emba keta palira leya.

Ipuru 13:20

Yesu kumuo ranjama isa peyamo dokome Anatunya lalu lao leyamo pii doko kapa wai wara pisi silyamo. Namwana Kamongo Yesu baa kumuyamopa Anatu baa lopo nyiya. Nyiyamopa namwana sipisipi rapu pingi mupwa ingyuo peya.

Ipuru 6:19

Renge dolapome Anatunya Imambunya yulu dokona paa isa ingyaro karo paka pyao soo Anatu karamo yake panda nee pingi dorena puu pao pelyamo.

1 Samyuele 2:35

Nambame purisi mende yulu kare kare soo pyuo dee nambame yulu peparae suu pilyu dokona moko minyuo pirande kando rombo palyaro. Nambame baa para pyao nyeraminyi dupwape kiso mairunupa dupwame yuu peparae nambame kiŋi mende rombo palyarono lenge kambu dokona nambana yulu pyakao kararami.